Tito 1:15 - Mixteco Metlatónoc

¹⁵ Ra yuvi na iyoo kaxi nima, ra ña vaꞌa kuvi takundiꞌi va ñaꞌa nuu na kan; ndi su nuu yuvi na kuëe kandixa Tata yo Jesucristo, na kuëe iyoo kaxi nima, ra ña yakua kuvi takundiꞌi va ñaꞌa nuu na kan; saa chi ña xinituni na, xiꞌin nima na, ra ña yakua va kuvi ña.

Tito 1:15 Referans Kwoze

Romanos 14:14

Yuꞌu, ra Tata yo Jesús va ndikun yu, ra ña kan ke takundiꞌi ñaꞌa ña xaxi yo, ra kundaa ini yu chi ña vaꞌa kuvi takundiꞌi va ña nuu ra; ndi su tu sava tu na xani ini ña väꞌa va sava ña, saa ra na käxi va na ña.

Romanos 14:20

Ra na sandïꞌi ndo xaꞌa chiñu Ndioxi, xaꞌa ñaꞌa ña xixi ndo. Chi vaꞌa ni ña ndixa ke ña vaꞌa kuvi takundiꞌi va ñaꞌa ña xixi yo; ndi su na küxi yo ña tu ña kan kuvi ña sandiko ini inka yuvi, ña na kundïkun ka na Ndioxi.

1 Corintios 10:23

Ra ña ndixa va ke kaꞌan sava na, ña kuvi sa yo takundiꞌi va ña kuni yo; ndi su süvi ndiꞌi ña chindiee taꞌan xiꞌin yo. Saa chi vaꞌa ni kaꞌan va sava na ña iyoo ndika va yo ña kuvi sa yo takundiꞌi ña kuni yo, ndi su süvi ndiꞌi ña chindiee taꞌan xiꞌin yo ña kuxixa ini yo.

San Mateo 15:18

Ndi su tuꞌun ña kee yuꞌu na, ña vaxi nima va na ke, kuyakua na xiꞌin.

Romanos 14:23

Ndi su tu sava na ra kuëe kundaa kaxi vaꞌa ini na a kuvi kaxi na iin ñaꞌa, ra a küvi va tu kaxi na ña, ndi su xaxi va tu na ña, saa ra väꞌa vi xa na, saa chi kuëe xa na ta kuꞌva iyoo ña ndakani ini na. Ra xa kundaa va ini ndo, chi väꞌa vi saa, saa chi tu väꞌa ña ^xa yo tuvi yo, ra ^xa va tu yo ña, saa ra kuachi va kuvi ña nuu Ndioxi.

1 Corintios 10:31

Ndi su ña kachi yuꞌu ke, ndia ndia ka ñaꞌa xixi va ndo, ra a ndia ndia ka tu ndutia xiꞌi va ndo, a ndia ndia ka tu chiñu xa va ndo, ra ña xiniñuꞌu sa ndo ke na ndasakaꞌnu ndo Ndioxi xiꞌin takundiꞌi va ña xa ndo.

Hechos 10:15

Saa ndakuiin tuku tachi kan, kachi ña saa xiꞌin ra: ―Ñaꞌa ña xa nduvaꞌa xa Ndioxi, ra käꞌan ka kun ña yakua xiꞌin ña ―kachi ña.

1 Corintios 8:7

Ndi su süvi takundiꞌi na ndikun Tata yo Jesucristo kuvi na kundaa ini xaꞌa ña yoꞌo. Saa chi sava na, ra xani ka va ini na ña tiaku va naꞌna, ña kuu ndioxi ndii tuvi na. Ra ta níꞌi na ñaꞌa ña soko na taꞌan na nuu ña xixi na, saa ra kuachi va ke xa na nuu ña tuvi na, saa chi ña kan ke ndasakaꞌnu va na ta yachi.

Hebreos 10:22

xiniñuꞌu na kuyachin yo nuu Tata yo Ndioxi xiꞌin ndinuni nima yo, xiꞌin xaꞌa ña ndinuni ni ndiaa ini yo Tata yo Jesucristo; saa chi xa ndakatia va ra nima yo, ña vaꞌa na ndakäni ka ini yo ña iyoo kuachi yo, ra xa ndakatia tu ra iki kuñu yo xiꞌin tiakuii, ra vaꞌa ni va.

1 Corintios 10:25

Ra xiꞌin ña yoꞌo ke kundaa ini ndo ña kuvi kaxi ndo takundiꞌi va kuñu ña kiyaꞌvi nuu yaꞌvi, ndi su na ndakatüꞌun ndo xaꞌa ña ndia mii kee ña, ña vaꞌa na ndakäni ini ndo xaꞌa ña;

1 Timoteo 6:5

Ra takundiꞌi kii ke kanitaꞌan na, ra niña ña kiꞌvi va ndakani xini na, ra ña xa na ke ndakoo va na ña ndaa, ra ndakani ini na ña koo ni xuꞌun na xaꞌa ña sachiñu na nuu Tata yo Jesucristo va. Ra na kutäꞌan vi kun xiꞌin yuvi na xa sa ñaa.

Hebreos 9:14

saa ra iyoo ni ka va ndiee nii Tata yo Jesucristo ña ndakatia ña nima yo, ra sandiꞌi ña xaꞌa chiñu kiꞌvi ña kuni yo sa yo, ña vaꞌa ndasakaꞌnu yo Tata yo Ndioxi, ra tiaku. Ra xiꞌin ndiee Tachi Yii ña kuëe ndiꞌi xaꞌa va kuvi ña ndisoko Tata yo Jesucristo mii ra nuu Tata yo Ndioxi xaꞌa kuachi yo. Ra vaꞌa ni ka va ra yoꞌo nuu takundiꞌi ñaꞌa ña ndisoko na, saa chi ndia nii loꞌo kuachi ra köo.

Hebreos 12:15

Ña kan ke na kondiaa taꞌan ni ndo, saa chi tu köo, ra iyo ni ndakïꞌin ndo ña vaꞌa ña kuni Tata yo Ndioxi taxi ra ndaꞌa ndo; ra nduu tu ndo ta kuꞌva iyoo tioꞌo iku xatu, ra küvi ka kundikun ndo Tata yo Ndioxi, ra kuaꞌa ni ndo ndiꞌi xaꞌa.