Tito 3:5 - Mixteco Metlatónoc

⁵ ra sakaku va ra yoo, ndi su süvi xaꞌa ña ndixa yo ndia iin chiñu vaꞌa ke ndisakaku ra yoo, chi xaꞌa ña kundaꞌvi ini ra yoo va kuvi ña. Ra xiꞌin ndiee Tachi Yii va ra ke sakaku ra yoo, ra ndakatia ra kuachi yo, ra nduu yo yuvi xa̱a ña kutiaku yo ta kuꞌva kuni mii ra.

Tito 3:5 Referans Kwoze

2 Timoteo 1:9

Saa chi mii va Tata yo Ndioxi kuvi ra sakaku yoo, ra kana ra yoo ña kuu yo na ñuu ra na yii, ndi su süvi xaꞌa ndia iin chiñu vaꞌa ña xa yo kuvi ña ndikana ra yoo. Chi xaꞌa ña kuni ra ndañaꞌa ra ña kuꞌvi ini ra xini ra yoo, xaꞌa ña xa nduu yo iin xiꞌin Tata yo Jesucristo va kuvi ña xa ra saa xiꞌin yo. Ra xa kuꞌvi ini Tata yo Ndioxi xini yoo te kumani ka kukava xaꞌa ña yuuvi vi.

1 Corintios 6:11

Ra taꞌan chiñu yakua kan ke xa tu sava ndoꞌo va ta yachi; ndi su vichin ra xa ndoo va kuachi ndo, ra xa nduyaa va ndo. Ra xa ta kuꞌva iyoo yuvi na köo kuachi va nduu ndo nuu Ndioxi, xaꞌa ndiee Tata yo Jesucristo, xiꞌin xaꞌa ndiee Tachi Yii Tata yo Ndioxi.

1 San Pedro 3:21

Ra ña ndikaku ra Noé nuu tiakuii kan, ra xaꞌa ña chichi yo tiakuii, ra sakaku Tata yo Ndioxi yoo va kuvi ña kaꞌan ña. Ra mii ña ndaa, ra süvi vi xaꞌa ña chichi yo tiakuii kuvi ña ndiꞌi xaꞌa kuachi yo, chi xaꞌa ña kaꞌan yo xiꞌin Tata yo Ndioxi ña na chindiee taꞌan ra xiꞌin yo ña na sä ka yo chiñu kiꞌvi va kuvi ña ^sandiꞌi ra xaꞌa kuachi yo. Ra ña sakaku tu ra yoo, ra xaꞌa ña kandixa yo ña ndatiaku Tata yo Jesucristo va kuvi ña.

1 San Pedro 1:3

Ra na ndasakaꞌnu yo Tata yo Ndioxi ra kuu iva Tata yo Jesucristo, saa chi kuꞌvi ni ini ra xini ra yoo, ra sandakaku xaa ra yoo, xaꞌa ña sandatiaku ra Tata yo Jesucristo tiañu na ndii. Ra ña xa Tata yo Ndioxi suꞌva ke ndinuni ni va ndiatu yo ña ndakiꞌin yo iin ña vaꞌa.

Romanos 12:2

Ra na kutiäku ka ndo, ta kuꞌva kuni mii ña yuuvi yoꞌo, chi ña xiniñuꞌu sa ndo ke na ndataxi ndo mii ndo ndaꞌa Ndioxi va, ra ndasama ra ña xini tuni ndo, ra saa ke vaꞌa kundaa ini ndo, ndia ña kuvi ña kuni ra sa ndo, ra ña kan kuvi chiñu vaꞌa, chiñu ndaku va.

Efesios 2:4

Ndi su xaꞌa ña chee ni ña ndaꞌvi ini Ndioxi, ra kuꞌvi va ini ra xini ra yoo,

Efesios 5:26

Ra ña xa Tata yo Jesucristo suꞌva, ra na ndasa yii va ra kuvi yoo na veꞌe ñuꞌu, ra ndakatia tu ra yoo xiꞌin tuꞌun va ra, ra saa tu xiꞌin tiakuii, ra chichi va yo.

Romanos 11:6

Ra xiꞌin ña yoꞌo va ke kundaa ini yo, chi süvi xaꞌa chiñu vaꞌa ña ndíxa yo ke nindakaxin Ndioxi yoo, chi xaꞌa ña kundaꞌvi ini ra xini ra yoo va kuvi ña; saa chi tu xaꞌa chiñu vaꞌa ña ndíxa yo ke nindakaxin ra yoo, saa ra köo yaꞌvi ndiaa vi ña ndaꞌvi ini Ndioxi.

