San Mateo 6:10 - Mixteco Metlatónoc

¹⁰ Ra na kixi kun kaꞌndia kun chiñu nuu ña yuuvi yoꞌo. Ra ta xa kun ndivi ke, na sa kun nuu ñuꞌu yoꞌo va.

San Mateo 6:10 Referans Kwoze

Hebreos 10:36

Ra ña xiniñuꞌu sa ndo kuvi ña, iin tuun saa na sa ndiee ini va ndo ña ndakundiee ndo sa ndo ña kuni Tata yo Ndioxi, ña vaꞌa na ndakiꞌin ndo takundiꞌi ñaꞌa ña kindoo ra taxi ra ndaꞌa ndo.

San Juan 4:34

Ra saa ndakuiin Jesús kachi ra saa xiꞌin ndia: ―Ñaꞌa ña xixi yu kuvi ña xa yu chiñu ña kuni Tata yu ra tiꞌvi yuꞌu vaxi va yu, xiꞌin ña saxinu yu chiñu ra.

San Mateo 26:42

Ra saa ndakiꞌin tuku Jesús kuaꞌan ra, kaꞌan ra xiꞌin Ndioxi ichi ña uvi, ra saa xaꞌa ra kaꞌan ra ^kachi ra saa: ―Tata, tu yuꞌu kuvi ra xiniñuꞌu ndoꞌo tundoꞌo yoꞌo, saa ra, na koo ta kuꞌva kuni mii va kun ―kachi ra.

San Mateo 12:50

Saa chi takundiꞌi yuvi na xanduvi ña kaꞌan Tata yu, ra nduꞌu ndivi va, kuvi na kuu ñani yu, xiꞌin kuꞌva yu, xiꞌin siꞌi yu ―kachi Jesús xiꞌin na.

1 Tesalonicenses 5:18

Ra na ndataxi ndo tixaꞌvi ndaꞌa Tata yo Ndioxi kii ña vaꞌa ni iyoo ndo, ra saa tu kii ña ndoꞌo ni ini va ndo, saa chi saa ke ^kuni Ndioxi sa va ndo ña kuu ndo na ndikun Cristo Jesús.

Romanos 12:2

Ra na kutiäku ka ndo, ta kuꞌva kuni mii ña yuuvi yoꞌo, chi ña xiniñuꞌu sa ndo ke na ndataxi ndo mii ndo ndaꞌa Ndioxi va, ra ndasama ra ña xini tuni ndo, ra saa ke vaꞌa kundaa ini ndo, ndia ña kuvi ña kuni ra sa ndo, ra ña kan kuvi chiñu vaꞌa, chiñu ndaku va.

San Juan 6:40

Ra ña kuni ra tiꞌvi yuꞌu vaxi yu ke: na ndoñüꞌu takundiꞌi yuvi na xitoꞌni nuu yu ra kandixa na yuꞌu, ra na kan kuvi na kutiaku ndia ndikaa ndikuꞌun; ra yuꞌu kuvi ra sandatiaku ñaꞌa kii ña vaxi ―kachi ra.

Colosenses 1:9

Xaꞌa ña kan ke, ta sakan kundaa ini vi ndi ke xaꞌa ndi ña kaꞌan ni ndi xiꞌin Tata yo Ndioxi xaꞌa ndo, ra kaꞌan tu ndi xiꞌin ra ña na taxi ra ña xinituni ndo, ña kundaa vaꞌa ini ndo xaꞌa ña kuni mii va ra, ra na taxi tu ra takundiꞌi nuu ña ndichi va ndaꞌa ndo, xiꞌin ña xinituni, ña taxi mii ra.

Efesios 6:6

Ra ndinuni ni va na sachiñu ndo nuu na kuu xitoꞌo ndo, ra süvi takua ta ndita na xitoꞌni vi na ke na sachiñu ndo, ña kindoo vaꞌa ndo xiꞌin na, chi ña kuu ndo na ndikun Tata yo Jesucristo. Ra xiꞌin ndinuni nima va ndo, na sa ndo ña kuni Tata yo Ndioxi.

San Mateo 7:21

Ra saa ndikaꞌan ka ra kachi ra saa xiꞌin na: ―Ra süvi takundiꞌi na kaꞌan, “Tata, Tata”, xiꞌin yu kuvi na kuchuun kiꞌvi koo ndivi nuu xaꞌndia Tata yu Ndioxi chiñu, chi takua na kandixa ña kaꞌan ra, ra xanduvi na ña, ra na kan va kuvi na kuchuun kiꞌvi koo xiꞌin ra.

1 San Pedro 2:15

Chi ña kuni Tata yo Ndioxi ke na sa ndo chiñu vaꞌa va, ra saa ke nïꞌi yuvi kiꞌvi na xïin kundaa ini xaꞌa ña ndaa, ña kaꞌan kiꞌvi na xaꞌa ndo.

