San Mateo 9:18 - Mixteco Metlatónoc

¹⁸ Ra sakan saa kuu Jesús ndatuꞌun ra xiꞌin na ndichi ra, ra tuꞌva ndixaa va iin ra kuchee nuu na Judío, ra nani Jairo, ra xikusiti ra nuu Jesús ra ndikaꞌan ra xiꞌin ra, kachi ra saa: ―Tata, ña sakan ndixiꞌi va kuvi ña loꞌo seꞌe yu, ndi su tu na kuꞌun kun xiꞌin yu, ra chinduꞌu kun ndaꞌa kun sata ña, saa ra ndatiaku va ña ―kachi ra xiꞌin Jesús.

San Mateo 9:18 Referans Kwoze

San Mateo 8:2

Saa ra ndixaa va iin ra xiꞌi kueꞌe tiaꞌyu, ra xikusiti ra nuu Jesús, ra xaꞌa ra xaku ndaꞌvi ra, ^kachi ra saa: ―Tata, tu na kuiin kun ra kuvi va sanduvaꞌa kun yuꞌu ―*kachi ra.

San Lucas 13:14

Saa ra ndisaa ni ini ra kuchee ndiso chiñu ndiaa veꞌe ñuꞌu kan xiꞌin Jesús xaꞌa ña sandaꞌa ra ña xiꞌi kan, kii yii sábado ña ndakindiee̱ na, ra saa ndikaꞌan ra xiꞌin yuvi na ndee kan kachi ra saa: ―I̱ñu̱ va kii ke xiniñuꞌu sachiñu yo, ra kii kan ke na kixi ndo ña nandaꞌa ndo. Ndi su küvi nandaꞌa ndo kii yii sábado ña ndakindiee yo ―kachi ra xiꞌin na.

San Juan 11:32

Ra saa te ndixaa ña María nuu íin Jesús, ra saa ndakutoꞌni ña nuu ra, ra ndakusiti ña xaꞌa ra, ra ndikaꞌan ña xiꞌin ra kachi ña saa: ―Tata, tu yoꞌo ndixiin kun, saa ra küvi vi kuꞌva yu ―kachi ña.

San Mateo 9:24

Ra saa ndikaꞌan ra xiꞌin na, kachi ra saa: ―Kee ndo chi keꞌe, chi süvi ña ndixiꞌi kuvi ña loꞌo yoꞌo, chi ña kixi va kuvi ña ―kachi ra xiꞌin na. Saa ra ndixaku ndiaa va na ra.

Hechos 13:15

Ra te ndiꞌi kaꞌvi na ndiayu Ndioxi ña tiaa ra Moisés, xiꞌin ña tiaa na ka sava na ndikaꞌan tuꞌun yuꞌu Ndioxi, ra saa tiꞌvi ndia kunaꞌnu veꞌe ñuꞌu kan tuꞌun nuu ra Pablo xiꞌin ndia taꞌan ra, ra suꞌva ke kachi ndia: ―Ñani, tu iyoo iin tuꞌun vaꞌa kaꞌan ndo xiꞌin na ndee yoꞌo ña vaꞌa na ndakindiee ini na, ra na kaꞌan ndo xiꞌin va na ―kachi ndia xiꞌin ra.

San Juan 11:25

Saa ndikaꞌan Jesús xiꞌin ña kachi ra saa: ―Yuꞌu kuvi ra sandatiaku yuvi, ra taxi tu yu ña kutiaku va na. Ra na kandixa yuꞌu, ra vaꞌa ni xa ndixiꞌi va na, ndi su kutiaku va na.

San Lucas 18:18

Ra saa kuu ra ndindakatuꞌun iin ra itia ra kuika ra kuu ra xikuaꞌa Jesús kachi ra saa: ―Tata Maestro, ra vaꞌa, ¿ni ke sa yu ña vaꞌa niꞌi taꞌvi yu kutiaku yu xiꞌin Ndioxi ndiaa ndikaa ndikuꞌun? ―kachi ra xiꞌin Jesús.

San Lucas 7:2

Ra ikan iyoo iin ra kuchee nuu iin ciento ndia soldado ndia ñuu Roma. Ra iyoo iin ra xachiñu nuu ra, ra kuꞌvi ni ini ra xini ra ra, ra saa kiꞌin kueꞌe ra xachiñu nuu ra, ra xa iin numi va kuvi ra.

San Mateo 28:17

Ra te xini ndia ra, ra saa ndasakaꞌnu ni ndia ra, ra sava tu ndia iin xa uvi suꞌva ini va.

San Mateo 17:14

Ra te xaa ndia nuu ndee yuvi kan, saa ra ndikun ndixaa iin tiaa xikusiti ra nuu Jesús, ra ndikaꞌan ra kachi ra saa:

San Mateo 15:25

Ra saa kuyachin ñaꞌa kan, ra ndakusiti ña nuu Jesús, ra ndikaꞌan ña xiꞌin ra kachi ña saa: ―¡Tata, chindiee taꞌan xiꞌin yu! ―kachi ña.

San Mateo 14:33

Saa ra ndia ñuꞌu ini barca loꞌo kan, ra ndikun ndakusiti va ndia nuu Jesús, ra xaꞌa ndia ^ndasakaꞌnu ndia ra kachi ndia saa: ―Seꞌe Ndioxi ku ndixa va yoꞌo ―kachi ndia xiꞌin Jesús.

San Mateo 20:20

Ra saa kuyachin ña siꞌi ndia seꞌe ra Zebedeo xiꞌin uvi saa tiaa seꞌe ña, ndia itaꞌan xiꞌin Jesús, ra xikusiti ña nuu Jesús; ña ^nduku ña iin ña mani nuu ra.

San Mateo 8:25

Ra saa kuyachin ndia itaꞌan xiꞌin ra, ra sandoto ndia ra, ra ndikaꞌan ndia xiꞌin ra kachi ndia saa: ―¡Tata, ndakoo ra sakaku kun nduꞌu chi kuaꞌan saꞌvi va barca yoꞌo xiꞌin yo! ―kachi ndia xiꞌin ra.

San Mateo 9:17

Ra ndia nii tu na täân vino xaa ini ñii yata, chi tu saa na sa na, saa ra ndata va ñii yata sa ra, ra kuitia ndiꞌi va ra, ra ndiꞌi tu xaꞌa mii va ñii kan, ña kan ke vino xaa, ra ini ñii xaa ke xiniñuꞌu kundoꞌni ra, ra saa ke na kuïtia ra, ra nii ñii kan ndïꞌi xaꞌa ―kachi Jesús xiꞌin na.

San Mateo 9:19

Ra saa ndakiꞌin Jesús kuaꞌan ra xiꞌin ra Jairo, ra kuaꞌan tu ndia itaꞌan xiꞌin Jesús va.

Hechos 28:8

Ra saa kuu ndi ndee ndi kan, saa ra kundaa va ini ra Pablo ña ndiee ni ndoꞌo iva ra Publio kan, kueꞌe nii, ra tiaa ni ndikaa kaꞌní ra kanduꞌu ra nuu xito. Ra saa ndixaꞌan ra Pablo xitoꞌni ra ra, ra ndikaꞌan ra xiꞌin Ndioxi xaꞌa ra, ra ta ndiꞌi ndikaꞌan ra xiꞌin Ndioxi xaꞌa ra, ra saa chinduꞌu ra ndaꞌa ra sata ra, ra ndikun nduvaꞌa va tiaa kan.