San Mateo 6:1 - Mixteco Metlatónoc

¹ ’Ra te kuni ndo sa ndo iin ña vaꞌa xiꞌin na ndaꞌvi, ra na küni ndia nii yuvi ña sa ndo ña xiꞌin na, chi tu na kuni na, ña saniꞌi ndo ñaꞌa na ndaꞌvi, saa ra xaꞌa na satoꞌo na ndoꞌo xaꞌa chiñu ña xa va ndo; ra tu ña kuni ndo satoꞌo na ndoꞌo va ke xa ndo ña, saa ra köo ña vaꞌa saniꞌi vi Tata yo Ndioxi ra iyoo ndivi ndoꞌo.

San Mateo 6:1 Referans Kwoze

San Mateo 23:5

Ra takundiꞌi chiñu ña xa ndia, ra süvi ña xatoꞌo ndia Ndioxi ke xa ndia ña, chi ña kuni ndia kindoo vaꞌa ni ndia nuu na ñuu va ke xa ndia ña. Ra xaꞌa ña kan ke iin niꞌi savi ndia tutu ña ndoso tuꞌun Ndioxi nuu xika ndia, ra ndia nuu tikoto ndia xiꞌin tiaan va ndia ndee tuꞌun Ndioxi xika ndia, ra xinisii ni tu ndia kundixi ndia tikoto ña nani ni iꞌva yuꞌu va ña vaꞌa na kuni yuvi ra kaꞌan na xaꞌa ndia, ña ndinuni ni ndikun ndia Ndioxi.

San Juan 12:43

Saa chi kuni ka va na, ña na kaꞌan vaꞌa ni na yuuvi yoꞌo xaꞌa na, nuu ña kaꞌan vaꞌa Ndioxi xaꞌa na.

Hebreos 6:10

Ra Tata yo Ndioxi, ra ra vaꞌa va kuvi ra; ra näa vi ini ra xaꞌa ña xa nduxa ni ndo ña xachiñu ndo nuu ra, ra saa tu ña ^ndakundiee ka ndo xachiñu ndo nuu ra vichin va, ña ^chindiee taꞌan ndo xiꞌin na veꞌe ñuꞌu, xaꞌa ña ^ndañaꞌa ndo mii ndo ña kuꞌvi ni ini ndo xini ndo na.

San Lucas 16:15

Ra saa ndikaꞌan Jesús xiꞌin ndia fariseo kan kachi ra saa: ―Ndoꞌo, ra nuu yuvi yoꞌo va ke ndasa vaꞌa ni ndo mii ndo, ndi su Ndioxi, ra xini va ra ndixaa ke iyoo nima ndo. Ra ñaꞌa ña chee ni nuu na yuuvi yoꞌo, ra ña kundasi va Ndioxi kuvi ña ―kachi ra xiꞌin ndia.

Gálatas 6:12

Ra yuvi na xa nduxa xiꞌin ndo ña na tiaꞌndia iki kuñu ndo, ra xaꞌa ña kuni na kindoo vaꞌa na nuu yuvi va kuvi ña, ^xa na saa, ra nii küni tu na ña ndoꞌo na xaꞌa ña kaka na kaꞌan ndoso na tuꞌun vaꞌa xaꞌa Cristo ña ndixiꞌi ra ndika cruz va.

San Juan 5:44

¿Ra ni ke sa ndo ña vaꞌa kandixa ndo tuvi ndo, tu niña ndo ndasakaꞌnu taꞌan mii va kuvi ndo, ra xïin ndo nanduku ndo ña kaꞌnu ña taxi indaa Ndioxi ra tiaku?

2 San Juan 1:8

Ra na kondiaa ni ndo mii ndo nuu yuvi na xa saa kan, ra na täxi ndo ña sandaꞌvi na ndoꞌo, ña vaꞌa na sandoñüꞌu ndo kuiꞌi ña taxi ndiee ña chikaa ndi xiꞌin ndo, chi xiniñuꞌu na ndakiꞌin ndo takundiꞌi va ñaꞌa ña niꞌi ndo.

San Marcos 8:15

Saa xaꞌndia Jesús chiñu nuu ndia ra kachi ra saa: ―Toꞌni ndo, ra kuenda ni koo ndo xiꞌin ixan iyá ña kuu ndavi na fariseo ra saa tu ra Herodes va ―kachi ra xiꞌin ndia.

San Mateo 6:16

Ra saa ndikaꞌan ka ra xiꞌin na kachi ra saa: ―Te iyoo suꞌun ndo ña xïxi ndo, ra na ndañäꞌa ndo mii ndo ña kuvita ini ndo ta kuꞌva xa na chiꞌña tuꞌun, chi na kan, ra iin ndanama chuun na nuu na, ña kuni na kuni yuvi ña iyoo suꞌun na ña xïxi na. Ra ña ndixa ke kaꞌan yu xiꞌin ndo, chi na xa saa kan, ra xa ña kan kuvi yaꞌvi va na, ra köo ka ñaꞌa taxi Ndioxi ndaꞌa vi na.

San Mateo 16:6

Ra saa ndikaꞌan Jesús xiꞌin ndia kachi ra saa: ―Kotoꞌni ndo, ra kuenda ni koo ndo xiꞌin ixan iyá ña kuu ndavi ndia fariseo, ra saa tu xiꞌin ndia saduceo va ―kachi ra xiꞌin ndia.

