1 Timoti 4:16 - Nyaa Shɔɔ Ɓɔɔ Laa a Ɓɛɛ

¹⁶ Gãng jĩng ka yuu ɓaaɓɛ, mɔɔ ti gãng jĩng, ka vuu ɓɔɔ, mɔɔ tusu ɓɛɛ. Palɛ rɛɛ vuu keɓe diki diki. Ka ruu ɓɔɔ, mɔɔ nɛɛ palɛ tɔ, mɔɔ ta yuu ɓaaɓɛ nɛɛ ɓɔɔ zang ɓɔɔ ri tãa vuu ɓɔɔ mɔɔ kɔɔ ɓɛɛ katɔ ɓɛɛ.

1 Timoti 4:16 Referans Kwoze

Titu 1:9

Wu ti yiti ruu niizang ɓɔɔ ka vuu ɓɔɔ zang ɓɔɔ ri dũng Laa ri tusu ɓɛɛ gbãng gbãng. Wu palɛ nɔngkɔ, wu mã̀ zang ɓɔɔ danggn nɛɛ vuu ɓɔɔ wu tusu ɓɛɛ. Wu ti tùsù zang ɓɔɔ ri bɛ̃ɛ rúu bìí katɔ, naa ɓɔɔ ri ning gbalang ɓɛɛ.

Titu 2:7

Ka vuu ɓɔɔ mɔɔ palɛ piti, tusu yuu ɓaaɓɛ, mɔɔ nwang zang ɓɔɔ zang kpɛ̃ɛrɛ vuu ka bii ɓiɓɛ ɓɛɛ. Tusu zang vuu nɛɛ yeti gbete, mɔɔ ti pĩiri nɛɛ vuu ɓɔɔ mɔɔ tusu zang ɓɛɛ kpang.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

Yahudi 12:15

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ wàlɛ̀ tɔ̃ɔ Laa kpang, a zang ɓɔɔ nɛ̀ɛ́ ta yeti ɓɔɔ la katɔ ɓɛɛ, ɓɔɔ shingnɛ, nyaa haanang seepaa, ɓɔɔ lasɛ zang dɔɔli ɓɛɛ.

2 Timoti 3:14

Ɓɔɔ ɓaaɓɛ, dũng ɓaa vuu ɓɔɔ mɔɔ kpɛ̃ɛrɛ a mɔɔ ti shing danggn tɔ kagn gbãng gbãng ɓɛɛ. Mɔɔ ti zi zang ɓɔɔ ri tusu mɔɔ vuu ɓɛɛ tɔ.

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.

1 Timoti 1:3

Ka ɓɔɔ n yupaa Makidoniya daanang, n kɔ̀ɔ mɔɔ n tɔ̀ɔ, mɔɔ nwang ka Afisa ka nɔngkɔ. Zang ɓɔɔ ri kagn ka nɔngkɔ, ɓɔɔ ri tusu vuu ɓɔɔ niizang kpang, shaarɛ ri nyaa nɛɛ ri yaa ta.

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

2 Timoti 2:10

Ka ruu nɔngkɔ, n mã danggn vuu piti ka ruu zang ɓɔɔ Laa shɛ̃ɛrɛ ri katɔ ɓɛɛ. Tɔ̀ɔ, Laa wu ta yuu ɓarɛ kaa jong. Yuu tanang ɓɔɔ a nɛɛ bii Yeesɔ Kirisi ɓɛɛ, ɓɔɔ ti atɛ suru bii ɓɔɔ waa nyaa kpang ɓɛɛ.

1 Koranti 9:27

N kasɛ tɔ n dang jĩng ka zɔ̃ng zɔ̃ng, tɔ̀ɔ, n yiti yuu mɛɛ kati. Tɔ̀ɔ, ɓɔɔ n kɔɔrɔ zang Ruu Tɔ̃ɔ Laa, Laa nɛ̀ɛ́ naa bɛ̃ɛ m.

