San Mateo 8:4 - Mixteco Metlatónoc

⁴ Saa ndikaꞌan Jesús xiꞌin ra kachi ra saa: ―Kuaꞌan, ra ndia nii na ndatüꞌun kun xiꞌin, ra takua nuu ra sutu va ke na kuꞌun kun ñaꞌa kun mii kun, ña xa nduvaꞌa kun xa Ndioxi, ra kaniꞌi kun ñaꞌa ña soko kun nuu Ndioxi, ta kuꞌva iyoo chiñu ña xaꞌndia ndiayu Ndioxi ña ndakoo ra Moisés. Ra na kundaa ini ndia ña xa nduvaꞌa va kun xa Ndioxi ―kachi Jesús xiꞌin ra.

San Mateo 8:4 Referans Kwoze

San Lucas 17:14

Ra te xini Jesús ndia, ra saa ndikaꞌan ra xiꞌin ndia kachi ra saa: ―Kuaꞌan ndo nuu ra sutu, ra na kuni ra ndoꞌo ña xa nduvaꞌa ndo ―kachi ra xiꞌin ndia. Ra te ndakiꞌin ndia kuaꞌan ndia, saa ra ndikun nduvaꞌa va ndia xa Jesús.

San Lucas 5:14

Ra saa xaꞌndia Jesús chiñu nuu ra kachi ra saa: ―Kuaꞌan, ra ndia nii yuvi ndatüꞌun kun xiꞌin xaꞌa ña sandaꞌa yu yoꞌo. Chi takua nuu ra sutu va na kuꞌun kun, ra na kaniꞌi kun ñaꞌa ña soko kun ta kuꞌva kachi ndiayu Ndioxi ña ndakoo ra Moisés ta yachi; ra na kundaa ini ndia sutu ña xa nduvaꞌa va kun ―kachi Jesús xiꞌin ra.

San Marcos 7:36

Ra ndikaꞌan Jesús xiꞌin na, ña na ndatüꞌun na xiꞌin ndia nii yuvi xaꞌa ña yoꞌo; su ndi na ndiee ka xa va kuvi na, chi te kaꞌan ra xiꞌin na, ña na ndatüꞌun na xiꞌin inka yuvi xaꞌa ña xa ra xiꞌin na, ra na ndiee ka ndatuꞌun va kuvi na.

San Mateo 9:30

Saa ra ndikun ndanuña ndixa va nuu ndia, ra vaꞌa ka vi ndakotoꞌni ndia, ra saa ndikaꞌan Jesús xiꞌin ndia kachi ra saa: ―Ndia nii yuvi ndatüꞌun ndo xiꞌin xaꞌa ña sandaꞌa yu ndoꞌo ―kachi ra.

San Marcos 6:11

Ra tu ndia ñuu xïin na ndakiꞌin mani na ndoꞌo, xiꞌin nii xïin na kunisoꞌo na ña kaꞌan ndo, saa ra kee ndo ñuu na, ra kuun ndo xaꞌa ndo na ko̱yo yaka ñuu na xaꞌa ndo, ra na kuu ña iin seña nuu na, ra na kundaa ini na ña kundasi na tuꞌun Ndioxi; ra saa ke ndoꞌo, ra köo ka kuachi ndo. Ra ña ndixa kaꞌan yu xiꞌin ndo, te na xaa kii sandaku Ndioxi kuachi na ñuu yuuvi yoꞌo, ra ndiee ni ka chee tundoꞌo taxi Ndioxi ndaꞌa na yuvi yoꞌo nuu na ñuu Sodoma, xiꞌin na ñuu Gomorra ―kachi Jesús xiꞌin ndia.

San Marcos 5:43

Ra ndikaꞌan ka vi Jesús xiꞌin na, ña na ndatüꞌun na xiꞌin ndia nii yuvi xaꞌa ña kuu yoꞌo. Saa xaꞌndia ra chiñu nuu na vasiꞌi ña loꞌo kan, ña na taxi na ña kuxi ña.

San Mateo 17:9

Ra saa te nandiko ndia vaxi nuu ndia iku kan, ra saa ndikaꞌan Jesús xiꞌin ndia kachi ra saa: ―Ndia nii na ndatüꞌun ndo xiꞌin xaꞌa ña xini ndo yoꞌo, chi ndia te na ndatiaku yuꞌu, ra xaa yoꞌo, vi ke kuvi ndatuꞌun ndo xiꞌin na xaꞌa ña ―kachi Jesús xiꞌin ndia.

San Mateo 10:18

Ra ndia nuu na chiñu naꞌnu na kuu gobierno xiꞌin na kuu rey va ke kuꞌun na xiꞌin ndo, ña taxi na kuachi xaꞌa ndo xaꞌa ña ndikun ndo yuꞌu; ra saa ke kuvi ndatuꞌun ndo xiꞌin na chiñu xaꞌa yu, ra saa ke kuvi tu ndatuꞌun ndo xiꞌin na xïni tuꞌun va yu.

