Tito 1:14 - Mixteco Metlatónoc

¹⁴ Ra na tiäa ka tu soꞌo na kuendo yata ña sandaku mii na judío va, ra nii na tiäa tu soꞌo na tuꞌun ña kaꞌan yuvi na kundasi tuꞌun ña ndaa va.

Tito 1:14 Referans Kwoze

2 Timoteo 4:4

Ra ndakoo va na tuꞌun vaꞌa xaꞌa Tata yo Jesucristo, ra ndakundikun na tuꞌun chiꞌña, ña köo yaꞌvi ndiaa va.

Colosenses 2:22

Saa chi takundiꞌi ndiayu ña kachi saa, ra süvi vi ndiayu Ndioxi kuvi ña, chi chiñu ña xaꞌndia na yuuvi yoꞌo va kuvi ña; ra nuu ñaꞌa ña ndiꞌi xaꞌa va kuvi ña xaꞌndia chiñu ña.

2 San Pedro 2:22

Ra ña xa ndakoo ndia chiñu yakua kan, ra tuku va nandiko ndia ^xa ndia ña, saa ra ta kuꞌva kachi tuꞌun ndichi, ña kachi suꞌva va ke ^xa ndia: “Tina, ra tuku va nandiko ri xaxi ri xuxan ri”, ra xinu tu nuu tuꞌun ndichi ña kachi suꞌva va: “Kini, ra ta sakan ndiꞌi sakuchi na ri, ra ndikun nandiko tuku va ri kuaꞌan ri ndita ri nuu ndiaꞌyu”, kachi ña.

Gálatas 4:9

Ndi su ña xa kuu ndo seꞌe Ndioxi vichin, ¿ra nichuun kuvi ña kuni tuku ndo ndakundikun ndo ña xinituni ña köo yaꞌvi ndiaa, xiꞌin ña yunaꞌa na yuuvi yoꞌo xa na, ra ndakaꞌndia chiñu tuku ña nuu ndo?

San Mateo 15:9

Ra ña uun va ke kaꞌan na ña kañuꞌu na yuꞌu, saa chi süvi ichi yuꞌu ke sañaꞌa na yuvi, chi ichi ña ndaku ini mii va na ke sañaꞌa taꞌan na, kachi Ndioxi xaꞌa ndo, ^kachi ña tiaa ra Isaías te yachi ―kachi Jesús xiꞌin ndia.

San Marcos 7:7

Ra ña uun va ke kaꞌan na ña kañuꞌu na yuꞌu. Saa chi süvi ichi yuꞌu ke sañaꞌa na yuvi, chi ichi ña ndaku ini mii va na ke sañaꞌa taꞌan na”, kachi Ndioxi xaꞌa ndo, kachi ña ndatiaa ra Isaías te yachi.

Hebreos 12:25

Ra xaꞌa ña kan ke kuenda ni na koo ndo, ra na kandixa va ndo ña kaꞌan Tata yo Ndioxi xiꞌin ndo. Saa chi tu ndikäku na ñuu Israel xaꞌa ña ndixïin na kandixa na ña ndikaꞌan ra Moisés xiꞌin na, ra ra kan ra iin tiaa taꞌan mii va yo kuvi ra, saa ra ndiee ni ka va kaa tundoꞌo niꞌi yoo tu na kuïin yo kandixa yo tuꞌun ña kaꞌan Tata yo Ndioxi xiꞌin yo.

Tito 3:11

ra tu xa ndikaꞌan kun iin ichi a uvi ichi xiꞌin na, ra ndikandïxa na, saa ra xa nani xiꞌin ña kan ke kuvi kundaa ini kun, ña ndïkun ka yuvi kan ña ndaa xaꞌa Tata yo Jesucristo va, ra mii va chiñu kiꞌvi ña xa na ke kaꞌan xaꞌa na ña iyoo kuachi va na.