San Mateo 6:19 - Mixteco Metlatónoc

¹⁹ Ra saa ndikaꞌan ka Jesús xiꞌin na, kachi ra saa: ―Chiväꞌa ndo ña kuika nuu ña yuuvi yoꞌo, chi yoꞌo ra ^kíꞌvi va tikixin ña, ra kuxi va tu ña, saa ra ndiꞌi xaꞌa va ña, ra ^kíꞌvi tu na kuiꞌna va sakuiꞌna na ña.

San Mateo 6:19 Referans Kwoze

Hebreos 13:5

Ra na kotöo ni ndo ña koo kuaꞌa ni ka xuꞌun ndo; chi ña xiniñuꞌu sa ndo ke na kusii ini ndo xiꞌin ña xa iyoo nuu va ndo, saa chi Tata yo Ndioxi, ra suꞌva va ke kachi ra: “Ndia nii kii näa ini yu xaꞌa kun, ra ndakoo ndaꞌa yu yoꞌo”, kachi ra.

San Lucas 12:21

Ra saa ndikaꞌan Jesús xiꞌin yuvi, na xini soꞌo tuꞌun ndichi kan kachi ra saa: ―Ta ndoꞌo ra kuika yoꞌo, saa ke ndoꞌo yuvi, na chuvaꞌa ni ñaꞌa nuu ña yuuvi yoꞌo. Chi yoꞌo va ke kuika ni na, ndi su nuu Ndioxi ra na ndaꞌvi va kuvi na ―kachi Jesús.

San Lucas 18:22

Ra te ndiꞌi xini soꞌo Jesús ña ndikaꞌan ra, ra saa ndikaꞌan Jesús kachi ra saa xiꞌin ra: ―Iyoo ka va iin ña kumani nuu kun: Xiko takundiꞌi ñaꞌa ña iyoo nuu kun, ra ndataꞌvi kun xuꞌun xiꞌin na ndaꞌvi, ra saa ke taxi Ndioxi ña kuika ña iyoo ndivi ndaꞌa kun vaxi kii. Ra te xa na ndiꞌi, ra na kixi kun kundikun kun yuꞌu ―kachi Jesús xiꞌin ra.

1 Timoteo 6:17

Ra na ñani yo, na kuu na kuika iyoo xuꞌun nuu ña yuuvi yoꞌo, ra na kaꞌan kun xiꞌin na ña na kutiäa ni ini na xiꞌin xuꞌun na, ra nii na kundiäa ni tu ini va na ña, saa chi ña ndiꞌi xaꞌa va kuvi ña. Ra ña xiniñuꞌu sa na ke na kondiaa ini na Tata yo Ndioxi ra tiaku va, saa chi ra kan kuvi ra ^taxi takundiꞌi va ñaꞌa ña xamani nuu yo ña vaꞌa na kuniñuꞌu yo ña, ra kusii ni ini yo xiꞌin ña.

San Lucas 12:33

Ra na xiko ndo ñaꞌa ña kuu mii ndo, ra saa ke kuchuun ndo chindiee taꞌan ndo xiꞌin na xamani nuu. Ra na ndiꞌi ini ndo ña chuvaꞌa ndo ñaꞌa ndo ini ñaꞌa ña nduꞌu ndivi, ña kuëe ndiꞌi xaꞌa, nuu koo ña kuika ña kuëe ndiꞌi xaꞌa, ra nii ra kuiꞌna kuchüun sakuiꞌna ña, ra nii tikixin sandïꞌi xaꞌa ña.

San Lucas 18:24

Ra te xini Jesús ña kusuchi ni ini ra kuika kan, ra saa ndikaꞌan ra kachi ra saa: ―¡Tiaa ni uꞌvi kiꞌvi na kuika ndivi nuu xaꞌndia Ndioxi chiñu!

San Mateo 19:21

Ra saa ndakuiin Jesús kachi ra saa xiꞌin ra: ―Tu kuni kun ña kuu kun iin tiaa ra ndaku, saa ra kuaꞌan ra xiko kun takundiꞌi ñaꞌa ña iyoo nuu kun, ra saniꞌi kun xuꞌun na ndaꞌvi, ra saa ke kuu kun ra kuika ndivi nuu xaꞌndia Ndioxi chiñu, ra te ndiꞌi saa na kixi kun ra kundikun kun yuꞌu ―kachi Jesús xiꞌin ra.

San Mateo 6:20

Ña kan ke kaꞌan yu xiꞌin ndo, ña na chivaꞌa ndo ña kuika chi ndivi nuu ^kïꞌvi tikixin, ra nii küxi ña, ra nii ndïꞌi tu xaꞌa va ña, ra nii na kuiꞌna kïꞌvi ña sakuiꞌna na ña.

San Lucas 12:39

Ra saa sa tu iin tiaa ra iyoo veꞌe va, tu na kundaa ini ra ndia mii hora ke kiꞌvi ra kuiꞌna sakuiꞌna ra ñaꞌa ña iyoo veꞌe ra, saa ra kunduꞌu tuꞌva va ra kondiaa ñaꞌa ra; ra täxi ra kiꞌvi ra kuiꞌna veꞌe ra.