Hebreos 4:16

Ra xaꞌa ña kan ke, te xa ndoꞌo yo ndia ndia ka va tundoꞌo, ra na kondiaa ini yo Tata yo Ndioxi, ra na kuyachin yo nuu nduꞌu ra xaꞌndia ra chiñu. Ra chindiee taꞌan va ra xiꞌin yo, saa chi ra kan, ra ra vaꞌa va kuvi ra, ra kuꞌvi ni tu ini ra xini ra yoo va.

Colosenses 3:10

ra vichin, ra xa yuvi xaa va nduu ndo, ra ta kii ta kii va nduxaa ndo, ña nduu ndo ta kuꞌva iyoo mii Tata yo Ndioxi, ra xavaꞌa ndoꞌo, ra iin saa ndiakua xaa ndo ña kunitaꞌan vaꞌa ka ndo xiꞌin va ra.

Gálatas 2:16

Ra vaꞌa ni saa va, ndi su kundaa kaxi va ini ndi, chi ña saxinu ndi ndiayu Ndioxi ña ndakoo ra Moisés, ra kuëe ndasa vii ña nduꞌu ta kuꞌva iyoo yuvi na köo kuachi nuu Ndioxi, chi ña kandixa ndi Jesucristo va kuvi ña kuvi ndasa ra nduꞌu ta kuꞌva iyoo yuvi na köo kuachi nuu Ndioxi. Ra xaꞌa ña kan kuvi ña kandixa ndi Jesucristo vichin va, ña vaꞌa na nduu ndi ta kuꞌva iyoo yuvi na köo kuachi nuu Ndioxi, ra xaꞌa ña ndiaa ini ndi Jesucristo va kuvi ña, ra süvi vi xaꞌa ña saxinu ndi ndiayu Ndioxi ña ndakoo ra Moisés kuvi ña. Saa chi ndia nii yuvi küvi nduu ta kuꞌva iyoo yuvi na köo kuachi nuu Ndioxi, xaꞌa ña saxinu na ña kaꞌan ndiayu Ndioxi ña ndakoo ra Moisés.

Romanos 3:20

Ra ndia nii yuvi kuchüun ña nduu na yuvi vaꞌa, xaꞌa ña kuni na saxinu na chiñu ña xaꞌndia ndiayu Ndioxi ña ndakoo ra Moisés, saa chi ña xa nduxa na ña kuni na saxinu na nuu ña, ra ña kundaa ini na xaꞌa ke iyoo kuachi va na.

1 San Pedro 2:10

Ra xa kundaa va ini ndo, chi te yachi ra ndixïndiaa yaꞌvi mii vi ndo nuu Tata yo Ndioxi, ndi su vichin ra ñuu mii va ra kuvi ndo; ra nii ndikundäꞌvi tu ini ra kuni ra ndoꞌo va, ndi su vichin, ra kundaꞌvi ni va ini ra xini ra ndoꞌo.

Efesios 4:23

Ra xaꞌa ña ke xiniñuꞌu na nduxaa nima ndo, ra saa tu ña xani xini va ndo

Romanos 3:28

Ra ña yoꞌo va ke ^kundaa ini yo xiꞌin takundiꞌi ña ndikaꞌan yu, saa chi ña ndakiꞌin mani Ndioxi yuvi ra xaꞌa ña ndiaa ini na Jesucristo va kuvi ña, ra süvi xaꞌa ña kandixa na ndiayu Ndioxi ña ndakoo ra Moisés kuvi ña.

Romanos 9:11

Ra nii chiñu vaꞌa, ra nii chiñu kiꞌvi ke täan sa vi ndia, ta ndikaxin Ndioxi ndia, saa chi ta ñuꞌù ndia tixi siꞌi vi ndia ke ndikaxin ra ndia, ra xiꞌin ña yoꞌo ke kundaa ini yo, chi süvi xaꞌa ña ^xa mii yuvi ke kana Ndioxi na, chi na kuni mii ra kana va ra, kuvi na kana ra.

San Lucas 1:78

xaꞌa ña kundaꞌvi ni ini ra xini ra yoo. Ra ta kuꞌva yeꞌe ñuꞌù inka kii xaa, saa yeꞌe ra xaa ra nuu yo, ña kee ra ndivi.

