1 Timoti 6:21 - Nyaa Shɔɔ Ɓɔɔ Laa a Ɓɛɛ

²¹ Zang ɓɔɔ ri yáa danggn kɔ ri shing ka bii Laa ɓee tɔ, ka ruu ɓɔɔ, ri ɓaa shoo ka yee ɓɔɔ naa weɓe ɓɛɛ. N gaa Laa, wu pálɛ̀ nɔɔ tɔ̃ɔ nandon.

1 Timoti 6:21 Referans Kwoze

2 Timoti 2:18

Ri yaa gbalang ɓɔɔ niizang tɔ, ri kpantɛ zang ɓɔɔ ri shing danggn tɔ jĩng, ri kɔɔrɔ ri nɛɛ, Laa wisi zang paa ɓi tɔ̀ɔ́ nɛɛ saa kpang.

1 Timoti 1:19

Mɔɔ ti yiti danggn ɓɔɔ mɔɔ shing ɓɛɛ, rɛ̃rɛnang ɓaaɓɛ, wu ti nwang tɔ̃ɔ. Zang ɓɔɔ ri yáa danggn ɓɔɔ ri shing ka bii Yeesɔ ɓɛɛ tɔ, ka ruu ɓɔɔ, ri ɓaa shoo ka vuu ɓɔɔ rɛ̃rɛnang ɓarɛ kɔɔ ri kpang ɓɛɛ.

Kolosi 4:18

Nkɔ Bulu, n bèe nyaa jeerenang keɓe nɛɛ naa mɛɛ. Danggn wu ning nɔɔ kpang, nɔɔ gàa m Laa katɔ, ka ruu ɓɔɔ, n doo ka sãa ɓɛɛ. Laa wu pàlɛ̀ nɔɔ tɔ̃ɔ.

Yahudi 13:25

Laa wu pàlɛ̀ nɔɔ tɔ̃ɔ nandon. Nɔngkɔ.

Titu 3:15

Zang ɓɔɔ ri nɛɛ n, ɓɔɔ ri dũng doo Laa kɔ, ri jee mɔɔ nyaa. Mɔɔ jèe ruu wusang ɓuru ɓɔɔ ri dũng doo Laa kɔ nyaa. Laa wu pàlɛ̀ nɔɔ tɔ̃ɔ nandon.

2 Timoti 4:22

Kpanti Yeesɔ Kirisi wu shingnɛ, mɔɔ tãa tĩnang, Laa wu palɛ nɔɔ tɔ̃ɔ nandon.

1 Timoti 6:10

Kasɛnang saka wukɔ dĩiri vuu shi kpang nandon. Zang ɓɔɔ ri làabìi walɛnang, ri yaa gbalang danggn ɓɔɔ ri shing ka bii Laa tɔ. A ri atɛ yuu ɓarɛ yeti lasɛnang ɓɔɔ kɔ̀ng dɔɔli tɔ.

1 Timoti 1:6

Zang ɓɔɔ ri ning gbalang keɓe tɔ, ri ràa jĩng ɓarɛ kaa nyaa laanang naa shoko.

Rooma 16:23

Gaayu, zang ɓɔɔ n nwang ka gãa ɓiɓɛ, ɓɔɔ zang ɓɔɔ ri dũng Kirisi ri kpalɛ zɔɔ ka gãa ɓiɓɛ ɓɛɛ, jée nɔɔ nyaa jong. Erasitu ɓɔɔ zang gari ri shing saka ka naa ɓiɓɛ, nɛɛ manzung ɓuru Kpaatu ɓɔɔ dũng doo Kirisi kɔ, ri jée nɔɔ nyaa.

Rooma 16:20

Laa ɓɔɔ shing ruu, ruu nwang ka nyaa zɔɔ naa lasɛ naa vuu palɛnang Sheetang ditɔ, wu shingnɛ nɔ́ɔ náa Sheetang kaa nɛɛ doo. N gaayi Kpanti ɓuru Yeesɔ Kirisi wu palɛ nɔɔ tɔ̃ɔ.

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

Matiyu 6:13

Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang. Ta ruu katɔ kɔ jong nɛɛ naa ɓiɓɛ.