San Mateo 9:27 - Mixteco Metlatónoc

²⁷ Ra te kanata Jesús veꞌe kan, ra ndakiꞌin ra kuaꞌan ra, ra saa taxi ndikun uvi ndia kuaa sata ra, ra iin ko koꞌo kana ndia kachi ndia saa: ―Jesús, seꞌe ra David, kundaꞌvi ini kuni nduꞌu ―kachi ndia xiꞌin ra.

San Mateo 9:27 Referans Kwoze

San Mateo 15:22

Ra te ndixaa Jesús ñuu kan, ra ikan kanduꞌu iin ñaꞌá ña kuu ndiseꞌe na xindee iin ñuu ña xinani Canaán, ra saa ndixaa ña nuu Jesús, ra iin kokoꞌo ndaꞌyu ña kachi ña saa: ―¡Tata, Seꞌe xikua ra David, kundaꞌvi ini kuni yuꞌu ra chindiee taꞌan kun xiꞌin yu! Saa chi ña loꞌo seꞌe yu, ra tachi ndivaꞌa ke ndikaa ñaꞌa, ra ndiee ni xa ña xiꞌin ña ―kachi ña xiꞌin Jesús.

San Mateo 11:5

Chi na kuaa, ra ^ndakotoꞌni va na, ra na küvi kaka, ra ^ndakaka va na, ra na ndoꞌo kueꞌe tiaꞌyu; ra ^nduvaꞌa va na, ra na soꞌo, ra ^ndakuni va soꞌo na, ra na ndii, ra ^ndatiaku va na. Ra ^ndakani tu yu tuꞌun Ndioxi nuu na ndaꞌvi ña vaꞌa na kaku va na.

San Mateo 17:15

―Tata, kundaꞌvi ini kuni seꞌe loꞌo yu, chi ra xiꞌi yiꞌi kuvi ra, ra ndoꞌo ni ra xa ña; ra nii ndiäꞌvi ichi ^kita ra nuꞌu, ra saa tu nuu tiakuii va.

San Juan 7:42

Saa chi Cristo, ra seꞌe xikua ra rey David va ke xiniñuꞌu kuu ra, ra ñuu Belén nuu ndixiyo ra rey David va ke kee ra, kachi tuꞌun Ndioxi ―kachi na.

San Lucas 7:21

Ra suvi mii hora yoꞌo ke kuaꞌa ni na xiꞌi sandaꞌa Jesús, ra kuaꞌa ni tu na ñuꞌu tachi ndivaꞌa va sandaꞌa ra, ra kuaꞌa ni tu na kuaa va ndakotoꞌni xa ra.

San Marcos 11:10

Kaꞌnu ni ra yoꞌo, chin ra yoꞌo kuvi ra kuu rey ra kaꞌndia chiñu nuu yo, chi ra yoꞌo ku ra ndakiꞌin nuu xii xikua yo David, ra xikuu rey, ra ra kaꞌnu ni ku Iva yo Ndioxi ra nduꞌu ndivi ―kachi na.

San Marcos 9:22

Ra tachi ndivaꞌa yoꞌo, ra nii ndiäꞌvi ichi xaa ña sakoꞌni ña ra nuu ñuꞌù, xiꞌin nuu tiakuii, ña kuni̱ ña kaꞌni ña ra; ña kan ke nduku yu ña mani nuu kun, tu na kuvi chindiee taꞌan kun xiꞌin ndi, Tata, ra na kundaꞌvi ini kun kuni kun nduꞌu, ra na sa kun ña mani xiꞌin ndi, chi ndaꞌvi ni ndi ―kachi ra xiꞌin Jesús.

San Mateo 21:9

Ra yuvi na inuu chi nuu, xiꞌin na ndikun chi sata ra, ra iin siso siso ndaꞌyu na kachi na saa: ―¡Ra kaꞌnu ni kuvi ra yoꞌo!, chi ndiseꞌe ra Rey David kuvi ra; ¡ra kaꞌnu ni ra, chi Tata yo Ndioxi kuvi ra tiꞌvi ra ña vaxi ra sakaku ra yoo! ¡Na ndasakaꞌnu ndo Tata yo Ndioxi ra iyoo ndivi! ―^kachi na.

San Mateo 1:1

Ña yoꞌo ku iin tutu nuu ndakondiaꞌvi na xikuu xii xikua Jesucristo, seꞌe xikua ra David, xiꞌin ra Abraham.

San Mateo 21:15

Ndi su ndia xikuaꞌa kunaꞌnu nuu ndia sutu, xiꞌin ndia maestro sañaꞌa ndiayu Ndioxi, ra ixtoꞌni ndia ña ^xa Jesús ña xituꞌun, ra iin siso siso tu ndaꞌyu na kuachi vali na ñúꞌu ini veꞌe ñuꞌu kan va, ^kachi na saa: “¡Ra kaꞌnu ni kuu Jesús seꞌe ra Rey David!”, ^kachi na. Saa ra ndukueꞌe ni ini ndia xikuaꞌa kan,

Romanos 9:5

Ra ndiseꞌe na xii xikua na kuvi tu Cristo va xaꞌa ña nduu ra iki kuñu ña kixi ra nuu ña yuuvi yoꞌo, ra ra kan kuvi Ndioxi ra xaꞌndia chiñu nuu takundiꞌi va ñaꞌa, ra ra kaꞌnu ni va kuvi ra ndia ndikaa ndikuꞌun. Saa iyoo va ña.

San Lucas 20:41

Saa ndikaꞌan Jesús xiꞌin na ndee kan, kachi ra saa: ―¿Ndixaa iyoo ña tuvi ndoꞌo? ¿Nichuun kaꞌan na ña kuu seꞌe xikua ra rey David ra tiꞌvi Ndioxi xaa sakaku na yuuvi yoꞌo?

San Lucas 17:13

Ra ndiee ka vi kana ndia ra kachi ndia saa: ―¡Tata Maestro, kundaꞌvi ini kuni nduꞌu, ra sandaꞌa kun nduꞌu! ―kachi ndia.

Romanos 1:3

Ra xaꞌa tata yo Jesucristo ra kuu seꞌe Ndioxi va ke ndakani tuꞌun vaꞌa kan. Ra ña kaku Tata yo Jesucristo nuu ñuꞌu ña yuuvi yoꞌo, ra ndiseꞌe ra rey David va kuvi ra.

San Mateo 9:28

Ra te ndixaa Jesús ndikiꞌvi ra iin veꞌe, ra saa kuyachin ndia kuaa kan nuu ra, ra nindakatuꞌun ra ndia kachi ra saa: ―¿A kandixa ndo ña kuchuun yu sandaꞌa yu ndoꞌo tuvi ndo? ―kachi ra xiꞌin ndia. Saa ndakuiin ndia kachi ndia saa: ―Kuchuun va kun, Tata ―kachi ndia xiꞌin ra.

San Mateo 20:29

Ra ta kee Jesús ñuu Jericó kuaꞌan ra, ra kuaꞌa ka vi yuvi ndandikun kuaꞌan sata ra.