San Mateo 9:12 - Mixteco Metlatónoc

¹² Ra ta xini soꞌo Jesús ña ndikaꞌan na, ra saa ndikaꞌan ra xiꞌin na kachi ra saa: ―Yuvi na iyoo vaꞌa ini ra xiniñüꞌu vi na kan na xa tatan, chi na xiꞌi va kuvi na xiniñuꞌu na xa tatan ―kachi ra xiꞌin na.

San Mateo 9:12 Referans Kwoze

San Lucas 5:31

Ra saa ndakuiin Jesús, kachi ra saa xiꞌin ndia: ―Na iyoo vaꞌa ini, ra xiniñüꞌu vi na kan na xatatan, chi na ndiee ndoꞌo va ku na xiniñuꞌu na xatatan.

San Lucas 9:11

Ra ta kundaa ini yuvi nuu kuaꞌan Jesús, ra saa ndakundikun na kuaꞌan na sata va ra. Ra ta ndixaa na nuu iin ra, ra saa ndakiꞌin ra na, ra xaꞌa ra ndakani ra nuu na ndia kuꞌva ke kaꞌndia chiñu Ndioxi nuu na. Ra sandaꞌa tu ra na xiꞌi va.

San Marcos 2:17

Ra ta xini soꞌo Jesús ña ndikaꞌan na, saa ra ndakuiin ra yuꞌu na kachi ra saa: ―Yuvi na iyoo vaꞌa ini ra xiniñüꞌu vi na kan kutatan na, chi na ndiee ndoꞌo va kuvi na xiniñuꞌu kutatan. Ra yuꞌu, ra süvi xaꞌa na vaꞌa, na köo kuachi ke vaxi yu, chi xaꞌa na iyoo kuachi va ke xaa yu ―kachi Jesús xiꞌin na.

San Lucas 8:43

Ra tiañu yuvi kan ndikaa iin ñaꞌa ña ndiee ni ndoꞌo kuaꞌan ña xiꞌin na, ra xa uxi uvi kuiya ke xatia ña nii ña. Ra xa sandiꞌi yaa va ña xuꞌun ña xiꞌin na xatatan, ra ndia nii na ndikuchüun sandaꞌa ñaꞌa.

Colosenses 4:14

Ra tiꞌvi tu ra ñani yo Lucas, ra xa tatan va, tuꞌun ndioxi kuxaa ña nuu ndo, ra saa tu ra Demas va.

San Mateo 18:11

Ra yuꞌu, ra xaa yoꞌo vichin, ra xaa yu ña nanduku yu yuvi na nindoñuꞌu, ra sakaku va yu na.