San Mateo 9:4 - Mixteco Metlatónoc

⁴ Ndi su kundaa va ini Jesús ña ndakani ini na, ra saa ndikaꞌan ra xiꞌin na kachi ra saa: ―¿Nichuun kiꞌvi ni ndakani ini ndo?

San Mateo 9:4 Referans Kwoze

San Lucas 6:8

Ra xa kundaa va ini Jesús ña ndakani ini ndia. Ra saa ndikaꞌan ra xiꞌin ra kue̱ꞌe ndaꞌa kan, kachi ra saa: ―Ndakundichi ra na kuni takundiꞌi na yoꞌo ―kachi ra xiꞌin ra. Saa ra ndikun ndakundichi va ra kue̱ꞌe ndaꞌa kan maꞌñu na.

San Mateo 12:25

Ra kundaa va ini Jesús ña ndakani ini ndia, ra saa ndikaꞌan ra xiꞌin ndia kachi ra saa: ―Takundiꞌi ñuu naꞌnu ña kanitaꞌan xiꞌin taꞌan mii, ra kuchüun vi ña koo ña, chi ndiꞌi va xaꞌa ña; ra saa tu iin ñuu va, a iin veꞌe va tu, saa chi tu na xaꞌa na kanitaꞌan na xiꞌin taꞌan mii na, saa ra kuchüun na koo vi na chi ndiꞌi va xaꞌa na.

Apocalipsis 2:23

Ra kaꞌni ndiꞌi yu na kuvi seꞌe ña; ra saa ke kundaa ini takundiꞌi na veꞌe ñuꞌu ña yuꞌu kuvi ra kundaa ini xaꞌa takundiꞌi ña ndikaa xini na, xiꞌin ña ndikaa nima na. Ra ta kuꞌva iyoo chiñu ña ^xa ndo saa ke koo tu yaꞌvi va ndo.

San Juan 16:30

Ra vichin ke kundaa kaxi ini ndi ña kundaa ini kun xaꞌa takundiꞌi va ñaꞌa, saa chi vaꞌa ni ndakatüꞌun vi na yoꞌo, ra xa kaꞌan va kun ña kuni na ndakatuꞌun na. Ra xaꞌa ña kan ke kandixa va ndi yoꞌo ña kee kun nuu Ndioxi ―*kachi ndia.

San Lucas 11:17

Ra xa kundaa kuaꞌa va ini Jesús ña ndakani ini na. Ra saa ndikaꞌan ra xiꞌin na kachi ra saa: ―Iin ñuu nuu kataꞌan xiꞌin taꞌan mii yuvi, ra kuchüun vi na ña koo na, chi ndiꞌi va xaꞌa na. Ra saa tu iin veꞌe nuu kataꞌan xiꞌin taꞌan mii va yuvi, chi kuchüun na koo vi na, chi ndiꞌi va xaꞌa na.

Hechos 5:9

Ra saa ndikaꞌan ra Pedro xiꞌin ña kachi ra saa: ―¿Nichuun iin yuꞌu kuu ndo ña kuni ndo sandaꞌvi ndo Tachi Yii Ndioxi? Ra kotoꞌni chi xa yachin ñaa va vaxi ndia ndixaꞌan ninduxin yii kun, ra takaꞌan kuꞌun tu ndia nduxin ndia yoꞌo va ―kachi ra xiꞌin ña.

San Juan 16:19

Ra kundaa va ini Jesús ña kuni ndia ndakatuꞌun ndia ra, ra saa ndikaꞌan ra xiꞌin ndia kachi ra saa: ―¿A xaꞌa ña ndikaꞌan yu xiꞌin ndo, ña saloꞌo ni kii kumani ra küni ka ndo yuꞌu, ra te xa na yaꞌa loꞌo kii, saa ra kuni tuku va ndo yuꞌu, ke ndakatuꞌun ndo xaꞌa?

San Juan 6:64

Ndi su sava ndo ra kandïxa vi ndo yuꞌu ―kachi ra xiꞌin na. Ra suꞌva ke kachi Jesús xiꞌin na, saa chi ndia ta kii xaꞌa vi ke xa kundaa ini ra, yoo kuvi na ndikandïxa ñaꞌa, ra xa kundaa tu ini ra, yoo kuvi ra xiko ñaꞌa nuu na sáa̱ ini va.

San Juan 6:61

Ra xa kundaa va ini Jesús ña ndatuꞌun kuachi ni na itaꞌan xiꞌin ra xaꞌa tuꞌun ña ndikaꞌan ra, ra saa ndikaꞌan ra xiꞌin na kachi ra saa: ―¿A ^tixuꞌvi ni ini ndo xiꞌin tuꞌun yoꞌo?

San Juan 21:17

Saa ra nindakatuꞌun tuku va Jesús ra Pedro, ichi ña uni, kachi ra saa xiꞌin ra: ―Simón, seꞌe ra Jonás, ¿a kuꞌvi ni ini kun xini kun yuꞌu? ―*kachi ra. Saa ra kusuchi va ini ra Pedro, ña xa ndixinu uni ichi ndakatuꞌun Jesús ra, xaꞌa ña, a kuꞌvi ini ra xini ra ra. Ra saa ndakuiin ra, kachi ra saa: ―Tata, mii kun kuvi ra kundaa ini xaꞌa takundiꞌi va ña, ra kundaa va ini kun, ña kuꞌvi ni va ini yu xini yu yoꞌo ―*kachi ra xiꞌin Jesús. Ra saa ndikaꞌan Jesús xiꞌin ra, kachi ra saa: ―Saa ra kondiaa ndikachi vali sana yu ―*kachi ra.

San Lucas 5:22

Ra kundaa kuaꞌa va ini Jesús ña ^ndakani ini ndia, ra saa ndikaꞌan ra xiꞌin ndia, kachi ra saa: ―¿Nichuun ndakani ini ndo ña köo ndiayu yu ña sakaꞌnu ini yu xaꞌa kuachi yuvi?

San Marcos 12:15

Ra xa kundaa va ini Jesús ra ixtondoso va na kuvi ra, saa ndikaꞌan ra xiꞌin na kachi ra saa: ―¿Nichuun xamaña ndo ra ixtondoso ndo yuꞌu? Taxi ndo iin xuꞌun kaa ndaꞌa yu na kuni yu ―kachi ra xiꞌin na.

San Marcos 2:8

Saa ra ndikun kundaa va ini Jesús ña ndakani ini na, ra ndikaꞌan ra xiꞌin na kachi ra saa: ―¿Nichuun ndakani ini ndo ña köo ichi yu sa yu ña yoꞌo?

San Lucas 7:40

Ra saa ndikaꞌan Jesús xiꞌin ra kachi ra saa: ―Simón, iyoo iin ña kuni yu kaꞌan yu xiꞌin kun ―kachi ra. Ra saa ndakuiin ra Simón, kachi ra saa: ―Vaꞌa va, kaꞌan xiꞌin yu Tata Maestro ―kachi ra.