San Mateo 9:13 - Mixteco Metlatónoc

¹³ Saa ndikaꞌan ka Jesús xiꞌin na kachi ra saa: ―Kuaꞌan ndo ra ndakiꞌin xini ndo ni ke kuni kachi tuꞌun yoꞌo: “Chi ña kuni yu ke na kuꞌvi ni ini ndo kuni ndo na taꞌan va ndo, ra küni yu ña na soko ndo ñaꞌa nuu yu”, chi na xa vaꞌa ni ndee tuvi na, ra växi yu xaꞌa na kan, chi na iyoo kuachi va kuvi na vaxi yu xaꞌa, ña na nandiko ini na xaꞌa kuachi na, ra ndakiꞌin na ichi Ndioxi ra kaku na ―kachi Jesús xiꞌin na.

San Mateo 9:13 Referans Kwoze

San Marcos 2:17

Ra ta xini soꞌo Jesús ña ndikaꞌan na, saa ra ndakuiin ra yuꞌu na kachi ra saa: ―Yuvi na iyoo vaꞌa ini ra xiniñüꞌu vi na kan kutatan na, chi na ndiee ndoꞌo va kuvi na xiniñuꞌu kutatan. Ra yuꞌu, ra süvi xaꞌa na vaꞌa, na köo kuachi ke vaxi yu, chi xaꞌa na iyoo kuachi va ke xaa yu ―kachi Jesús xiꞌin na.

San Lucas 19:10

Saa chi yuꞌu ra xaa yoꞌo vichin, kuvi ra xaa ndanduku na nindoñuꞌu, ra sakaku yu na ―kachi ra.

San Lucas 5:32

Saa chi yuꞌu, ra växi yu chindiee taꞌan yu xiꞌin na vaꞌa, na köo kuachi, tuvi na. Chi xaꞌa na iyoo kuachi va ke xaa yu, ña vaꞌa na ndandiko ini na ra ndakiꞌin na ichi Ndioxi ―kachi Jesús xiꞌin ndia fariseo.

San Mateo 12:7

Ndi su ndoꞌo, ra na täan kundaa ini va kuvi ndo ni ke kuni kachi tuꞌun Ndioxi ña kaꞌan kachi suꞌva: “Küni yu ña na kaꞌni ndo kiti ra soko ndo ri nuu yu, chi ña kuni yu ke na kuꞌvi ni ini ndo kuni taꞌan va ndo”, kachi ña. Ra tu ndikundaa ini ndo xiꞌin tuꞌun yoꞌo, saa ra käꞌndia vi ndo chiñu ña na sandoꞌo na yuvi ndaꞌvi na köo kuachi.

2 San Pedro 3:9

Ra xaꞌa ña kan ke, süvi ra kuachi kuvi Tata yo Ndioxi ña saxinu ra nuu ña kindoo ra, ta kuꞌva tuvi sava yuvi. Chi ña xa ra ke xa kaꞌnu ini ra xiꞌin va yo, saa chi küni ra ña na ndiꞌi xaꞌa ndia nii yuvi; chi ña kuni ra ke na nandiko ini na xaꞌa kuachi va na. Ra xaꞌa ña kan va kuvi ña täan nandiko ra.

Hechos 3:19

Ra xaꞌa ña kan ke na nandiko ini ndo xaꞌa kuachi ndo, ra ndakundikun ndo Ndioxi, ra saa ke sandiꞌi ra xaꞌa kuachi ndo. Ra taxi ra ndakindiee ndo,

Hechos 11:18

Saa ra te ndiꞌi xini soꞌo na judío na ndikun Jesús na ndee ñuu Jerusalén ña ndakani ra Pedro nuu na, ndia saa ra xikutuvi va na ña xa kuáchi na xiꞌin ra, ra saa xaꞌa na ndasakaꞌnu na Ndioxi kachi na saa: ―¡Sakaku tu Ndioxi yuvi na küu judío va, ra ta̱xi ra ndiayu ndaꞌa na ña na nandiko ini na xaꞌa kuachi na, ra niꞌi na ña kutiaku na ndia ndikaa ndikuꞌun! ―kachi na.

San Mateo 3:2

ra kachi ra saa: ―Nandiko ini ndo xaꞌa kuachi ndo, ra ndakiꞌin ndo ichi Ndioxi, chi xa kuyachin ni ña kaꞌndia Ndioxi chiñu ―*kachi ra.

Hechos 5:31

Ra mii Ndioxi kuvi tu ra ndasachee Jesús va, ña kan ke vaꞌa nduu ra ra xaꞌndia ra chiñu nuu yo, ra sakaku ra yoo, ra ^taxi tu ra ndiayu ndaꞌa yoo na Israel, ña na nandiko ini yo xaꞌa kuachi yo ra koo kaꞌnu ini ra xaꞌa yo.

San Lucas 24:47

ra kaꞌan ndoso na ndikun ichi ra kivi ra iinii kuvi ña yuuvi, ña vaꞌa na nandiko ini takundiꞌi yuvi xaꞌa kuachi na, ra koo kaꞌnu ini ra xaꞌa na, ra xiꞌna ka va ñuu Jerusalén ke kiꞌin na kaꞌan ndoso na kuꞌun na, kachi ña.