Hebreos 13:21

ra mii ra kuvi tu ra na sañaꞌa ndoꞌo xiꞌin takundiꞌi ña kumani nuu va ndo, ña vaꞌa na sa ndo ña kuni ra. Ra xaꞌa ña xa Tata yo Jesucristo kuvi ña na sañaꞌa Tata yo Ndioxi ndoꞌo takundiꞌi chiñu vaꞌa ña kusii ini mii ra xiꞌin. ¡Ra ra kaꞌnu ni na kuu Tata yo Jesucristo ndia ndikaa ndikuꞌun! Saa koo.

San Mateo 3:2

ra kachi ra saa: ―Nandiko ini ndo xaꞌa kuachi ndo, ra ndakiꞌin ndo ichi Ndioxi, chi xa kuyachin ni ña kaꞌndia Ndioxi chiñu ―*kachi ra.

San Lucas 22:42

kachi ra saa: ―Tata, tu kuni kun, ra na täxi kun ña ndoꞌo yu. Ndi su na köo ña kuni yuꞌu, chi na sa kun ña kuni mii va va kun ―^kachi ra.

San Juan 7:17

Ra na kuni sa ña kaꞌan Ndioxi, ra ndakuni va na a ndixa Ndioxi ku ra taxi ña sañaꞌa yu, a ña sandaku ini mii va yu kuvi ña.

Apocalipsis 19:6

Ra saa xini soꞌo yu ña níꞌi yuꞌu iin tachi ra iin ta kuꞌva kuu yuꞌu iin tiꞌvi chee yuvi ke kuu, ra iin ta kuꞌva kuu tu ña niꞌi yuꞌu iin nami chee va tu ke kuu; ra iin ta kuꞌva kuu ta koyo taxa va tu ke kuu, ra ^kachi ña saa: ¡Ra kaꞌnu kuvi Iva yo Ndioxi, ra kuu mii takundiꞌi ndiee, saa chi ndakiꞌin ra ña kaꞌndia ra chiñu!

1 Tesalonicenses 4:3

Ra ña kuni Tata yo Ndioxi kuvi ña na kuu ndo na yii nuu va ra, ra xaꞌa ña kan ke na kïꞌvi tiaa xiꞌin ndia ndia ka na siꞌi tu süvi yasiꞌi ndia kuvi na, ra saa tu na siꞌi va, na kïꞌvi na xiꞌin ndia ndia ka tiaa tu süvi yii na kuvi ndia.

Hechos 21:14

Ra vaꞌa ni ndikaꞌan ni va ndi xiꞌin ra, ndi su ndikuchüun vi ndi ña saxinu ndi ini ra, ndia saa ra ndikaꞌan ndi xiꞌin ra, kachi ndi suꞌva va: ―Na koo ña kuni mii Tata yo Jesús va ―kachi ndi.

Hechos 13:22

Ra ta kindiaa Ndioxi chiñu ndaꞌa ra rey Saúl, ra ndataxi ra ndiayu ndaꞌa ra David ña nduu ra rey, ra saa ndikaꞌan ra xaꞌa ra, kachi ra saa: “Ra David, seꞌe ra Isaí, kuvi iin tiaa ra vaꞌa, ra xani ini ta kuꞌva xani ini yu, ra ra kan kuvi ra sanduvi takundiꞌi chiñu ña kuni yu”, kachi ra.

San Mateo 4:17

Ra kii kan xaꞌa Jesús kaꞌan ndoso ra tuꞌun Ndioxi nuu yuvi, kachi ra saa: ―Nandiko ini ndo xaꞌa kuachi ndo ra ndakiꞌin ndo ichi Ndioxi, chi xa kuyachin va ra ña kaꞌndia ra chiñu nuu ndo ―*kachi ra xiꞌin na.

Apocalipsis 12:10

Ra saa xini soꞌo yu ña ndiee ka vi ndikaꞌan iin tachi chi ndivi kachi ña saa: ―Vichin ke ndixaa kii ña ^sakaku Iva yo Ndioxi na ñuu ra, ra ^ndañaꞌa ra ndiee ra ña kuu ra Rey ra kaꞌnu, ra ^xaꞌndia tu Jesús, ra ndikaxin va ra chiñu nuu takundiꞌi na yuuvi. Saa chi vichin ra xa ndakava va ri ñaꞌa ri ixiko taꞌan xiꞌin na ñani yo nuu Ndioxi ñuu kaꞌñu.

1 San Pedro 4:2

ña vaꞌa na kutiaku ndo sa ndo ña kuni Tata yo Ndioxi kii ña taxi ka ra kutiaku ndo, ra saa tu ña ndakoo ndo ña xa ndo chiñu kiꞌvi ña kotoo ni iki kuñu ndo sa va ña.

