San Mateo 7:22 - Mixteco Metlatónoc

²² Ra te na xaa kii ña sandaku Ndioxi kuachi xiꞌin na ñuu yuuvi yoꞌo, ra kuaꞌa ni va na kaꞌan xiꞌin yu kii kan kachi na saa: “Tata, Tata, ¿nichuun ndaküꞌun nuu kun nduꞌu?, chi nduꞌu, ra xiꞌin kivi kun ndikaꞌan ndoso ndi tuꞌun Ndioxi nuu yuvi, ra xiꞌin kivi kun tava tu ndi tachi ndivaꞌa va, ra kuaꞌa ni tu ña xituꞌun va xa ndi xiꞌin kivi kun”, kachi na xiꞌin yu.

San Mateo 7:22 Referans Kwoze

2 Timoteo 1:12

Ra xaꞌa ña yoꞌo ke ndoꞌo yu ña ndikaa yu veꞌe kàà vichin va, ndi su kukäꞌan vi nuu yu, saa chi xa kundaa va ini yu yoo kuvi ra ndiaa ini yu, ra kundaa kaxi tu ini yu ña kuu mii ra ndiee ña sandutia ndoso ra tuꞌun ra ña sakuiso chiñu ra yuꞌu kaꞌan ndoso yu kuꞌun ña nuu iinii kuvi ña yuuvi va, ra kuni soꞌo na ña ndia kii ña nandiko mii ra kixi va ra.

2 Timoteo 4:8

Ra xaꞌa ña kan ke vichin, ra xa iyoo nduvi va iin ña vaꞌa, niꞌi yu, ra mii va Tata yo Jesucristo, ra ndaku ni xayukun kuachi kuvi ra taxi ña ndaꞌa yu te xa na nandiko ra kixi tuku ra; ra süvi takua yuꞌu kuvi ra niꞌi ña vaꞌa kan, chi niꞌi tu takundiꞌi yuvi na ndiatu ña kixi va ra ña.

San Juan 11:51

Ra ña ndikaꞌan ra Caifás tuꞌun yoꞌo, ra süvi xini mii ra ke ndikaku ña, chi xaꞌa ña kuu ra sutu, ra kuchee nuu takundiꞌi sutu kuiya kan va ke taxi Ndioxi tuꞌun yoꞌo ndaꞌa ra, ña vaꞌa ndikaꞌan ra, ña kuvi Jesús xaꞌa takundiꞌi na ñuu kan;

1 Tesalonicenses 5:4

Ndi su ndóꞌo̱, ra xa kundaa va ini ndo xaꞌa ña yoꞌo ñani yo, ra xaꞌa ña kan ke kuëe na ndakanda vi ini ndo, ta kuꞌva ^ndakanda ini yuvi ta kiꞌvi ra kuiꞌna veꞌe na, ta xa na nandiko Tata yo Jesucristo kixi ra.

San Lucas 10:12

Saa ndikaꞌan ka Jesús xiꞌin ndia, kachi ra saa: ―Ña ndaa kaꞌan yu xiꞌin ndo, chi kii ña sandaku Ndioxi kuachi na yuuvi yoꞌo, ra chee ni ka va ña ndoꞌo na ñuu nuu xïin na ndakiꞌin na tuꞌun Ndioxi vichin nuu na ñuu Sodoma, na sandiꞌi Ndioxi xaꞌa xinaꞌa ―kachi ra xiꞌin ndia.

San Mateo 25:11

Ra te ndiꞌi, saa xaa na siꞌi vali kuaan kiꞌvi kan, ra xa ndasi va yeꞌe, ra saa xaꞌa na kana na kachi na saa: “Tata, ndakuña yeꞌe nuu ndi, ndaꞌvi ni ndi”, kachi na.

San Mateo 24:36

’Ra ndia nii na kundäa ini ndia kii ke, ra ndia hora ke ndiko yu, chi ndia nii na tatun Ndioxi na iyoo ndivi ra kundäa ini na; ra nii yuꞌu, ra xaa yoꞌo, kundäa ini; chi indaa mituꞌun iva va yu kuvi ra xini ama ke kuu saa.

San Mateo 7:21

Ra saa ndikaꞌan ka ra kachi ra saa xiꞌin na: ―Ra süvi takundiꞌi na kaꞌan, “Tata, Tata”, xiꞌin yu kuvi na kuchuun kiꞌvi koo ndivi nuu xaꞌndia Tata yu Ndioxi chiñu, chi takua na kandixa ña kaꞌan ra, ra xanduvi na ña, ra na kan va kuvi na kuchuun kiꞌvi koo xiꞌin ra.

2 Timoteo 1:18

Ra mii Tata yo Jesucristo na kundaꞌvi ini kuni ra ñani yo, Onesíforo, te xa na xaa kii ña sayukun Tata yo Ndioxi kuachi xiꞌin na yuuvi yoꞌo. Ra xa kundaa tu ini mii va kun, chi chindiee taꞌan ni va ra xiꞌin yo te ndixiyo yu ñuu Éfeso ñaa.

2 Tesalonicenses 1:10

Ra kii ña kixi Tata yo Jesucristo ña ndukaꞌnu ra sa na yii, na kuu na ñuu va ra ke, kuu ña yoꞌo, ra kii kan ke ndakanda ni tu ini yuvi na xa ^kandixa kivi va ra, ra ndiaꞌvi ndiaa tu ndoꞌo va xiꞌin na kan, saa chi xiin va ndo kandixa ndo tuꞌun ña ndatuꞌun ndi xaꞌa ra xiꞌin ndo.

San Mateo 10:15

Ra ña ndixa ke kaꞌan yu xiꞌin ndo, chi te na xaa kii ña sandaku Ndioxi kuachi na yuuvi yoꞌo, ra chee ni ka tundoꞌo taxi Ndioxi ndaꞌa na yoꞌo, nuu na ñuu Sodoma xiꞌin na ñuu Gomorra na sandiꞌi Ndioxi xaꞌa xinaꞌa ―kachi Jesús xiꞌin ndia.