San Mateo 9:22 - Mixteco Metlatónoc

²² Ra saa ndikokuiin Jesús, ra ndakotoꞌni ra nuu ña, ra ndikaꞌan ra xiꞌin ña kachi ra saa: ―Kuayüꞌvi kun seꞌe, chi xa nduvaꞌa va kun, xaꞌa ña ndiaa ini kun yuꞌu ―kachi ra xiꞌin ña. Saa ra ndikun mii hora kan ke nduvaꞌa va ña.

San Mateo 9:22 Referans Kwoze

San Lucas 7:50

Saa ndikaꞌan Jesús xiꞌin ñaꞌa kan, kachi ra saa: ―Xaꞌa ña kandixa kun yuꞌu va ke ndikaku kun, ra vichin kuanuꞌu, ra ndïꞌi ka ini kun ―kachi ra xiꞌin ña.

San Mateo 15:28

Ra saa ndikaꞌan ra xiꞌin ña kachi ra saa: ―¡Tiaa ni ndinuni kandixa kun yuꞌu, Nana! Ra vaꞌa na koo ta kuꞌva kuni va kun ―kachi Jesús xiꞌin ña. Saa ra ndikun mii hora kan ke nduvaꞌa ndixa va ña loꞌo seꞌe ña.

San Mateo 9:2

Ra saa kuu, ra ndixaa va sava na xiꞌin iin ra kueꞌe küvi kaka, ra kanduꞌu ra nuu ixto ndixaa ra xiꞌin na nuu Jesús. Ra te xini Jesús ña ndinuni ni ndiaa ini na ra, ña kuchuun ra sanduvaꞌa ra ra nduchiꞌña kan, ra saa ndikaꞌan ra xiꞌin ra nduchiꞌña kan kachi ra saa: ―Kusüchi ini kun seꞌe, chi xa xa kaꞌnu va ini yu xaꞌa kuachi kun ―kachi ra xiꞌin ra.

San Lucas 18:42

Ra saa ndikaꞌan Jesús xiꞌin ra kachi ra saa: ―¡Kotoꞌni! Chi xaꞌa ña kandixa va kun ke nduvaꞌa kun ―kachi ra.

San Lucas 17:19

Ra saa ndikaꞌan Jesús xiꞌin tiaa kan kachi ra saa: ―Ndakundichi ra kuaꞌan nuu ra sutu; saa chi xaꞌa ña kandixa va kun ke nduvaꞌa kun ―kachi Jesús xiꞌin ra.

San Lucas 8:48

Ra saa ndikaꞌan Jesús xiꞌin ña, kachi ra saa: ―Seꞌe, xaꞌa ña ndiaa ini kun yuꞌu va ke xa nduvaꞌa kun. Ra vichin kuanuꞌu, ra ndïꞌi ka ini kun ―kachi ra xiꞌin ña.

San Marcos 10:52

Saa ndikaꞌan Jesús xiꞌin ra kachi ra saa: ―Kuanuꞌu, chi xa nduvaꞌa va kun, xaꞌa ña ndinuni ni ini kun kandixa kun yuꞌu, ―kachi Jesús xiꞌin ra. Saa ra ndikun ndanuña ndixa va nuu ra, ra ndakundikun ra kuaꞌan ra xiꞌin Jesús, ichi kan.

San Marcos 5:34

Saa ndikaꞌan Jesús xiꞌin ña kachi ra saa: ―Seꞌe, xaꞌa ña kandixa kun yuꞌu ke xa ndikaku kun. Ra kuanuꞌu veꞌe kun, ra ndïꞌi ka ini kun, chi xa nduvaꞌa va kun ―kachi ra xiꞌin ña.

San Mateo 9:29

Saa chinduꞌu Jesús ndaꞌa ra nuu ndia, ra ndikaꞌan ra xiꞌin ndia kachi ra saa: ―Xaꞌa ña kandixa ndo yuꞌu, ña kuchuun yu sanduvaꞌa yu ndoꞌo ke, na nduvaꞌa va ndo ―kachi ra xiꞌin ndia.

Hechos 16:18

Ra kuaꞌa ni kii xa ña saa, ra saa väꞌa ndikuni ra Pablo, ra saa ndikokuiin ra ra ndikaꞌan ra xiꞌin tachi ndivaꞌa ña ndikaa ini ña, kachi ra saa: ―Xiꞌin ndiee kivi Jesucristo xaꞌndia yu nuu kun, ra na kita kun ini ña ―kachi ra xiꞌin ña. Saa ra ndikun kita ndixa va tachi kan ini ña.

San Juan 4:53

Ra saa ndakaꞌan ra iyoo seꞌe kan ña kuꞌva mii hora kan ke ndikaꞌan Jesús xiꞌin ra kachi ra saa: “Xa nduvaꞌa va seꞌe kun”, kachi ra. Ra mii ra xiꞌin na veꞌe ra ra kandixa ndiꞌi va na Jesús.

Hebreos 4:2

Ra ta kuꞌva iyoo na xii xikua yo kuvi tu ña iyoo yoo va, saa chi xini soꞌo na kan tuꞌun Tata yo Ndioxi ra xini tu soꞌo yoo va ña, ndi su ndixïyo yaꞌvi ndiaa vi ña xini soꞌo na ña, saa chi ndixïin na kandixa na ña kaꞌan ña.

Hechos 14:9

Ra tiaa ka vi soꞌo ra ña kaꞌan ra Pablo nduꞌu ra, ra saa iin kaxi kaxi ndakotoꞌni ra Pablo nuu ra, ra kundaa ini ra ña ndinuni ni va kandixa tiaa kan, ña kuchuun Ndioxi sandaꞌa ra ra.

San Mateo 17:18

Ra saa xaꞌndia Jesús chiñu nuu tachi ndivaꞌa kan, ña na ^saña ña ra loꞌo kan, saa ra saña ndixa va ña ra, ra ndikun nduvaꞌa va ra.

San Mateo 8:13

Ra te ndiꞌi saa ndikaꞌan Jesús xiꞌin ra soldado kan kachi ra saa: ―Kuanuꞌu veꞌe kun, chi ra xachiñu nuu kun, ra xa nduvaꞌa va ra, chi ta kuꞌva ^kandixa kun saa kuu va ―kachi Jesús xiꞌin ra. Saa ra ndikun mii hora kan nduvaꞌa ndixa va ra xachiñu nuu ra soldado kan.