Tito 3:2 - Mixteco Metlatónoc

² Ra na sañaꞌa tu kun na, ña na käꞌan kiꞌvi na xaꞌa inka yuvi va, ra nii na sandäku tu na kuachi xiꞌin va na, chi ña xiniñuꞌu sa na ke, na sa toꞌo va na, ra na sani̱nu̱ na mii na, ña sa toꞌo na inka yuvi.

Tito 3:2 Referans Kwoze

Efesios 4:31

Ra na naa va ini ndo, xaꞌa ña väꞌa kuni ndo xini ndo inka yuvi, xiꞌin ña xikueꞌe ndo, xiꞌin ña saa ndo, xiꞌin ña ndaꞌyu ndo, xiꞌin ña kañaꞌa ndo, xiꞌin ña kaꞌan kiꞌvi ndo xaꞌa inka yuvi, xiꞌin takundiꞌi ka nuu ña väꞌa, ña ^xa ndo.

Efesios 4:2

Ra na sa ninu va ndo xiꞌin mii ndo, ra toꞌo ni tu na koo va ndo; ra na säa kama ni ndo, ra kaꞌnu ni tu na koo ini ndo xiꞌin taꞌan va ndo xaꞌa ña kuꞌvi ini ndo xini taꞌan ndo.

1 Timoteo 3:3

ra nii na saxïni tu ndia mii ndia xiꞌin ndixi va, ra nii na küu tu ndia ndia iku ndia kanitaꞌan xiꞌin yuvi va, ra na kutöo ndia nduku ndia xuꞌun xiꞌin ña maña, ra tiayu ni tu na koo va ndia, ra tiaku ni tu na koo ini va ndia, ra na kotöo ni tu ndia xuꞌun va;

1 San Pedro 3:10

Ra saa ke kachi tu tuꞌun Tata yo Ndioxi ña kachi suꞌva va: Tu kuni ndo kutiaku ndo, ña vaꞌa ni koo ndo, Ra na kondiaa ndo yuꞌu va ndo, ra na käꞌan tu ndo ndia nii tuꞌun kiꞌvi va; ra nii na ndatüꞌun tu ndo tuꞌun chiꞌña va.

1 San Pedro 3:8

Ra ndia nuu ndiꞌi ña kaꞌan yu xiꞌin ndo xaꞌa yoꞌo kuvi ña, iin tuꞌun na kuu takundiꞌi va ndo, ra na kundaꞌvi ini ndo kuni taꞌan ndo, ra na kuꞌvi tu ini ndo kuni taꞌan ndo xaꞌa ña kuu ndo na ndikun Tata yo Jesucristo va. Ra tiayu ni tu na koo ndo xiꞌin taꞌan ndo, ra na sa ninu tu ndo xiꞌin mii va ndo.

Santiago 4:11

Ñani yo, na käꞌan kiꞌvi ndo xaꞌa na ñani yo. Saa chi tu kaꞌan kiꞌvi ndo xaꞌa na, a ndanduku tu ndo kuachi va na, saa ra ndiayu Tata yo Ndioxi va kuvi ña kañaꞌa ndo xaꞌa, ra kaꞌan tu ndo ña väꞌa iyoo va ña. Ra ña kañaꞌa ndo xaꞌa ndiayu Tata yo Ndioxi, ra xïin ndo kandixa ndo ña, saa ra ña kanduu va ndo kuvi ña, ña xa ndo saa.

Gálatas 5:22

Ndi su ña ^xa Tachi Yii Ndioxi ke chindiee taꞌan ña xiꞌin yo ña ^kuꞌvi ini yo xini yo inka yuvi va, xiꞌin ña iyoo sii ini yo, xiꞌin ña itaꞌan mani yo xiꞌin takundiꞌi yuvi, xiꞌin ña iyoo kaꞌnu ini yo, xiꞌin ña toꞌo ni yo xiꞌin yuvi, xiꞌin ña tiayu ni yo, xiꞌin ña iyoo ndaku nima yo,

San Mateo 11:29

Ra na kandixa ndo chiñu ña taxi yu ndaꞌa ndo, ña kaꞌan yu kuu iin íku yu, ra na sakuaꞌa ndo nuu yu, chi yuꞌu ra kaꞌnu ni va ini yu, ra ndaꞌvi ni tu ini va yu; ra saa ke kuvi niꞌi ndo ña ndakindiee nima ndo.