San Lucas 12:15

Ra saa xitoꞌni Jesús nuu yuvi na ndee kan, ra ndikaꞌan ra xiꞌin na kachi ra saa: ―Kuenda ni koo ndo, ra kotöo ndo koo kuaꞌa ni ñaꞌa ndo. Chi vaꞌa ni na koo kuaꞌa ni va ñaꞌa ndo, ndi su süvi ña kan kuvi ña taxi ña tiaku ndo nuu ña yuuvi yoꞌo ―kachi ra xiꞌin na.

San Mateo 5:48

Ña kan ke ndakú ni na koo nima ndo, ra ndia ta kuꞌva iyoo mii Tata yo Ndioxi ra nduꞌu ndiví ninu va ke, na koo ndo; chi ra kan ra vaꞌa ni ra; ra niña ña ndakú va ^xa ra ―kachi Jesús xiꞌin na.

San Mateo 5:16

Ra saa ke na koo tu ndoꞌo va, ña kuyeꞌe ndo nuu na yuuvi yoꞌo, ra kuni na takundiꞌi ña vaꞌa ña xa ndo, ra ndasakaꞌnu na Tata yo Ndioxi ra iyoo ndivi ―kachi Jesús xiꞌin na.

San Lucas 11:35

Ña kan ke na kiꞌin ni ndo kuenda xiꞌin mii ndo xiꞌin ñuꞌu ña yeꞌe nuu ndo; chi koto ndaꞌva ña, ra kuñaa ndiꞌi nuu iki kuñu ndo.

San Lucas 12:1

Ra sakan saa kuu ndia, ra saa kuaꞌa ka vi mil yuvi ndakaya, ra iin ndiakua chindaꞌni taꞌan na. Ra saa xaꞌa Jesús kaꞌan ra xiꞌin ndia itaꞌan xiꞌin ra kachi ra saa: ―Kuenda ni koo ndo xiꞌin ndia fariseo. Saa chi ta iyoo ixan iyá ña kuu ndavi ña kee̱ xiꞌin xita vaꞌa, va ke iyoo ndia. Saa chi kaꞌan ndia xaꞌa ña vaꞌa, ra xa tu ndia ña väꞌa va.

San Mateo 25:40

Ra saa ndakuiin yuꞌu, ra kuu Rey, kachi yu saa xiꞌin na: “Ña ndixa kaꞌan yu xiꞌin ndo, saa chi takundiꞌi ña vaꞌa, ña xa ndo xiꞌin na ndaꞌvi na ndee nuu ña yuuvi yoꞌo, na kuu ñani yu, ra süvi xiꞌin na kan ke ndixa ndo ña, chi xiꞌin yuꞌu va ke xa ndo ña”, kachi yu xiꞌin na.

San Mateo 5:46

Ra tu kuꞌvi ini ndo xini ndo takua na kuꞌvi ini xini ndoꞌo va, saa ra köo yaꞌvi ndiaa vi ña nuu Ndioxi, chi saa xa tu na yuvi na kuëe kandixa Ndioxi va.

San Mateo 23:13

’Ra ndaꞌvi ni ndoꞌo, ndia maestro sañaꞌa ndiayu Ndioxi ña ndakoo ra Moisés, xiꞌin ndoꞌo ndia fariseo, saa chi chiꞌña ni tuꞌun ndo, ra ndasi ndo yeꞌe ña kuu ichi nuu xaꞌndia Ndioxi chiñu, ra täxi ndo kiꞌvi yuvi, ra nii mii tu ndo xïin kiꞌvi va, ra na kuni kiꞌvi, ra nii täxi tu ndo kiꞌvi na kan va.

San Mateo 6:9

Ña kan ke te kaꞌan ndoꞌo xiꞌin Ndioxi ra suꞌva va na kachi ndo xiꞌin ra: Tata ndi, ra iyoo ndiví, ña yii ni na kuu kivi kun.

Hebreos 2:1

Ra xaꞌa ña kan ke xiniñuꞌu ni va na kundaa vaꞌa ini yo xaꞌa tuꞌun ña ndaa ña xa xini soꞌo yo, ña vaꞌa na ndaköo yo ña ndikun yo ichi Tata yo Ndioxi.

Hebreos 11:26

Ra xaꞌa ña kan ke kindoo ka va ini ra ña ndoꞌo ra ta kuꞌva ndoꞌo Tata yo Jesucristo, nuu ña ^kuu ra ra kuika xiꞌin takundiꞌi ñaꞌa ña iyoo Egipto; saa chi ña xindiatu ra ndakiꞌin ra kuvi ña vaꞌa ña niꞌi ra nuu Tata yo Ndioxi va.

San Mateo 16:27

Chi yuꞌu, ra xaa yoꞌo vichin, ra ndiko yu kixi yu xiꞌin ndiee Tata yu, xiꞌin na tatun ra, ra saa ke ndachaꞌvi yu ta iin ta iin na yuuvi yoꞌo xaꞌa chiñu ña ^xa na, ra ta kuꞌva iyoo mii chiñu ña ^xa na, saa ke koo tu yaꞌvi na sa va yu.

Hechos 3:12

Ra ta xini ra Pedro ña ndixaa ni yuvi nuu ndita ndia, ra saa ndikaꞌan ra xiꞌin na kachi ra saa: ―Na taꞌan yo Israel, ¿nichuun ke ^ndakanda ni ini ndo xíní ndo nduꞌu xaꞌa ña ndu̱vaꞌa tiaa yoꞌo? ¿Ra nichuun ke xitoꞌni ni ndo nuu ndi ra a nduꞌu va kuvi ndia yii, ndia iyoo ndiee ña sandaꞌa ndi ra, ra vaꞌa ndakaka ra, tuvi ndo? Ra na kundaa ini ndo chi süvi nduꞌu kuvi ndia ndisandaꞌa ra.