San Mateo 4:17

Ra kii kan xaꞌa Jesús kaꞌan ndoso ra tuꞌun Ndioxi nuu yuvi, kachi ra saa: ―Nandiko ini ndo xaꞌa kuachi ndo ra ndakiꞌin ndo ichi Ndioxi, chi xa kuyachin va ra ña kaꞌndia ra chiñu nuu ndo ―*kachi ra xiꞌin na.

Hechos 2:38

Saa ndikaꞌan ra Pedro xiꞌin na kachi ra saa: ―Nandiko ini ndo xaꞌa kuachi ndo, ra kuchi ndo tixi ndiee Jesucristo, ra saa ke koo káꞌnu ini Ndioxi xaꞌa kuachi ndo, ra taxi tu ra Tachi Yii ra ña koo ña xiꞌin va ndo.

San Mateo 3:8

Ndi su ña xiniñuꞌu sa ndo ke, na ndañaꞌa ndo mii ndo ña xa nandiko ini ndo xaꞌa kuachi ndo, ra na sa ndo niña ña vaꞌa va.

Hechos 20:21

Ra vaꞌa ni judío kuvi na, ra vaꞌa ni süvi judío kuvi va tu na, ndi su ndakani va yu nuu na ña xiniñuꞌu na nandiko ini na xaꞌa kuachi na, ra nandiko na nuu Ndioxi, ra kandixa na Tata yo Jesús.

San Mateo 21:42

Ra saa ndikaꞌan Jesús xiꞌin na kachi ra saa: ―¿A ndia nii va ichi täan kaꞌvi ndo tuꞌun Ndioxi ña tiaa na xinaꞌa, ña kachi suꞌva?: Yuu ña kuñuꞌu na xavaꞌa veꞌe ta yachi kuu yuu ña xiniñuꞌu vaꞌa ka va vichin. Ra Ndioxi va ku ra xa ña yoꞌo, ra ndakanda ni ini yo xiꞌin ña, ^kachi ña.

San Mateo 12:3

Saa ndakuiin Jesús kachi ra saa xiꞌin ndia: ―¿A täan va kaꞌvi ndo tuꞌun Ndioxi ña ndakani xaꞌa ra rey David, ña xa ra te ndikaꞌun ini ra xiꞌin ndia kuaꞌan xiꞌin ra?

San Marcos 12:26

Ra saa tu, xaꞌa ña kaꞌan ndo ña ndatiaku na ndìì va, ra suꞌva va kachi tuꞌun Ndioxi ndakani ña, ¿A täan kaꞌvi ndo tuꞌun Ndioxi ña tiaa ra Moisés, nuu ndikaꞌan Ndioxi xiꞌin ra, te xini ra xixi̱ itun ìñu̱? Ra ikan ke ndikaꞌan Ndioxi xiꞌin ra kachi ra saa: “Yuꞌu ku Ndioxi ra kañuꞌu ra Abraham, xiꞌin ra Isaac, xiꞌin ra Jacob.”

San Juan 10:34

Saa ndakuiin Jesús kachi ra saa xiꞌin ndia: ―¿A su nuu ndiayu Ndioxi ña niꞌi va ndo ke ndikaꞌyu tuꞌun ña kachi suꞌva: “Mii yu kuvi va ra kaꞌan ña kuu ndo ndioxi”, kachi Ndioxi, ndikaꞌan ra kachi ña?

San Mateo 19:4

Saa ndakuiin Jesús kachi ra saa xiꞌin ndia: ―¿A täan kaꞌvi ndo tuꞌun Ndioxi ña ndakani kachi suꞌva, te xavaꞌa Ndioxi yuvi kii nuu, “ra xavaꞌa ra tiaa, ra xavaꞌa tu ra ñaꞌa va”?

San Mateo 12:5

¿Ra a täan kaꞌvi tu ndo ndiayu Ndioxi ña ndakoo ra Moisés, ña kaꞌan ña na sachïñu ndia nii yuvi kii yii sábado, ndi su ndia sutu ra xa va ndia kan chiñu ini veꞌe ñuꞌu kaꞌnu, ra köo vi tu na kaꞌan kuachi xaꞌa ña xa ndia kan?

San Lucas 10:26

Saa ndakuiin Jesús kachi ra saa: ―¿Ni ke kachi ndiayu Ndioxi ña tiaa ra Moisés xinaꞌa? Ra ni ke kachi ña ña kaꞌvi kun ña? ―kachi ra xiꞌin ra.

San Marcos 12:33

Ra ña kuꞌvi ini yo kuni yo Ndioxi xiꞌin takundiꞌi nima yo, xiꞌin takundiꞌi ña xinituni yo, xiꞌin takundiꞌi ña tiaku yo, xiꞌin takundiꞌi ndie̱e̱ yo, xiꞌin ña kuꞌvi ini yo kuni yo na taꞌan yo ta kuꞌva kuꞌvi ini yo xini yo mii yo, ra ndiaa yaꞌvi ni ka va ña yoꞌo nuu takundiꞌi ñaꞌa ña soko yo nuu Ndioxi ―kachi ra xiꞌin Jesús.

San Lucas 5:31

Ra saa ndakuiin Jesús, kachi ra saa xiꞌin ndia: ―Na iyoo vaꞌa ini, ra xiniñüꞌu vi na kan na xatatan, chi na ndiee ndoꞌo va ku na xiniñuꞌu na xatatan.