1 Timoti 5:14 - Nyaa Shɔɔ Ɓɔɔ Laa a Ɓɛɛ

¹⁴ N kasɛ suvɔ ɓɔɔ ri doo jasang, ri gee varɛ, ri yi jaa. Ri gãng jĩng ka gãa ɓarɛ, tɔ̀ɔ, ruu yàa zang ɓɔɔ ri shing jĩng nɛɛ ruu kpang gbalang kaa tɔ̀ɔ́, ri rang yee shi kpang ka yuu ɓuru kpang.

1 Timoti 5:14 Referans Kwoze

Titu 2:5

Ri kpɛ̃ɛrɛ ri, ri yiti yuu ɓarɛ waasɛ̃, ri pálɛ̀ dũndũng kpang, ri nwang zang soro ɓɔɔ tɔ̃ɔ, ɓɔɔ ri palɛ shonang gãa ɓarɛ katɔ ɓɛɛ, ri palɛ zang tɔ̃ɔ, ri ɓaa shoo ka nyaa varɛ ɓarɛ. Tɔ̀ɔ, zang ri rang yee shi kpang kaa tɔ̀ɔ́ ka yuu Ruu Laa kpang.

1 Timoti 6:1

Mɔɔ nɛɛ jaafoo, mɔɔ zì dabang gãa ɓaaɓɛ, naa zang ɓɔɔ dàa naa ɓɔɔ mɔɔ a wu bannang katɔ ɓɛɛ. Tɔ̀ɔ, zang ɓɔɔ wu rang yee shi kpang kaa tɔ̀ɔ́ yuu Laa nɛɛ yuu vuu kɔ ruu tusu zang ɓɛɛ kpang.

Titu 2:8

Tusu vuu ɓɔɔ tɔ̃ɔ ɓɔɔ zang ɓɔɔ kɔɔ kpang nɛɛ shi kpang, kpang ɓɛɛ. Tɔ̀ɔ, yusɛ̃ɛ wu tuu zang ɓɔɔ ri shing jĩng nɛɛ mɔɔ kpang kati, ri wàlɛ̀ vuu shi kpang ɓɔɔ ri kɔ̀ɔ́ ka yuu ɓaaɓɛ kaa takpang.

1 Timoti 4:3

Zang ɓɔɔ ri kpɛ̃ɛrɛ zang nɛɛ, soro geenang shi kpang. Nɛɛ vuu shaanang ɓɔɔ kagn, ri ti shaa kpang. Vuu shaanang ɓɔɔ Laa mãarɛ, nɛɛ tɔɔ zang ɓɔɔ ri dũng wu, ɓɔɔ ri ti zi ruu ɓɔɔ niizang tɔ, ri tarɛ ri ti zãa wu kati ɓɛɛ.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

1 Timoti 5:11

Mɔɔ bèe nung suvɔ ɓɔɔ ri doo jasang ka labeenang ɓɔɔ mɔɔ beere nung rɛɛ suvɔ ɓɔɔ zang ɓɔɔ ri dũng Laa ri gãng jĩng ka ri ɓɛɛ kpang. Ka ruu ɓɔɔ, naa bii ɓarɛ seepaa, ri kàsɛ́ nɛɛ ri gee ɓarɛ kaa varɛ. Ri naa yáa nyaa ɓɔɔ ri a Yeesɔ Kirisi kaa tɔ ɓɛɛ.

1 Timoti 2:8

N kasɛ zang varɛ, ri nɛɛ gaa Laa ka nɔng piti ɓɔɔ zang kpalɛ yuu zang gaa Laa ɓɛɛ, ri tuu naa ɓarɛ ka lapa. Yeti ɓarɛ wu lasɛ katɔ kpang, ri ti pálɛ̀ naa ri laa nyaa nɛɛ zɔɔ kpang.

2 Koranti 11:12

N yaa vuu kɔ n palɛ ɓee kpang. Tɔ̀ɔ, n zãa zang ɓɔɔ ri ɓaa yuu ɓarɛ nɛɛ ri zang shonang Yeesɔ, vuu ɓɔɔ yi ri naa kagn, ri kɔɔ nɛɛ ri palɛ shonang doo naa ɓɔɔ ruu palɛ kɔ ɓɛɛ.

Rooma 14:13

Ka ruu nɔngkɔ, ruu yaa ruu ɓɔɔ ruu dɔng zɔɔ ɓɛɛ ta. Nɔ́ɔ shing ka yeti manɛ nɛɛ nɔɔ shing ɓaazung ɓɔɔ dũng doo Laa kɔ, wu kpaa doo kpang, wu ti palɛ vuu shi kpang, kpang.