1 Bituru 5:14 - Nyaa Shɔɔ Ɓɔɔ Laa a Ɓɛɛ

¹⁴ Nɔɔ jee zɔɔ nyaa nɔ́ɔ kɔ̃ng zɔɔ ka danggn, zang zi ka wukɔ nɛɛ nɔɔ kasɛ ruu zɔɔ katɔ. Yeti manɛ nandon, ɓɔɔ nɔɔ dũng Yeesɔ Kirisi wu valɛ katɔ.

1 Bituru 5:14 Referans Kwoze

Rooma 16:16

Nɔɔ jèe zɔɔ nyaa, nɔɔ kɔ̃ng zɔɔ katɔ, naa ɓɔɔ zang ɓɔɔ ri dũng Kirisi ri palɛ ɓɛɛ. Zang ɓɔɔ ri dũng doo Kirisi kɔ nɛɛ nɔng piti piti ri jée nɔɔ nyaa.

Afisa 6:23

N gaa Daa ɓuru Laa nɛɛ Kpanti ɓuru Yeesɔ Kirisi, ri shing rɛɛ manzung ɓuru, yeti ɓarɛ wu valɛ katɔ, ri kasɛ ruu zɔɔ, ri ti yi rɛɛ manzung ɓuru naa kagn, ri shing danggn.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

1 Koranti 16:20

Zang ɓɔɔ ri dũng Laa ka nihn nandon, ri jee nɔɔ nyaa. Nɔ́ɔ ti jée zɔɔ nyaa jong nɔɔ kɔ̃ng zɔɔ katɔ ka ruu nung Laa.

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

Yɔhana 20:26

Diki ɓa tɔ mantaati zang ɓɔɔ ri mantɛ vuu ka bii Yeesɔ ri kaa nyaa zɔɔ, ka yeti gãa. Tooma nɛɛ ri. Ri kulu nyaa gãa katɔ, a Yeesɔ a doo nɛɛ mani, naa shii ka teteng ɓarɛ, a kɔɔ ri tɔɔ, “Yeti manɛ wu lasɛ kpang.”

Yɔhana 20:19

Nɛɛ laarang ka diki kaɓa, ka diki ɓɔɔ nɔng gãntɛ tɔ gbete, ka knti Diki Ɔ̃sɔnang ɓɛɛ. Zang ɓɔɔ ri mantɛ vuu ka bii Yeesɔ ri kpalɛ zɔɔ ka yeti gãa, ri kulu nyaa gãa katɔ, ka ruu ɓɔɔ, ri kaa vɔrɔ zang Yahudi ɓɛɛ. Yeesɔ a doo nɛɛ mani, naa shii ka teteng ɓarɛ, a kɔɔ ri tɔɔ, “Yeti manɛ wu lasɛ kpang.”

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

1 Tesalonika 5:26

Nɔɔ jee zang ɓɔɔ ri shing danggn tɔ nandon, nyaa tɔ̃ɔ tɔ̃ɔ.

2 Koranti 13:12

Nɔɔ jee zɔɔ nyaa tɔ̃ɔ tɔ̃ɔ.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

Matiyu 5:47

Naa nɔɔ ti jee rɛɛ ɓaazung kɔ nyaa shɛ̃ɛning, nɔɔ ɓa rɛɛ zang ɓɔɔ ɓu kaa nɛɛ viya? Zang ɓɔɔ ri dũng Kpanti Laa kpang, ri palɛ ɓu doo nɔngkɔ kpang ya?

3 Yɔhana 1:14

ka ruu ɓɔɔ n kasɛ anang katɔ bii manɛ pati ɓɛɛ. Tɔ̀ɔ, ruu naa kɔ̀ɔ zɔɔ kaa nɛɛ nyaa.