1 Yɔhana 2:24 - Nyaa Shɔɔ Ɓɔɔ Laa a Ɓɛɛ

²⁴ Nɔɔ yaa yee Laa ɓɔɔ nɔɔ tãa ka diki ɓɔɔ nɔɔ gaayu yee Laa tanang wu nwang ka yeti manɛ. Ruu Laa keɓe nɛɛ nwang tɔ ka yeti manɛ, nɔɔ nwang ditɔ ka nyaa zɔɔ nɛɛ Jaa Laa nɛɛ Daa ɓiɓɛ Laa.

1 Yɔhana 2:24 Referans Kwoze

Yɔhana 14:23

Yeesɔ kasɛ wu nyaa tɔɔ, “Zang ɓɔɔ nɛɛ kasɛ m katɔ, dũng vuu ɓɔɔ n tusu katɔ. Daa mɛɛ kasɛ wu katɔ. Ruu ti a nɛɛ Daa mɛɛ ka bii ɓiɓɛ ruu nwáng nɛɛ wu.

1 Yɔhana 4:13

Suru ɓiɓɛ ɓɔɔ wu a ruu, wukɔ tusu ruu nɛɛ, ruu nwang nɛɛ Laa, a Laa ti ka yeti ɓuru.

1 Yɔhana 4:16

Ruu zi naa ɓɔɔ Laa kasɛ ruu tɔ ka yeti ɓuru, a ruu ti shing gn ka ruu zang kasɛnang ɓiɓɛ keɓe katɔ. Kasɛ ruu zang ɓi katɔ. Zang ɓɔɔ kasɛ ruu zang katɔ sasak, nwàng ɓi nɛɛ Laa, a Laa ti nwàng ɓi kagn yeti ɓiɓɛ.

Vuu ɓɔɔ zang nwangsɛ Yɔhana 3:3

Ka ruu nɔngkɔ, danggn wu ning nɔɔ vuu ɓɔɔ nɔɔ tãayi, a nɔɔ ti tarɛ ɓɛɛ kpang. Nɔɔ yiti katɔ, nɔɔ ti kɔ̃sɔ yeti manɛ. Naa nɔɔ yupaa kpang, n a ditɔ naa shɔngɓɔ, a nɔɔ zi laa ɓɔɔ n a kagn yuu manɛ kpang.

1 Yɔhana 2:7

Masang ɓɔɔ n kasɛ nɔɔ katɔ dɔɔli ɓɛɛ, nyaa ɓɔɔ Laa dangnɛ kɔ n bèé nɔɔ ɓee, wu ɓɔɔ shɔɔ kpang. Ɓi dòo ɓɔɔ gbaala ɓɔɔ nɔɔ tãa ka diki ɓɔɔ nɔɔ gaayu Ruu Laa tãanang ɓɛɛ.

1 Yɔhana 1:3

Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

Yɔhana 15:7

Nɔɔ nɛɛ nwang nɛɛ n, ruu mɛɛ nɛɛ ti nwang ka yeti manɛ, nɔɔ gàá vuu ɓɔɔ yeti manɛ kasɛ ɓɛɛ, zang a nɔɔ katɔ.

Vuu ɓɔɔ zang nwangsɛ Yɔhana 3:11

N gbãayu katɔ pati. Nɔɔ yiti vuu ɓɔɔ ka naa manɛ waasɛ̃, tɔ̀ɔ, zang ɓɔɔ nwãarɛ nɔɔ, wu ta vuu ɓɔɔ Laa kasɛ nɛɛ wu a nɔɔ ɓɛɛ kpang.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Filipi 4:15

Nɔɔ zang Filipi, nɔɔ nɛɛ yuu manɛ nɔɔ zi tɔ, nɛɛ ka diki ɓɔɔ n gaayu ɓɔɔ n kɔɔrɔ zang ruu tɔ̃ɔ Laa, n gaayu nɛɛ laa ɓɔɔ n yupaa n yaa Makidoniya ɓɛɛ, nɔkɔ yi m naa ka bii shɛ̃ɛning. Zang ɓɔɔ ri dũng Laa ɓɔɔ, ri ɓakɛ yuu nɛɛ n, ka nɔng zɔɔ vuu alɛnang nɛɛ talɛnang, kpang.

3 Yɔhana 1:3

N tãa tĩnang dɔɔli, ka ruu ɓɔɔ, zang Laa ɓɔɔ ri arɛ, ri naa kɔɔ m naa ɓɔɔ mɔɔ yiti Ruu Laa nɛɛ yeti gbete, a mɔɔ ti palɛ vuu naa ɓɔɔ Ruu Laa kɔɔ ɓɛɛ.

2 Yɔhana 1:2

Ka ruu ruu niizang ɓɔɔ ka yeti ɓuru, ɓɔɔ ti nwàng kaa nɛɛ ruu gbinggbing ɓɛɛ.

Yahudi 2:1

Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.

Yɔhana 8:25

Ri hɛ̃ɛ wu nɛɛ, “Mɔkɔ ɓu wiya?” Yeesɔ kɔɔ ri tɔɔ, “Nkɔ zang ɓɔɔ n kɔɔ nɔɔ doo ka tĩng nɛɛ nkɔ wukɔ ɓɛɛ.

Luka 1:2

naa ɓɔɔ ruu tãa ka nyaa zang ɓɔɔ ri rang yee Laa ɓɔɔ ri zi naa ɓɔɔ vuu keɓe gaayu nɛɛ jĩng ɓarɛ ɓɛɛ.

Luka 9:44

“Nɔɔ ɓaa shoo ta nɔɔ tãa vuu ɓɔɔ n kɔɔ nɔɔ ɓɛɛ, tɔɔ danggn wu ning nɔɔ kaa takpang. Ka ruu ɓɔɔ zang ɓɔɔ naa tuu Jaa Shɔnzang ditɔ, a zang ɓɔɔgn ri nyɔ wu vɔrɔ ɓɛɛ.”

Yɔhana 6:56

Zang ɓɔɔ nɛɛ shaa yɔpɔ bii mɛɛ, nɛɛ ti ɓoo zĩi mɛɛ, nwang ɓi nɛɛ n, n ti nwáng ka yeti ɓiɓɛ.

1 Yɔhana 3:24

Zang ɓɔɔ nɛɛ ɓaa shoo ka nyaa ɓɔɔ Laa dangnɛ wukɔ nwàng ɓi nɛɛ Laa. Laa ti nwàng nɛɛ wu. Ruu zirɛ nɛɛ Laa nwàng nɛɛ ruu, ka suru bii ɓɔɔ wu a ruu ɓɛɛ.

1 Yɔhana 4:15

Zang ɓɔɔ nɛɛ kɔɔ nɛɛ nyaa ɓiɓɛ nɛɛ Yeesɔ ɓi Jaa Laa, Laa nwang kagn yeti ɓiɓɛ, a ti nwàng ɓi nɛɛ Laa.

2 Yɔhana 1:9

Zang ɓɔɔ dũ̀ng vuu ɓɔɔ Kirisi tusu kpang, palɛ ɓi naa ɓɔɔ wu kasɛ ɓɛɛ, Laa ɓi kagn yeti ɓiɓɛ kpang. Zang ɓɔɔ dũng vuu ɓɔɔ Yeesɔ tusu, Laa kagn yeti ɓiɓɛ nɛɛ Jaa piti.