1 San Pedro 2:1

Ra xaꞌa ña kan ke, na ndakoo va ndo ña xa ndo takundiꞌi nuu chiñu kiꞌvi, xiꞌin ña sandaꞌvi taꞌan ndo, xiꞌin ña siin kaꞌan ndo ra siin tu xa va ndo, xiꞌin ña ndukuini ndo xini taꞌan ndo, xiꞌin ña ndatuꞌun ndo tuꞌun chiꞌña.

Santiago 3:17

Ndi su yuvi na kuu mii ña ndichi ña taxi Tata yo Ndioxi, ra xä na kan chiñu yakua, ra nii kanitäꞌan tu na xiꞌin ndia nii yuvi va; ra toꞌo ni tu xa va na, ra tiayu ni tu ini va na, ra xikutüvi na ña sa na chiñu vaꞌa xiꞌin inka yuvi, ra nii ndakäxin tu na yuvi va, chi iin ku ndiꞌi va na nuu na, saa chi ta kuꞌva iyoo nima na ke xa tu na xiꞌin yuvi va.

Gálatas 6:10

Xaꞌa ña kan ke na chindiee taꞌan yo xiꞌin takundiꞌi va yuvi ta kundaa ini yo ña xa mani nuu na, ndi su ña xiniñuꞌu sa yo ke na ndiꞌi ni ka va ini yo ña chindiee taꞌan yo xiꞌin na ñani yo na ndikun Cristo va.

Gálatas 6:1

Ñani yo, ndoꞌo na xa iyoo xixa ini, na ^xa ña kaꞌan Tachi Yii Ndioxi, ra tu na kundaa ini ndo xaꞌa iin na ñani yo ña ndakava na ña ^xa na ndia ndia ka chiñu kiꞌvi, ra ña xiniñuꞌu va kuvi ña na kaꞌan ndo xiꞌin na, ña na ndakoo na chiñu kiꞌvi ña ^xa na. Ndi su vivii va na kaꞌan ndo xiꞌin na, ra kuenda ni na koo ndo, saa chi tu köo ra iyo ini tu koyo ndoꞌo va.

1 Timoteo 3:11

Ra toꞌo ni tu na koo na siꞌi yasiꞌi va ndia, ra nii na käka tu na xiꞌin tuꞌun chiꞌña va, ra ta ^xixi na ra ta kuꞌva va na kuxi na, ra saa tu ta xa xiꞌi na ndia ndia ka ndutia va, ra vivii tu na sa na takundiꞌi chiñu va, ña vaꞌa na ^kondiaa ini inka yuvi na.

1 Tesalonicenses 2:7

Ndi su ta ndixiyo ndi xiꞌin ndo, ra vita ni va ndixiyo ini ndi xiꞌin ndo, saa chi ndia ta kuꞌva ^xa iin ñaꞌa, ña vaꞌa ni ndiaa seꞌe, ña sakuaꞌnu va ña ña ke xa ndi xiꞌin ndo.

Filipenses 4:5

Ra vivii va na sa ndo ña vaꞌa na kundaa ini takundiꞌi va yuvi, ña tiayu ni ndo. Ra na kundaa ini ndo, chi kama ni va ndiko Tata yo Jesucristo kixi ra.

1 Corintios 9:19

Ra vaꞌa ni xa iyoo ndika va yu, ndi su ta iyoo ra xachiñu ndaꞌvi va nduu yu nuu takundiꞌi na, ña vaꞌa na chindiee taꞌan yu xiꞌin kuaꞌa ni yuvi, ra kandixa na Cristo.

