San Mateo 8:8 - Mixteco Metlatónoc

⁸ Ra saa ndakuiin ra soldado kan kachi ra saa xiꞌin Jesús: ―Tata, köo ichi vi yu ña kiꞌvi kun veꞌe yu, chi ra kaꞌnu ni ka va kuvi yoꞌo; ra mii nuu íin kun yoꞌo vichin va, na kaꞌndia kun chiñu nuu kueꞌe kan, saa ra, saña va ña ra, ra nduvaꞌa va ra.

San Mateo 8:8 Referans Kwoze

San Mateo 8:3

Ra saa nditiandiaa ndaꞌa Jesús tiaa kan, ra ndikaꞌan ra xiꞌin ra kachi ra saa: ―Kuni va yu sandaꞌa yu yoꞌo, ra na nduvaꞌa kun vichin ―kachi Jesús xiꞌin ra. Saa ra ndikun nindoñuꞌu va kueꞌe tiaꞌyu kan sata ra, ra nduvaꞌa va ra.

San Juan 1:27

Ra ra kan kuvi ra ndikun vaxi sata yuꞌu, ra xa ta yachi vi ke iyoo ra kan nuu yuꞌu. Ra yuꞌu, ra ndia nii ñii ndixan vi ra ke köo ndiayu yu ndaxi yu ―kachi ra xiꞌin ndia.

San Lucas 5:8

Ra ta xini ra Simón ña xa Jesús, saa ra ndikun ndakusiti ra nuu ra, ra kachi ra saa: ―Tata, tiaa ra iyoo kuachi va kuvi yuꞌu, ndi su yoꞌo, ra ra yii va kuvi kun. Ña kan ke küvi kitaꞌan yu xiꞌin kun, ra vaꞌa ka na kutiaꞌa va kun nuu yu ―kachi ra xiꞌin Jesús.

San Mateo 3:11

Ra ña ndixa ke yuꞌu, ra xiꞌin tiakuii va ^sakuchi yu ndoꞌo, ña na nandiko ini ndo xaꞌa kuachi ndo, ndi su chi sata vaxi inka ra chee vaꞌa ka nuu yuꞌu, ra ra kan, ra xiꞌin Tachi Yii Ndioxi xiꞌin ñuꞌu va ke sakuchi ra ndoꞌo; ra yuꞌu, ra nii chiñu loꞌo ke köo yaꞌvi ndiaa yu sa yu nuu vi ra, saa chi ndia nii ña kaniꞌi yu ndixan vi ra ke köo ndiayu yu, saa chi ra kaꞌnu ni kuvi ra.

San Lucas 15:21

Ra saa ndikaꞌan ra loꞌo kan xiꞌin iva ra kachi ra saa: “Tata, koo kaꞌnu ini xaꞌa yu, saa chi xa yu kuachi nuu Ndioxi, ra saa tu nuu yoꞌo va. Ra köo ka ichi yu ña kuu yu seꞌe vi kun”, kachi ra xiꞌin iva ra.

San Lucas 15:19

Ra köo ka ichi vi yu ña kuu yu seꞌe kun vichin, ra ndia ta kuꞌva iyoo iin ra xachiñu nuu va kun na koo yu, kachi yo xiꞌin tata yo”, ^kaꞌan ra.

San Mateo 3:14

Ndi su ra Juan, ra ndixïin ra ña sakuchi ra Jesús, chi suꞌva va kachi ra: ―Yuꞌu va kuvi ra xiniñuꞌu kuchi sa yoꞌo, ndi su yoꞌo, ra nuu yuꞌu va tu vaxi kun; ra väꞌa ñaꞌa ña saa ―kachi ra xiꞌin ra.

San Mateo 8:7

Ra saa ndakuiin Jesús kachi ra saa xiꞌin ra: ―Vaꞌa va, na kuꞌun yu xiꞌin kun ra sandaꞌa yu ra ―kachi ra.

San Mateo 8:9

Chi xini va yu, saa chi iyoo tu na xaꞌndia chiñu nuu yuꞌu va, ra kandixa va yu na; ra yuꞌu tu, xaꞌndia chiñu nuu ndia soldado ra kandixa va ndia yuꞌu: “Kuaꞌan ndo”, ^kachi yu xiꞌin ndia, ra kuaꞌan va ndia; “naꞌa ndo”, ^kachi yu, ra vaxi va ndia. Ra saa tu ra xachiñu nuu va yu, chi xaꞌndia yu chiñu nuu ra, ra kandixa va ra ña kaꞌan yu xiꞌin ra ―kachi ra xiꞌin Jesús.