Hebreos 10:7

Ra xaꞌa ña yoꞌo kuvi ña ndikaꞌan yu kachi yu suꞌva: “Yoꞌo xaa yu ña sa yu ña kuni mii kun, Tata Ndioxi, ra saa kuvi tu ña ^kachi ndiayu kun ña ndikaꞌyu xaꞌa yu te yachi va”, kachi Tata yo Jesucristo xiꞌin Tata yo Ndioxi.

San Lucas 19:38

Ra xaꞌa na ndaꞌyu na kachi na saa: ―¡Ra ña vaꞌa na koo xiꞌin yoꞌo, ra vaxi xiꞌin kivi Tata yo Ndioxi! ¡Ra ña kaꞌnu, xiꞌin ña vaꞌa na koo xiꞌin na iyoo ndivi! ―kachi na.

San Marcos 3:35

Chi takundiꞌi na xanduvi ña kaꞌan Ndioxi va kuvi ñani yu, xiꞌin kuꞌva yu, xiꞌin siꞌi yu ―kachi ra xiꞌin na.

San Mateo 16:28

Ra ña ndixa ke kaꞌan yu xiꞌin ndoꞌo, ndia ndee yoꞌo vichin, chi saa kúú tiaku ka va ndo, ra kuni nuu va ndo ña xaꞌa yuꞌu, ra xaa yoꞌo ña kaꞌndia yu chiñu ―kachi Jesús xiꞌin ndia.

San Marcos 11:10

Kaꞌnu ni ra yoꞌo, chin ra yoꞌo kuvi ra kuu rey ra kaꞌndia chiñu nuu yo, chi ra yoꞌo ku ra ndakiꞌin nuu xii xikua yo David, ra xikuu rey, ra ra kaꞌnu ni ku Iva yo Ndioxi ra nduꞌu ndivi ―kachi na.

Apocalipsis 11:15

Ra te tivi ra tatun Ndioxi ra uxa kan itun tu niꞌi ra, saa ra iin niniꞌi tiaku kaꞌan na chi ndivi, ra kachi na saa: Iinii saa nuu ^xaꞌndia na yuuvi chiñu, ra xa kuenda Iva yo Ndioxi va nduu ña xiꞌin Jesucristo, ra kaꞌndia ra chiñu nuu iinii saa ña yuuvi iin ndisaa kii, iin ndisaa tiempo, ndia ndikaa ndikuꞌun, ^kachi na.

Apocalipsis 20:4

Ra te ndiꞌi, saa xini yu ndita tiayu naꞌnu tu ^ndee na, na ndakiꞌin ndiayu ña ^sayuku na kuachi. Ra saa xini tu yu na xaꞌni na xaꞌa ña tuun ni xindikun na Jesucristo, xiꞌin xaꞌa ña kandixa na tuꞌun Ndioxi; ra nii ndikañüꞌu na kiti chee ñàꞌa kan, ra nii naꞌna ri, ra nii tuni ri ndiñäni tiaan na xiꞌin nii ndaꞌa na; ra ndatiaku va na xini yu, ra ndakiꞌin na ña kaꞌndia na chiñu xiꞌin Jesús mil kuiya.

Hebreos 1:14

Ra takundiꞌi na tatun Tata yo Ndioxi, ra takua nuu va ra ke xachiñu na, ra tiꞌvi tu ra na kuaꞌan na ña chindiee taꞌan na xiꞌin yuvi na xiniñuꞌu kaku va.

Colosenses 1:13

Ra suvi mii ra kuvi tu ra saña ndika yoo nuu ndiee ña iyoo nuu ñaa va, ra ndachindee ra yoo nuu xaꞌndia chiñu seꞌe ra, ra kuꞌvi ni ini ra xini ra.

San Lucas 19:11

Ra nani saa kuu yuvi kan xini soꞌo na ña ndatuꞌun Jesús xiꞌin na ña kuaꞌan na ichi kan, ra ta xa kuyachin ra xiꞌin na nuu ñuu Jerusalén kan, ra saa ndikaꞌan ra inka tuꞌun ndichi xiꞌin na, saa chi xaꞌa na ndakani ini na kaꞌan na saa: “Xa ninumi ni va kaꞌndia Ndioxi chiñu nuu yo”, kaꞌan na.

Hechos 22:14

Ra saa ndikaꞌan ra xiꞌin yu kachi ra saa: “Ndioxi ra xindikun na xii xikua yo xinaꞌa kuvi ra ndikaxin yoꞌo ña sa kun ña kuni ra, ña kuni tu kun Jesús, ra vaꞌa, ra kuni soꞌo kun tuꞌun ra.