1 Yɔhana 3:23 - Nyaa Shɔɔ Ɓɔɔ Laa a Ɓɛɛ

²³ Laa dang nyaa tɔ nɛɛ ruu shing danggn ka bii Jaa ɓiɓɛ Yeesɔ Kirisi. Nɛɛ ruu ti kasɛ ruu zɔɔ katɔ naa ɓɔɔ wu dang ruu nyaa ɓɛɛ.

1 Yɔhana 3:23 Referans Kwoze

Yɔhana 13:34

Kãntang keɓe, n dang nɔɔ kaa nyaa ɓɔɔ shɔɔ. Nɔɔ kasɛ ruu zɔɔ katɔ. Naa ɓɔɔ n kasɛ nɔɔ, nɔɔ kasɛ ruu zɔɔ doo nɔngkɔ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

Yɔhana 15:12

N dang nyaa n tɔɔ, nɔɔ yi tĩng ka ɓɔɔ nɔɔ kàsɛ́ zɔɔ katɔ, naa ɓɔɔ n kasɛ nɔɔ ɓɛɛ.

Yɔhana 6:29

Yeesɔ kasɛ ri nyaa tɔɔ, “Nɔɔ shing danggn ka zang ɓɔɔ wu shong ɓɛɛ. Wee vuu ɓɔɔ Laa kasɛ nɛɛ nɔɔ pálɛ̀ ɓɛɛ kɔ.”

1 Bituru 4:8

Nɔɔ kasɛ ruu zɔɔ katɔ gbãng gbãng nɛɛ yeti manɛ nandon, wukɔ ɓa vuu piti. Ka ruu ɓɔɔ, naa nɔɔ kasɛ ruu zang, nɔɔ yaa ri gbalang vuu shi kpang ɓɔɔ ri pàlɛ̀ nɔɔ dɔɔli ɓɛɛ katɔ.

1 Yɔhana 3:11

Wee ruu ɓɔɔ nɔɔ tãa ka tĩng shɔɔnang kɔ, nɛɛ ruu kasɛ ruu zɔɔ katɔ.

1 Yɔhana 4:21

Kirisi dang ruu nyaa tɔ nɛɛ, zang ɓɔɔ kasɛ Ruu Laa, wu ti kasɛ ruu ɓeezung jong.

1 Tesalonika 4:9

Ka ruu naa ɓɔɔ nɔɔ kasɛ rɛɛ ɓaazung ɓɔɔ ri dũng doo Laa kɔ ɓɛɛ, daa naa ɓɔɔ ruu bee labeenang ka yuu ruu keɓe kpang. Ka ruu ɓɔɔ, nɔɔ nɛɛ yuu manɛ, Laa tusu nɔɔ naa ɓɔɔ nɔɔ kasɛ zɔɔ tɔ ɓɛɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Maraku 9:7

A sãmbong arɛ naa zuu ri kati. Ri ti tãa yee nɛɛ yeti sãmbong tɔɔ, “Wee jaa mɛɛ ɓɔɔ yeti mɛɛ kasɛ gbãng gbãng kɔ, nɔɔ ɓaa shoo ka nyaa ɓiɓɛ ning.”

Matiyu 22:39

Ɓɔɔ ɓàng doo ɓiɓɛ, ɓi weɓe. ‘Kàsɛ̀ zang ɓɔɔ mɔɔ nwalɛ nɛɛ ri doo naa ɓɔɔ mɔɔ kasɛ bii ɓaaɓɛ kɔ.’

Zang Shonang Yeesɔ 16:31

Ri kasɛ wu nyaa tɔɔ, “Shing danggn ka bìí Kpanti Yeesɔ, mɔɔ ta yuu ɓaaɓɛ katɔ. Mɔɔ nɛɛ zang ɓɔɔ ri ka gãa ɓaaɓɛ nandon.”

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 14:1

Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Yeti manɛ wu lasɛ kpang. Nɔɔ shíng danggn ka bii Laa, nɔɔ ti shíng jong ka bii mɛɛ.

1 Timoti 1:15

Ruu keɓe niizang kɔ nwani, ti daa naa ɓɔɔ zang piti ri shing danggn kagn ɓɛɛ tɔ. Yeesɔ Kirisi a ka koo nɛɛ wu ta yuu zang ɓɔɔ ri palɛ vuu shi kpang ɓɛɛ. Nkɔ ɓa zang piti vuu shi kpang palɛnang.

Yɔhana 1:12

Zang ɓɔɔ ri ta wu nandon, a ri ti shing danggn ka bii ɓiɓɛ ɓɛɛ, a ri naa nɛɛ, ri nwang ɓarɛ kaa wujɛ Laa.

Yɔhana 2:23

Ɓɔɔ bɛ̀ɛ́ Yeesɔ doo ka Urushalima, ka diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ, zang dɔɔli ri shing danggn ka bii ɓiɓɛ, ka ruu ɓɔɔ, ri zili vuu ɓɔɔ zang zirɛ zang mã naa ka danggn ɓɔɔ wu pálɛ́ ɓɛɛ.

Yɔhana 3:18

Zang piti ɓɔɔ nɛɛ shing danggn ka bii Jaa, zang jɛ̃ɛ wu ruu ɓi kpang. Zang ɓɔɔ nɛɛ shing danggn ka bii Jaa kpang, zang dɔng wu ruu ɓi tɔ. Ka ruu ɓɔɔ shing danggn ka bii Jaa gbete Laa kpang ɓɛɛ.

1 Yɔhana 2:7

Masang ɓɔɔ n kasɛ nɔɔ katɔ dɔɔli ɓɛɛ, nyaa ɓɔɔ Laa dangnɛ kɔ n bèé nɔɔ ɓee, wu ɓɔɔ shɔɔ kpang. Ɓi dòo ɓɔɔ gbaala ɓɔɔ nɔɔ tãa ka diki ɓɔɔ nɔɔ gaayu Ruu Laa tãanang ɓɛɛ.

1 Yɔhana 4:15

Zang ɓɔɔ nɛɛ kɔɔ nɛɛ nyaa ɓiɓɛ nɛɛ Yeesɔ ɓi Jaa Laa, Laa nwang kagn yeti ɓiɓɛ, a ti nwàng ɓi nɛɛ Laa.

1 Yɔhana 5:13

Zang ɓɔɔ ri shing danggn tɔ ka Jaa Laa ɓɛɛ, n bée nɔɔ vuu keɓe, tɔ̀ɔ, nɔ́ɔ zi kati, nɛɛ nɔɔ walɛ suru bii ɓɔɔ waa nyaa kpang manɛ tɔ.