1 Yɔhana 4:8 - Nyaa Shɔɔ Ɓɔɔ Laa a Ɓɛɛ

⁸ Zang ɓɔɔ kasɛ ruu zang kpang, zi Laa ɓi kpang, ka ruu ɓɔɔ, vuu piti ɓɔɔ Laa palɛ, palɛ ɓi ka ruu zang kasɛnang ɓɔɔ ka yeti ɓiɓɛ ɓɛɛ.

1 Yɔhana 4:8 Referans Kwoze

1 Yɔhana 4:16

Ruu zi naa ɓɔɔ Laa kasɛ ruu tɔ ka yeti ɓuru, a ruu ti shing gn ka ruu zang kasɛnang ɓiɓɛ keɓe katɔ. Kasɛ ruu zang ɓi katɔ. Zang ɓɔɔ kasɛ ruu zang katɔ sasak, nwàng ɓi nɛɛ Laa, a Laa ti nwàng ɓi kagn yeti ɓiɓɛ.

1 Yɔhana 4:7

Rɛɛ masang ɓɔɔ n kasɛ nɔɔ katɔ dɔɔli ɓɛɛ, ruu kasɛ nɔɔ ruu zɔɔ katɔ, ka ruu ɓɔɔ, zang kasɛnang a ɓi nɛɛ bii Laa ɓɛɛ. Zang ɓɔɔ kasɛ ruu zang, ɓi zang Laa kɔ, ti zi Laa ɓi katɔ.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

Afisa 2:4

A gn zang kɔng Laa kaa dɔɔli doo nɛɛ mani, a kasɛnang ɓɔɔ wu kasɛ ruu nɛɛ nɔɔ nɛɛ mani ti bang dɔɔli.

1 Yɔhana 1:5

Yee ɓɔɔ ruu tãa ka nyaa ɓiɓɛ, ruu kɔɔ nɔɔ wukɔ. Laa kɔ nɔng yakɛnang, Ruu ɓiɓɛ hãa ɓi kagn nɛɛ vuu shi kpang, kpang.

1 Yɔhana 3:6

Zang ɓɔɔ nwàng nɛɛ Kirisi a ti dũng ruu ɓiɓɛ, huu shoo nɛɛ vuu shi kpang palɛnang kpang. Zang ɓɔɔ huu shoo nɛɛ vuu shi kpang palɛnang, zi wu nung kpang, ti zi wu gn nɛɛ jĩng kpang.

1 Yɔhana 2:9

Zang ɓɔɔ tɔɔ wu ka nɔng yakɛnang, a kasɛ ruu ɓeezung kpang, ɓi dòo ka nɔng ɓɔɔ tɔ̀ɔ katɔ ɓɛɛ.

1 Yɔhana 2:4

Shɔnzang ɓɔɔ kɔɔyi tɔɔ, “N zi wu tɔ,” a ti shing jĩng ka nyaa ɓɔɔ wu dang ɓɛɛ kpang, ɓi zang sèé. Ruu ɓɔɔ niizang ɓi kagn yeti ɓiɓɛ kpang.

Yahudi 12:29

Ka ruu ɓɔɔ, naa ɓɔɔ waa shaarɛ vuu piti katɔ Laa dang zang ɓɔɔ ri ɓaa shoo ka yee ɓiɓɛ kpang jĩng doo nɔngkɔ, wu ningsi ri piti.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.