Tito 2:3 - Mixteco Metlatónoc

³ Ra na kaꞌan tu kun xiꞌin takundiꞌi na kuꞌva yo na naꞌnu va, ña na ^sa na chiñu ña kuni mii Tata yo Ndioxi va, ra nii na käka tu na xiꞌin tuꞌun chiꞌña va, ra nii na saxïni tu na mii na xiꞌin ndia ndia ka ndutia ra xini na xiꞌin va. Ra chiñu vaꞌa va ke na sa na, ña vaꞌa na kuu na iin ita niñu,

Tito 2:3 Referans Kwoze

Tito 2:4

nuu na siꞌi kuꞌva yo, na itia, ña vaꞌa na sakuaꞌa na ña kuꞌvi ini na kuni na yii na, ra saa tu seꞌe va na,

1 Timoteo 3:11

Ra toꞌo ni tu na koo na siꞌi yasiꞌi va ndia, ra nii na käka tu na xiꞌin tuꞌun chiꞌña va, ra ta ^xixi na ra ta kuꞌva va na kuxi na, ra saa tu ta xa xiꞌi na ndia ndia ka ndutia va, ra vivii tu na sa na takundiꞌi chiñu va, ña vaꞌa na ^kondiaa ini inka yuvi na.

Tito 1:7

Saa chi ndia ñani yo ndia inuu nuu na veꞌe ñuꞌu, kuvi ndia ndiso chiñu xiꞌin chiñu Tata yo Ndioxi, ra xaꞌa ña kan ke xiniñuꞌu vivii va na kutiaku ndia. Ra na küu ndia tiaa ndia iku ni ini, ra nii kuëe kama ni tu na saa va ndia, ra nii na saxïni tu ndia mii ndia xiꞌin ndutia ra saxini na mii na xiꞌin va, ra nii na chikäa tu ndia kuachi xiꞌin yuvi va, ra nii na ndüku tu ndia xuꞌun xiꞌin chiñu maña va.

1 Timoteo 3:8

Ra ndia xika chiñu nuu na veꞌe ñuꞌu, ra ndia nduꞌu tuꞌun vaꞌa xaꞌa va na kuu ndia; ra kuëe uvi ni tu na koo ini va ndia, ra nii na saxïni tu ndia mii ndia xiꞌin ndixi va, ra nii na ndüku tu ndia xuꞌun xiꞌin ña maña va.

Romanos 16:2

Ra xaꞌa ña kan ke na ndakiꞌin mani ndo ña xaꞌa ña ndikun ña Tata yo Jesús, saa chi saa ke xiniñuꞌu sa va yo xiꞌin na ndikun Tata yo. Ra tu ndia ndia ka ñaꞌa xa mani nuu ña, ra na chindiee taꞌan ndo xiꞌin va ña, saa chi mii ña ra kuaꞌa ni na chindiee taꞌan ña xiꞌin, ra chindiee taꞌan tu ña xiꞌin yuꞌu va.

Efesios 5:3

Ra ña xa ^kuu ndo seꞌe Ndioxi vichin, ra na ndakäni ka ini ndo, ña kaka sii ndo, a ñaꞌa kuvi ndo a tiaa tu kuvi va ndo, ra nii na sä tu ndo takundiꞌi nuu chiñu yakua va, ra nii na küni sii ni tu ndo ña koo ñaꞌa ña iyoo nuu inka yuvi nuu va ndo.

Apocalipsis 2:20

Ndi su iyoo va loꞌo ña väꞌa kuni yu xini yu yoꞌo xiꞌin. Saa chi ^taxi kun ndiayu ndaꞌa ñaꞌa ña nani Jezabel ña sandaꞌvi ña na ndikun yuꞌu ña kaka sii na ña yuuvi ra kuaꞌa ni koo tani na, ra sandaꞌvi tu ña na ña kaxi na ñaꞌa ña soko yuvi nuu ndioxi, ña kuu yuu xiꞌin itun va. Ra iin xá kaꞌan ndoso ña tuꞌun yu, ndi su ña maña va kuvi ña.

Hebreos 5:12

Ra ña xa naꞌa ndikun ndo Tata yo Jesucristo, ra xa kuvi va sañaꞌa ndo tuꞌun Tata yo Ndioxi inka yuvi, ndi su xitoꞌni yu, ra xiniñuꞌu tuku va ndo ña na sañaꞌa inka yuvi ndoꞌo xaꞌa chiñu ña vali vaꞌa. Ra ta kuꞌva iyoo na kuachi vali na chichin va ke iyoo ndo, nuu ña xa xiniñuꞌu kuu ndo yuvi naꞌnu na xixi xita.

1 Timoteo 5:23

Ra xaꞌa ña kiꞌin ni kueꞌe yoꞌo, ña xaxi ni ña ini kun, ra na köꞌo kun takua tiakuii, chi na koꞌo tu kun loꞌo vino va.

Romanos 1:29

Ra iin chitu ndaa nima na xiꞌin takundiꞌi ña väꞌa, ta kuu ña kiꞌvi tiaa xiꞌin inka ná siꞌi ná küu yasiꞌi ndia, a ná siꞌi ná kiꞌvi xiꞌin inka tiaa ra küu yii na, xiꞌin ña ndákáni ini na sa na chiñu kiꞌvi, xiꞌin ña kutoo na koo kuaꞌa ni ndia ndia ka ñaꞌa nuu na, xiꞌin ña ^xa na chiñu kiꞌvi xiꞌin inka yuvi, xiꞌin ña ndukuini ini na xiꞌin taꞌan na, xiꞌin ña xaꞌni na ndii, xiꞌin ña kutoo ni na kanitaꞌan na xiꞌin taꞌan na, xiꞌin ña ^sandaꞌvi taꞌan na, xiꞌin ña ndasama na tuꞌun vaꞌa, ra ndasa na ña tuꞌun kiꞌvi,