San Mateo 6:1

’Ra te kuni ndo sa ndo iin ña vaꞌa xiꞌin na ndaꞌvi, ra na küni ndia nii yuvi ña sa ndo ña xiꞌin na, chi tu na kuni na, ña saniꞌi ndo ñaꞌa na ndaꞌvi, saa ra xaꞌa na satoꞌo na ndoꞌo xaꞌa chiñu ña xa va ndo; ra tu ña kuni ndo satoꞌo na ndoꞌo va ke xa ndo ña, saa ra köo ña vaꞌa saniꞌi vi Tata yo Ndioxi ra iyoo ndivi ndoꞌo.

San Mateo 5:17

Ra saa ndikaꞌan ka ra xiꞌin na kachi ra saa: ―Ndoꞌo, na ndee yoꞌo, ra ndakäni ini ndo, ña xaa yu sandiꞌi yu xaꞌa ndiayu Ndioxi ña tiaa ra Moisés, ra nii ña ^sañaꞌa na ndikaꞌan tuꞌun yuꞌu Ndioxi xinaꞌa växi yu sandiꞌi yu xaꞌa; chi ña xaa yu saxinu yu nuu va kuvi ña.

San Juan 8:50

Yuꞌu, ra ndïꞌi ini yu a xa toꞌo na yuꞌu a kuëe xa toꞌo na yuꞌu va, saa chi iyoo va iin ra kuni ña na sa toꞌo na yuꞌu, ra ra kan kuvi tu ra xandaku kuachi va.

San Juan 7:18

Saa chi ra kaꞌan ña ^ndaku ini mii, ra ña kuni ra ña na satoꞌo ni yuvi va ra ke kaꞌan ra; ndi su ra kuni ña na satoꞌo ni na ra tiꞌvi ñaꞌa vaxi ra, ra ña ndaa va kaꞌan ra, ra sandäꞌvi ra.

San Juan 5:41

’Yuꞌu ra xiniñüꞌu yu ña kaꞌan vaꞌa ni yuvi xaꞌa yu.

San Lucas 21:13

Ra saa ke kuvi ndatuꞌun ndo xaꞌa yu xiꞌin na.

San Marcos 8:30

Saa ndikaꞌan Jesús xiꞌin ndia kachi ra saa: ―Ndia nii yuvi ndatüꞌun ndo xiꞌin xaꞌa ña yoꞌo ―kachi ra xiꞌin ndia.

San Mateo 16:20

Ra saa xaꞌndia Jesús chiñu nuu ndia itaꞌan xiꞌin ra, ña na ndatüꞌun ndia xiꞌin ndia nii yuvi, ña kuu ra seꞌe Ndioxi, ra tiaku, ra ^xaa sakaku na yuuvi yoꞌo.

San Mateo 3:15

Ra saa ndakuiin Jesús kachi ra saa: ―Xiniñuꞌu na sakuchi va kun yuꞌu vichin, ra saa ke na saxinu yo nuu takundiꞌi chiñu ña xaꞌndia Ndioxi ―kachi Jesús xiꞌin ra. Ra saa vi ke sakuchi ra ra.

San Marcos 13:9

’Ra ndoꞌo, ra kondiaa ni ndo mii ndo; chi tiin na ndoꞌo ra kuꞌun ndo xiꞌin na nuu na chiñu, ra kuꞌun tu ndo xiꞌin na chi veꞌe ñuꞌu va, ra sandivaꞌa ni na xiꞌin ndo ra kani ni na ndoꞌo. Ra ndataxi na ndoꞌo ndaꞌa na chiñu naꞌnu xiꞌin na ku rey, na kunaꞌnu xaꞌndia chiñu xaꞌa ña ndikun ndo yuꞌu; ra saa ke kuvi ndatuꞌun ndo xaꞌa yu xiꞌin na.

San Marcos 3:12

Ra ndukueꞌe Jesús xiꞌin tachi ndivaꞌa kan, ña na käꞌan ña yo kuvi ra.

San Marcos 9:9

Ra te saa kuu ndia nandiko ndia vaxi nuu ndia iku kan, saa ndikaꞌan Jesús xiꞌin ndia ña na ndatüꞌun ndia xiꞌin ndia nii yuvi xaꞌa ña xini ndia kuu iku kan, chi ndiakua te na ndatiaku ra xaa yoꞌo vichin, ra saa vi ke kundaa ini na.

San Lucas 4:41

Ra kuaꞌa ni tu na kuu mii tachi ndivaꞌa, va nduvaꞌa xa Jesús, ra iin ndaꞌyu koꞌo ña ndivaꞌa kan ta kee ña, ra kachi ña saa: ―¡Yoꞌo, kuvi Seꞌe Ndioxi! ―kachi ña xiꞌin ra. Ra nditäxi ra kaꞌan ña xiꞌin ra, saa chi xa kundaa va ini ña, ña kuu ra Cristo.

San Lucas 8:56

Ra saa ndakanda ni ini na ivasiꞌi ña. Ra ndikaꞌan Jesús xiꞌin na, kachi ra saa: ―Ndia nii na ndatüꞌun ndo xiꞌin xaꞌa ña ndoꞌo ña loꞌo seꞌe ndo ―kachi ra xiꞌin na.

San Lucas 9:21

Ra ndikaꞌan ni Jesús xiꞌin ndia itaꞌan xiꞌin ra, ña na ndatüꞌun ndia xiꞌin ndia nii yuvi xaꞌa ña ndikaꞌan ra Pedro.