San Lucas 1:54

Ra kundaꞌvi ini ra xini ra takundiꞌi yo na ñuu Israel na xachiñu nuu ra; ra chindiee taꞌan ra xiꞌin yo. Saa chi ninäa ini ra ña sa ra ña vaꞌa xiꞌin yo.

San Lucas 1:50

Ra iyoo ni ña kaꞌnu ini ra xiꞌin yuvi na xa toꞌo ñaꞌa; ra saa sa tu ra xiꞌin seꞌe ñani va na, ra saa tu xiꞌin seꞌe xikua va na.

Tito 3:4

Ndi su ndixaa va kii, ña ndañaꞌa Tata yo Ndioxi, ña ^kundaꞌvi ini ra takundiꞌi yuvi, ra saa tu ña ^kuꞌvi ini va ra na,

Romanos 9:30

Ra na kundaa ini ndo, chi suꞌva va ke iyoo ña kaꞌan yo xaꞌa yoꞌo, saa chi yuvi na küu judío, ra ni ndiätu ini na, ña nduu na ta kuꞌva iyoo yuvi na köo kuachi, ra na kan va kuvi na ndakiꞌin mani Ndioxi, ra nduu na ta kuꞌva iyoo yuvi na köo kuachi va, xaꞌa ña ndiaa ini na ra.

Romanos 9:16

Ña kan ke na kundaa ini yo, chi süvi ña kuni mii yuvi ke ^ndakiꞌin mani Ndioxi na, ra nii süvi tu xaꞌa ndiee va na ke ndakiꞌin ra na, chi takua na kundaꞌvi ini mii ra xini va ra, kuvi na ndakiꞌin mani ra.

Romanos 4:5

Ndi su Ndioxi, ra süvi vi xaꞌa ña ^xa yuvi chiñu vaꞌa kuvi ña ndakiꞌin mani ra na, chi xaꞌa ña ndiaa ini va na ra kuvi ña ndakiꞌin mani ra na, ra ^ndasa ra na ta kuꞌva iyoo yuvi na köo kuachi.

San Lucas 1:72

Ra ña yoꞌo ke xa ra xiꞌin yo, xaꞌa ña kundaꞌvi ini ra xini ra na xii xikua yo; ra ndakaꞌan tu ra xaꞌa tuꞌun vaꞌa ña yii, ña kindoo ra xiꞌin va na.

Hebreos 6:6

Ra ^küvi ka nandiko ini na, saa chi ña ^ndakoo na Tata yo Jesucristo, ra ta iyoo ra ^ndakatakaa tuku na ndika cruz va iyoo ra, ra ^xa siki tu na ra nuu takundiꞌi yuvi va.

San Mateo 3:11

Ra ña ndixa ke yuꞌu, ra xiꞌin tiakuii va ^sakuchi yu ndoꞌo, ña na nandiko ini ndo xaꞌa kuachi ndo, ndi su chi sata vaxi inka ra chee vaꞌa ka nuu yuꞌu, ra ra kan, ra xiꞌin Tachi Yii Ndioxi xiꞌin ñuꞌu va ke sakuchi ra ndoꞌo; ra yuꞌu, ra nii chiñu loꞌo ke köo yaꞌvi ndiaa yu sa yu nuu vi ra, saa chi ndia nii ña kaniꞌi yu ndixan vi ra ke köo ndiayu yu, saa chi ra kaꞌnu ni kuvi ra.

Romanos 11:14

Ra ña ^kuni yu ke ndakundiee ka yu kaꞌan ndoso yu tuꞌun Ndioxi nuu va ndo, ra vaꞌa kuni na judío taꞌan yu, ra ndukuiñu ini na kuni na ndoꞌo, ra vaꞌa na ndakundikun tuku na Ndioxi, ra sakaku ra na.

Hebreos 10:22

xiniñuꞌu na kuyachin yo nuu Tata yo Ndioxi xiꞌin ndinuni nima yo, xiꞌin xaꞌa ña ndinuni ni ndiaa ini yo Tata yo Jesucristo; saa chi xa ndakatia va ra nima yo, ña vaꞌa na ndakäni ka ini yo ña iyoo kuachi yo, ra xa ndakatia tu ra iki kuñu yo xiꞌin tiakuii, ra vaꞌa ni va.