San Mateo 9:15 - Mixteco Metlatónoc

¹⁵ Ra saa ndakuiin Jesús kachi ra saa xiꞌin ndia: ―¿A vaꞌa tu na kundee suchi ini na kuaꞌan nuu iyoo viko tandaꞌa, tuvi ndo? ¿Su väꞌa kita ña, chi tan íin ka va ra tandaꞌa kan xiꞌin na? Ndi su te na xaa kii ña ndakiꞌin na ra tandaꞌa kan kuꞌun ra, ra ndia saa vi ke ndoo na itaꞌan xiꞌin ra, ña koo suꞌun na, küxi na.

San Mateo 9:15 Referans Kwoze

Apocalipsis 19:9

Ra saa ndikaꞌan ra tatun Ndioxi kan xiꞌin yu kachi ra saa: ―Tiaa tuꞌun yoꞌo: “Vaꞌa ni kee yuvi na ^kana Ndioxi kuꞌun kuxini nuu iyoo viko, ña ^tandaꞌa ra ku ndikachi loꞌo”, kachi ra. Ra saa ndikaꞌan ka ra, kachi ra saa: ―Ña yoꞌo ku tuꞌun Ndioxi, ña ndixa ―*kachi ra.

San Juan 3:29

Ra na kundaa ini ndo, chi ta ^kuu nuu iyoo viko tandaꞌa, ra ra íin xiꞌin ñaꞌa ña tandaꞌa kan va kuvi ra kuu yii ña, ndi su ra itaꞌan xiꞌin ra kuu yii ñaꞌa kan, ra nduꞌu yachin xitia ra, ra te xini soꞌo ra ña kaꞌan ra tandaꞌa kan saa ra tiaa ni va kusii ini ra xiꞌin ra; ra mii saa ke ndoꞌo tu yuꞌu va vichin, saa chi xa xiꞌin va yo íin ra xaa sakaku yoo, ña kan ke kusii ni ini yu.

Apocalipsis 21:2

Ra yuꞌu, ra Juan, kuvi ra xini ñuu yii ña kuu Jerusalén ña xaa, ra chi ndivi nuu nduꞌu Ndioxi ke kee ña vaxi nuu ña, ra ta kaa iin ñaꞌá ña xa ndasanduvi xiꞌin mii, ña tandaꞌa ña xiꞌin ra kuu yii ña, saa kaa ñuu kan xini yu.

Hechos 14:23

Ra ndikaxin tu ndia, ndia xikuaꞌa ndia kunuu nuu ta iin iin veꞌe ñuꞌu va, ra ta ndiꞌi ndikaꞌan ndia xiꞌin Ndioxi, xiꞌin ña ndixiyo suꞌun ndia, ña ndixïxi ndia, ra saa ndikaꞌan ndia xiꞌin Ndioxi xaꞌa ndia xikuaꞌa kan.

1 Corintios 7:5

Xaꞌa ña kan ke na kuxïꞌndia ndo mii ndo nuu taꞌan ndo, Ndi su tu chikaa ini ndo ña tiändiaa taꞌan ndo ndiaꞌvi kii, xaꞌa ña kuni ndo kaꞌan ndo xiꞌin Ndioxi, saa ra ña sa ndo ke na chutaꞌan tuꞌun ndo xaꞌa va ña. Ra ta xa na sandiꞌi ndo kaꞌan ndo xiꞌin Ndioxi, saa ra na ndatandiaa taꞌan tuku va ndo; saa chi tu na tändiaa taꞌan ndo, ra iyo ni kuchüun ndo kaꞌndia ndo nuu iki kuñu ndo, ra iyo ni sandaꞌvi timiaꞌa ndoꞌo ña sa ndo kuachi.

San Juan 16:6

Chi ña xa ndo ke kusuchi ni ini ndo, xaꞌa tuꞌun ña ndikaꞌan yu xiꞌin va ndo.

2 Corintios 11:27

Ra tiaa ni tu xachiñu va yu; ra ndoꞌo ni tu ini va yu; ra kuaꞌa ni tu ichi kïxi va yu; ra kuaꞌa ni tu ichi kaꞌun ini va yu, ra kuaꞌa ni tu ichí íchi̱ ini yu tiakuii va; ra kuaꞌa ni tu ichi iyoo suꞌun yu, ña xïxi va yu; ra kuaꞌa ni tu ichi xiꞌi yu vixin, ña köo tikoto kundixi va yu.

San Mateo 9:14

Saa kuu ra ndixaa ndia itaꞌan xiꞌin ra Juan ra sakuchi yuvi nuu íin Jesús, ra nindakatuꞌun ndia ra kachi ndia saa: ―Tata, ¿nichuun kuëe iyoo suꞌun ndia itaꞌan xiꞌin kun, ra nduꞌu xiꞌin na fariseo, ra kuaꞌa ni va ichi iyoo suꞌun ndi, ña xïxi ndi? ―kachi ndia xiꞌin ra.

San Mateo 9:16

Ra ndia nii yuvi ra ndakäꞌma na tikoto yata xiꞌin tikoto xaa, chi tu saa na sa na, saa ra nandii va tikoto xaa, ra nandata vaꞌa ka va ña tikoto yata kan.

San Marcos 2:19

Ra saa ndakuiin Jesús kachi ra saa xiꞌin ndia: ―¿A vaꞌa tu na koo suꞌun na ndee nuu iyoo viko tandaꞌa, tuvi ndo, ña ndee na kusii ini na xiꞌin migo na ra tandaꞌa? Su küvi, chi ta iin ka va ra, ra takundiꞌi kii ra na ndee kusii ini va kuvi na, ra küvi koo suꞌun na, ña küxi na.

San Marcos 2:20

Ndi su te na xaa kii ña kuꞌun ra tandaꞌa kan nuu na, saa ra kindoo mii va na, ra ndia saa vi ke kuvi koo suꞌun na, küxi na.

San Lucas 5:34

Ra saa ndakuiin Jesús, kachi ra saa: ―Na ndee kusii ini xiꞌin migo na nuu iyoo viko tandaꞌa, ra küvi vi koo suꞌun na, ña koo na saa soko, chi ta íin va ra tandaꞌa xiꞌin na, ña kan ke küvi koo suꞌun na.

San Lucas 5:35

Ndi su vaxi kii, ra tiin ndia ra tandaꞌa kuꞌun ra xiꞌin ndia, ra saa vi ke ndoo na itaꞌan xiꞌin ra ña koo suꞌun na ―kachi Jesús xiꞌin ndia.

San Lucas 17:22

Ra saa ndikaꞌan Jesús xiꞌin ndia itaꞌan xiꞌin ra kachi ra saa: ―Vaxi kii, ra ku̱ni̱ ni ndo kuni ndo yuꞌu, ra xaa yoꞌo, ña kixi tuku yu, ndi su küni ka ndo yuꞌu.