San Mateo 9:34 - Mixteco Metlatónoc

³⁴ Ndi su ndia fariseo, ra suꞌva va, kachi ndia xaꞌa Jesús: ―Ndiee kiti ndivaꞌa, mii ri kuchee vaꞌa nuu takundiꞌi ña ndivaꞌa va ke iyoo xiꞌin ra; ña kan ke vaꞌa tava ra tachi ndivaꞌa ―kachi ndia.

San Mateo 9:34 Referans Kwoze

San Lucas 11:15

Ra saa ndikaꞌan sava na kachi na saa: ―Ndie̱e̱ ri Beelzebú, mii ri kuchee vaꞌa nuu takundiꞌi ña ndivaꞌa va ke iyoo xiꞌin ra, ña kan ke vaꞌa tava ra tachi ndivaꞌa. ―^kachi na xaꞌa Jesús.

San Marcos 3:22

Ra na maestro sañaꞌa ley Ndioxi ña ndakoo ra Moisés, ra ndia ñuu Jerusalén ke kee na ra ndixaa na nuu xika ra, ra kachi na saa: ―Ndie̱e̱ ti Beelzebú, mii ti kuchee vaꞌa nuu takundiꞌi ña ndivaꞌa va, ke iyoo xiꞌin ra, ña kan ke vaꞌa tava ra tachi ndivaꞌa ―kachi na xaꞌa ra.

San Juan 3:20

Ra takundiꞌi yuvi na ^xa chiñu kiꞌvi ra kundasi va na ñùꞌù ña tuun, ra xïin na kuyachin na nuu ña, saa chi tu köo, ra ndatuvi ndiꞌi va xaꞌa chiñu kiꞌvi ña xa na.

San Mateo 10:25

Ra na sakan sakuaꞌa ra xiniñuꞌu na xaa na koo na ta kuꞌva iyoo maestro va na, ra saa tu iin na xachiñu tatu va chi xiniñuꞌu xaa tu na kan va ña kuu na ta kuꞌva iyoo xitoꞌo na. Ra kuni yu na kundaa ini ndo ña yoꞌo: chi tu yuꞌu, ra xaa yoꞌo, ra “ra ndivaꞌa” va kachi na xiꞌin yu, saa ra ndiee ni ka va kaꞌan na xaꞌa ndoꞌo, na ndikun sata yu ―kachi Jesús xiꞌin ndia itaꞌan xiꞌin ra.

San Mateo 11:18

Saa chi kixi ra Juan ra sakuchi yuvi, ra ndixïxi ni ra, ra nii vino ndixïꞌi ra, ra tachi ndivaꞌa va iyoo xiꞌin ra kachi ndo.

San Mateo 12:22

Ra saa ndixaa sava na nuu Jesús xiꞌin iin tiaa ra küvi kaꞌan, ra kuaa va tu ra, saa chi tachi ndivaꞌa va ke tiin ñaꞌa, ra saa sandaꞌa Jesús tiaa kan ra vaꞌa ka vi ndakutoꞌni ra, ra vaꞌa tu ndakaꞌan va ra.

San Mateo 12:27

Ra kachi yu suꞌva xiꞌin ndo, saa chi kaꞌan ndo, ña tava yu tachi ndivaꞌa xiꞌin ndiee ti Beelzebú, ri kuchee nuu takundiꞌi ri ndivaꞌa; ra tu saa iyoo ña, saa ra, ¿yoo ku ra taxi ndiee ndaꞌa na ndikun sata ndo ña vaꞌa tava na tachi ndivaꞌa tu saa? Ra na kundaa ini ndo chi süvi xiꞌin ndiee ri ndivaꞌa ke tava na ña. Ña kan ke kundaa vaꞌa va ini na ña väꞌa iyoo ndo.

San Juan 7:20

Ra saa ndakuiin takundiꞌi yuvi kan kachi na saa: ―Tachi ndivaꞌa va ke iyoo xiꞌin kun, saa chi ¿yoo ku na kuni kaꞌni yoꞌo? ―kachi na.