San Mateo 5:48 - Mixteco Metlatónoc

⁴⁸ Ña kan ke ndakú ni na koo nima ndo, ra ndia ta kuꞌva iyoo mii Tata yo Ndioxi ra nduꞌu ndiví ninu va ke, na koo ndo; chi ra kan ra vaꞌa ni ra; ra niña ña ndakú va ^xa ra ―kachi Jesús xiꞌin na.

San Mateo 5:48 Referans Kwoze

Santiago 1:4

Ra tu na nandïko ini ndo nuu tundoꞌo ña vaxi nuu ndo, ra saa ke kuchuun ndo xaa ndo nduu ndo ta kuꞌva kuni mii Tata yo Ndioxi, ña kuu ndo iin yuvi xixa, na xa chiñu vaꞌa, na xamäni ndia nii ñaꞌa nuu.

San Lucas 6:36

Ra na kundaꞌvi ini ndo kuni taꞌan ndo, ta kuꞌva kundaꞌvi ini Ndioxi xini ra ndoꞌo.

Colosenses 1:28

Ra xaꞌa Jesucristo ke kaꞌan ndoso va ndi. Ra ^ndataxi tu ndi xini takundiꞌi va yuvi, ra ^sañaꞌa tu ndi na xiꞌin ña ndichi va, ña vaꞌa na koo ndakú nima takundiꞌi na xa nduu iin xiꞌin Tata yo Jesucristo, ta xa na xaa na nuu Tata yo Ndioxi.

1 San Juan 3:3

Ra takundiꞌi yuvi na ndiatu ña kuu ña yoꞌo, ra ña ^xa na ke xa nduxa va na ña xïin ka na ña sa na chiñu kiꞌvi va, saa chi Tata yo Jesucristo, ra köo ña yakua kuu mii ra.

2 Corintios 7:1

Ra ña xa kuu mii yo takundiꞌi ña kindoo Ndioxi xiꞌin yo vichin, ñani yo, ra na sayäkua yo mii yo xiꞌin ndia ndia ka ñaꞌa, ña kuvi sayakua nima yo, xiꞌin iki kuñu yo; chi ña xiniñuꞌu sa yo ke na satoꞌo yo Ndioxi va, ra saa ke vaꞌa nduu yo yuvi na yii nuu ra.

San Lucas 6:40

Ra ndia nii na sakan sakuaꞌa ra küvi sa chee na nuu maestro na, chi na sakan kutuꞌva va kuvi na. Ra ndia na ndiꞌi kaꞌvi na, saa vi ke xinu na koo na ta kuꞌva iyoo maestro na.

San Mateo 5:16

Ra saa ke na koo tu ndoꞌo va, ña kuyeꞌe ndo nuu na yuuvi yoꞌo, ra kuni na takundiꞌi ña vaꞌa ña xa ndo, ra ndasakaꞌnu na Tata yo Ndioxi ra iyoo ndivi ―kachi Jesús xiꞌin na.

San Mateo 5:45

Ra saa ke ndañaꞌa ndo mii ndo ña ndixa ke kuu ndo seꞌe Ndioxi ra iyoo ndivi, chi ra kan kuvi ra ^taxi kanata ñuꞌu ra tuun ña sata na vaꞌa xiꞌin na väꞌa va, ra ^taxi tu ra kuun savi sata na vaꞌa xiꞌin na väꞌa va.

Colosenses 4:12

Ra ^tiꞌvi tu ra Epafras, ra ñuu va ndo tuꞌun ndioxi kuxaa ña nuu ndo, ra ^xachiñu tu ra yoꞌo va nuu Cristo. Ra iin takundiꞌi va kii kaꞌan ra xiꞌin Ndioxi xaꞌa ndo, ra xaku ndaꞌvi ra nuu ra xaꞌa ndo, ña vaꞌa na chindiee taꞌan ra xiꞌin ndo, ña vaꞌa ndinuni ni na kundikun ndo Cristo, ra saxinu ndo takundiꞌi ña kuni Tata yo Ndioxi.

2 Corintios 13:9

Ra kusii ni va ini ndi xaꞌa ña ndakani ini ndo ña iyoo ndi ta kuꞌva iyoo yuvi na vita, tu xaꞌa ña kan kuvi ña ndañaꞌa ndo mii ndo, ña kuu ndo yuvi na ndinuni ndikun Ndioxi, ra vaꞌa va, chi ña kaꞌan ndi xiꞌin Ndioxi xaꞌa ndo kuvi ña na kuxixa vaꞌa ka ini ndo xiꞌin tuꞌun va ra.

2 Corintios 13:11

Ña yoꞌo kuvi takundiꞌi va ña kaꞌan yu xiꞌin ndo, ñani mii yu. Ra yoꞌo ke indiayu taꞌan yu xiꞌin ndo, ra na kusii ini ndo, ra na sa nduxa ndo ña xaa ndo kuu ndo ta kuꞌva iyoo yuvi na köo kuachi nuu Ndioxi. Ra na sa ndo ña kaꞌan yu xiꞌin va ndo, ra iin tuꞌun va na kuu ndo, ra vivii va na kundee ndo xiꞌin taꞌan ndo. Ra saa ke vaꞌa kuiin Tata yo Ndioxi, ra taxi ña vaꞌa, xiꞌin ña kuꞌvi ini, xiꞌin ndo.

Efesios 3:1

Ra xaꞌa ña vaꞌa ña xa Cristo xaꞌa va yo kuvi ña kaꞌan ni yu xiꞌin Ndioxi xaꞌa ndo ndia mii ini veꞌe kàà nuu ndikaa yu xaꞌa ña ndikun yu Cristo. Ra ña ndoꞌo ni yu vichin, ra xaꞌa ña ^kuni yu ndachikaa yu tuꞌun ndiee ini xiꞌin ndoꞌo na küu judío va kuvi ña.

San Mateo 5:47

Ra tu xatoꞌo ndo takua na ndikun Ndioxi xiꞌin va ndo, saa ra köo yaꞌvi ndiaa vi ña nuu Ndioxi, chi saa xa tu yuvi na xïni ichi Ndioxi va.