Zang Shonang Yeesɔ 6:4

Rùu ráa jĩng ɓuru kaa Laa gaanang, nɛɛ Ruu Laa kɔɔrɔnang.”

Maraku 13:9

Nɔɔ shing yuu manɛ tɔ̃ɔ tɔ̃ɔ, ka ruu ɓɔɔ, zang naa a nɔɔ zang ɓɔɔ ri jɛ̃ɛ ruu ditɔ ɓɛɛ. Zang naa nyɔ nɔɔ ditɔ ka gãa zɔɔ kpalɛnang zang Yahudi. Zang naa atɛ nɔɔ ditɔ ka tĩng rɛɛ gɔmna nɛɛ rɛɛ kpanti ka ruu mɛɛ, tɔ̀ɔ, nɔ́ɔ kɔɔ ri Ruu Laa kati.

Yakubu 5:20

nɔɔ zi ka yeti manɛ nɛɛ, zang ɓɔɔ shing zang ɓɔɔ palɛ vuu shi kpang, wu yaa gbalang vuu shi kpang ɓɔɔ wu palɛ ɓɛɛ, ta yuu zang kaɓa tɔ nɛɛ naa vɔrɔ. Laa ti yàá zang ɓɔɔ palɛ vuu shi kpang kaɓa gbalang vuu shi kpang ɓɔɔ wu palɛ dɔɔli ɓɛɛ katɔ.

Titu 2:15

Tusu zang vuu keɓe. Pálɛ́ shonang nɛɛ naa vuu palɛnang ɓaaɓɛ nandon, mɔ́ɔ mã̀ zang ɓaaɓɛ danggn. Mɔɔ ti mangkɛ ri. Mɔɔ yaa zang ɓɔɔ wu risi mɔɔ naa vĩi kpang.

Kolosi 4:17

Nɔ́ɔ ti kɔɔ Akipu nɛɛ, “Shing jĩng, mɔɔ hangsɛ shonang ɓɔɔ mɔɔ ta ka bii Kpanti Yeesɔ katɔ.”

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.

Rooma 11:14

Naa n shíng zang zɔ̃̌ng mɛɛ katɔ, ri kaa sũnyaa, tɔ̀ɔ, Laa wu ta yuu zang ɓɔɔ ka teteng ɓarɛ.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Zang Shonang Yeesɔ 26:22

Làá kɔ yi m naa ka bii sasak, a nɛɛ mani ka lɛɛkɔ kɔ n kɔɔ rɛɛ zang bang nɛɛ wujɛ piti ɓee. N kɔɔ m doo vuu ɓɔɔ rɛɛ zang nyaa shonang Laa nɛɛ Musa ri kɔɔyi nɛɛ naa palɛ ɓɛɛ kɔ.

Filimon 1:19

Vuu keɓe n bèe nɛɛ naa mɛɛ. Nkɔ Bulu n shurɛ. Danggn wu ning mɔɔ kpang, n dũng mɔɔ suru bii ɓaaɓɛ.

1 Tesalonika 2:16

Ri ti kãa naa ɓɔɔ ri zãa ruu gbalang ɓɔɔ ruu kɔɔ zang ɓɔɔ ri zang Isirela kpang ruu, ɓɔɔ naa ta yuu ɓarɛ katɔ ɓɛɛ. Vuu kɔ̀ ri palɛ ɓee, kɔ shingnɛ vuu shi kpang ɓɔɔ ri palɛ diki diki ɓɛɛ, ɓèe nyaa kaa kiiri. A kãntang yeti Laa lasɛ tɔ nɛɛ ri, jɛ̃ɛ ri ruu kaa tɔ.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

1 Timoti 4:15

Palɛ vuu keɓe, mɔɔ shing yuu ɓaaɓɛ kagn gbãng gbãng, tɔɔ zang piti ri zi naa ɓɔɔ mɔɔ daa nɛɛ tĩng kati.