2 Corintios 12:20

Saa chi ndiꞌi va ini yu ña ndaniꞌi yu ndoꞌo ndee ndo ^xa ndo inka chiñu, ta xa na xaa yu kotoꞌni yu ndoꞌo, ra ndiꞌi tu ini yu, xaꞌa ña iyo ni sa̱a̱ yu xiꞌin va ndo. Ra ndiꞌi tu ini yu xaꞌa ña iyo ni ndaniꞌi yu ndoꞌo ndee ndo kanitaꞌan va ndo, xiꞌin ña ndukuini ini ndo xiꞌin taꞌan ndo, xiꞌin ña saa ndo xiꞌin taꞌan ndo, xiꞌin ña ^xa xini ni ndo nuu taꞌan ndo, xiꞌin ña kaꞌan ndo tuꞌun chiꞌña xaꞌa taꞌan ndo, xiꞌin ña kaꞌan kiꞌvi ndo xaꞌa taꞌan ndo, xiꞌin ña kutiaa ndo nuu taꞌan ndo, xiꞌin ña ^xa ndo chiñu ña kuëe iyoo ikun.

2 Corintios 10:1

Yuꞌu, ra Pablo kuvi ra kaꞌan xiꞌin ndo, ra xiꞌin ña toꞌo, xiꞌin ña ndaꞌvi ini ña taxi Cristo ndaꞌa va yu kuvi ña kaꞌan yu xiꞌin ndo. Ra sava na kaꞌan ña kuu yu, iin tiaa ra vita ni ini ta iin yu xiꞌin ndo, ndi su ta iyoo xika tu yu, ra nduu tu yu iin tiaa ra ndaku ni ini va, ^kachi na.

Hechos 23:5

Saa ndikaꞌan ra Pablo kachi ra saa: ―Na taꞌan yo, kaꞌnu ni koo ini ndo, saa chi ndikundäa ini yu ña kuu ra sutu ra kuchee. Ra ña ndixa ke kaꞌan va ndiayu Ndioxi, ña, “Väꞌa ndaa yuꞌu yo na kuchee nuu na ñuu yo” ―kachi ra.

Judas 1:10

Ndi su ña ^xa tiaa ndia kaꞌan tuꞌun chiꞌña kan, ra kaꞌan kiꞌvi va ndia, xaꞌa ñaꞌa ña kundäa ini ndia xaꞌa. Ra ña kundaa tu ini ndia xaꞌa kuvi ña xiniñuꞌu ndia ña sandiꞌi ndia xaꞌa mii va ndia, ra ta kuꞌva ^xa kiti va ke xa ndia, saa chi kïꞌin xini ndia.

Judas 1:8

Ra mii saa kuvi tu ña ^xa tiaa ndia kaꞌan tuꞌun chiꞌña kan va, saa chi niña ndia ixani va kuvi ndia, ra xa yakua ndia iki kuñu ndia, ra kundasi ndia na xaꞌndia chiñu nuu ndia, ra kañaꞌa tu ndia xiꞌin tachi ndivaꞌa ña kuu mii kuaꞌa ka ndiee nuu va ndia.

2 San Pedro 2:10

Ra ña ndixa ke sandoꞌo ni va Tata yo Ndioxi takundiꞌi va na xa chiñu kiꞌvi, ndi su tiaa ni ka va ndiee sandoꞌo ra yuvi na xa chiñu ña kaꞌan nuu, ña kuu chiñu yakua ña kutoo ni iki kuñu na sa ña, ra xïin na kandixa na chiñu ña xaꞌndia Tata yo Ndioxi nuu na. Ra yuvi kan, ra tiaa ni ini na, saa chi kuayüꞌvi vi na ña kandivaꞌa na xiꞌin tachi ndivaꞌa ña kuu mii kuaꞌa ka ndiee nuu na.

1 San Pedro 4:4

Ra yuvi na ^xa chiñu kiꞌvi kan, ra ndakanda ni va ini na ña kuëe ndakutaꞌan ka ndo xiꞌin na ña sa ndo ña chiñu kan xiꞌin na, ra xaꞌa ña kan va ke kaꞌan kiꞌvi na xaꞌa ndo.

1 Corintios 6:10

xiꞌin na kuiꞌna, xiꞌin na kutoo koo kuaꞌa ni xuꞌun nuu, xiꞌin na xíꞌí, xiꞌin na kañaꞌa xiꞌin inka yuvi, xiꞌin na sandaꞌvi yuvi. Ra takundiꞌi na ^xa ña yoꞌo kuvi na küvi koo nuu xaꞌndia Ndioxi chiñu.