San Mateo 8:26 - Mixteco Metlatónoc

²⁶ Saa ndikaꞌan ra xiꞌin ndia kachi ra saa: ―¿Nichuun ndiee ni iyuꞌvi ndo? ¿Ra nichuun loꞌo ni ndiaa ini ndo yuꞌu? ―kachi ra xiꞌin ndia. Ra saa ndakoo ra, ra ndikaꞌan ra xiꞌin tachi ra ndikaꞌan tu ra xiꞌin tiakuii va, saa ra ndikun xikoyaa va ña, saa ra iin kuu taxin va.

San Mateo 8:26 Referans Kwoze

San Mateo 6:30

Ra tu nduvi ni sakundixi Ndioxi ita vali ña iyoo iku, ra vichin iyoo ña, ra tiaan xa ndachi va ña, saa ra ndakaya na ña ra xaꞌmi va na ña, ra kachi ka vi tu ndoꞌo, ¿a täxi ra ñaꞌa ña kumani nuu ndo ndaꞌa ndo tuvi ndo? ¿Nichuun ndiee ni ini ndo ña xïin ndo kandixa ndo Ndioxi?

Romanos 4:20

Ra nii ndixïka ini ra, ra nii kuëe ndixa uvi tu ini va ra, xaꞌa ña kindoo Ndioxi taxi ra ndaꞌa ra, chi ra ndiee ka xindiaa ini va kuvi ra Ndioxi, ra kandixa ni ka va ra ra, ra ndasakaꞌnu ra ra.

San Mateo 16:8

Ra kundaa va ini Jesús ña ^kaꞌan ndia xiꞌin taꞌan ndia, saa ndikaꞌan ra xiꞌin ndia kachi ra saa: ―¿Nichuun kaꞌan ndo xiꞌin taꞌan ndo ña köo ixta niꞌi ndo? ¡Ra nichuun ndaku ni ini ndo, ña xïin ndo kandixa ndo!

Apocalipsis 10:2

Ra ^niꞌi ra iin tutu loꞌo ra nuña nuu ña, ra te xiku ndichi ra, ra xani ra xaꞌa kuaꞌa ra nuu tiañuꞌu, ra xaꞌa ichin ra xani ra nuu ñuꞌú.

San Mateo 8:27

Saa ra ndakanda ka vi ini ndia, ra kachi ndia saa xaꞌa Jesús: ―¿Ni tiaa kuvi ra yoꞌo, ra ndia tachi xiꞌin tiañuꞌu yoꞌo ra kandixa va ra ña kaꞌan ra? ―kachi ndia.

San Mateo 17:20

Saa ndakuiin Jesús kachi ra saa xiꞌin ndia. ―Xaꞌa ña kuëe kandixa ndo Ndioxi va ke ndikuchüun ndo tava ndo ña. Ra ña ndixa kaꞌan yu xiꞌin ndo, chi tu ña kandixa ndo ra na koo ña ta kuꞌva iyoo iin ndikin loꞌo itun mostaza, saa ra kuvi va kaꞌan ndo xiꞌin iku kaa, kachi ndo saa: “Sakutiaꞌa mii kun, ra kuaꞌan ndakundichi kun inka xiyo”, kachi ndo xiꞌin ña, saa ra, saa sa ndixa va ña. Saa chi köo ña uꞌvi tu na kandixa ndo.

San Lucas 4:35

Saa ndukueꞌe Jesús xiꞌin tachi ndivaꞌa kan, ra kachi ra saa: ―¡Koo yaa yuꞌu kun! Ra saña tiaa ñaa ―kachi ra. Ra saa kùùn ña ndivaꞌa kan tiaa kan ndia nuu ñuꞌu, ra ke̱e ña kuaꞌan ña, ndi su kuëe nindoꞌo vaꞌa vi ra.