San Mateo 5:30 - Mixteco Metlatónoc

³⁰ Ra tu ndaꞌa kuaꞌa kun ke kuni sandakava yoꞌo ña sa kun kuachi, saa ra vaꞌa ka va ke na kaꞌndia kun ña, ra sakana kun ña, chi vaꞌa ka va ke na sandoñuꞌu kun iin xiyo iki kuñu kun, nuu ña kuꞌun iinii saa kun ndiaya ―kachi Jesús xiꞌin na.

San Mateo 5:30 Referans Kwoze

San Marcos 9:43

Saa ndikaꞌan ka ra kachi ra saa: ―Tu ndaꞌa ndo kuvi ña ku mii kuachi sandakava ña ndóꞌo̱ ña sa ndo kuachi, saa ra kaꞌndia ndo ña, saa chi vaꞌa ka va ke na kiꞌvi ndo nuu kutiaku ndo iin ndisaa kii xiꞌin iin xiyo ndaꞌa ndo, nuu ña kuꞌun ndo ndiaya xiꞌin uvi saa ndaꞌa ndo nuu xixi̱ ñùꞌù, ñuu kaꞌñu, ra ndäꞌva ña,

San Mateo 5:29

’Ña kan ke tu iin xiyo nduchi nuu kuaꞌa kun, ra kuni ña sandakava ña yoꞌo, ña sa kun kuachi, saa ra vaꞌa ka va na tava kun ña, ra sakana kun ña; chi vaꞌa ka va ke na sandiꞌi kun xaꞌa iin xiyo nduchi nuu kun, nuu ña kuꞌun iinii saa kun ndiaya.

1 San Pedro 2:8

Ra yoꞌo kuvi tu ña ^xinu nuu tuꞌun Tata yo Ndioxi ña kachi suꞌva va: Ra kuu tu ña iin yuu ña sakakiꞌi yuvi va, ra kuu tu ña iin kava ña sanduva yuvi va. Ra yuvi na ndixïin kandixa tuꞌun Tata yo Ndioxi, ra sakakiꞌi va ña na, saa chi xa saa ndiniꞌi taꞌvi na koo va na.

1 Corintios 8:13

Ra ña kan ke, tu xaꞌa ña xixi yu kuñu ña soko na nuu ndioxi ndii va ke sakoyo yu na ñani yo na iyoo vita ini ña sa na kuachi, saa ra na käxi vaꞌa ka vi yu ña, ra saa ke vaꞌa na sä na ñani yo kuachi.

San Lucas 17:2

Ra vaꞌa ka va yachi na kunuꞌni iin yuu katia chee ña ndiko ñaꞌa sukun na, ra koꞌni na na ini mini, nuu ña sandaꞌvi na iin na vali ndikun sata yu, ña sa na kuachi.

San Mateo 13:21

Ndi su kuëe kunu ndoꞌni tioꞌo ña nima na, ra loꞌo ni va kii kandixa na, saa ra te xaꞌa tixuꞌvi na, a te vaxi tundoꞌo nuu na xaꞌa ña ^ndíku̱n na ichi Ndioxi, saa ra ndikun ndiko ini va na.

San Lucas 12:5

Ra na kaꞌan yu xiꞌin ndo ra kundaa ini ndo yoo kuvi na xiniñuꞌu yuꞌvi ndo kuni ndo: ra ra yuꞌvi ndo kuni ndo kuvi Ndioxi, saa chi ra kan kuvi ra iyoo ndiayu ndaꞌa ña kindiaa ra ña tiaku ndo, ra te ndiꞌi, ra iyoo tu ndiayu ndaꞌa ra ña chikaa ra nima ndo ndiaya va. Ra ra kan va kuvi ra na yuꞌvi ndo kuni ndo.

Gálatas 5:11

Ñani yo, tu na kaꞌan ndoso yu ña xiniñuꞌu tiaꞌndia va iki kuñu takundiꞌi tiaa, saa ra, na saa ini xini yuꞌu, ra täxi vi na yuꞌu, ra nii saa tu na xiꞌin va yu tu na käꞌan ndoso yu tuꞌun vaꞌa xaꞌa Cristo ña xitakaa ra ndika cruz va.

Romanos 9:33

Ta kuꞌva kachi mii tuꞌun Ndioxi ña tiaa na ta yachi, ña ^kachi suꞌva: Na kundaa ini ndo, chi ^tiꞌvi yu iin tiaa, ra xaa ra ñuu Jerusalén, ra ta kuꞌva iyoo yuu ña sakakiꞌi yuvi, a ña sanduva yuvi va ke koo ra, Ra yuvi na kandixa tiaa kan, ra ndakäva vi ini na kan, saa chi ndaköo ndaꞌa ra na, ^kachi ña.

San Mateo 26:31

Ra saa ndikaꞌan Jesús xiꞌin ndia kachi ra saa: ―Ñuu vichin ra yuꞌvi takundiꞌi va ndo, ra ndakoo mituꞌun va ndo yuꞌu, chi saa kachi tuꞌun Ndioxi: “Kuvi ra kuu paxto, ra ndutia ndiꞌi va ndikachi kuꞌun ri” ―kachi ña.

San Mateo 22:13

Ra saa ndikaꞌan ra rey kan xiꞌin na xachiñu nuu ra kachi ra saa: “Tiin ndo ra, ra chikuꞌni ndo xaꞌa ra xiꞌin ndaꞌa ra, ra sakoꞌni ndo ra chi keꞌe, chi nuu ñaa, ra ikan ke kuaku ni ra, ra iin ndiakua ndakaxi nùꞌù ra”, kachi ra rey kan, kachi tuꞌun ndichi yoꞌo ―kachi Jesús xiꞌin na.

San Mateo 25:20

Saa xaa ra nindoo uꞌun mil ndaꞌa, ra niꞌi siin va ra inka tuku uꞌun mil siki ña xaa ra, ra saa ndikaꞌan ra xiꞌin ra xitoꞌo ra kachi ra saa: “Tata, yoꞌo iyoo uꞌun mil xuꞌun kun ña taxi kun ndaꞌa yu, ra yoꞌo tu iyoo inka uꞌun mil ña ndiniꞌi yu siki va ña”, kachi ra.

San Mateo 16:23

Saa ndikokuiin Jesús, ra ndikaꞌan ra xiꞌin ra Pedro kachi ra saa: ―¡Kuatiaꞌa nuu yu, timiaꞌa!, chi ri kuni sandakava yuꞌu va kuvi kun, saa chi yoꞌo, ra süvi chiñu Ndioxi ke ndiꞌi ini kun xaꞌa sa kun, chi ña xa na yuuvi yoꞌo va ke ndakani ini kun xaꞌa ―kachi Jesús xiꞌin ra.

San Mateo 11:6

Ra vaꞌa ni kee yuvi na ndikun yuꞌu, ra xä uvi ini na xaꞌa tuꞌun ña kaꞌan yu xiꞌin na ―kachi Jesús xiꞌin ndia.

San Mateo 5:22

Ndi su yuꞌu tu kaꞌan xiꞌin ndo vichin, chi ndia ndia ka yuvi na sáa̱ ini xini ñani taꞌan, ra kixi va tundoꞌo sata na kan; ra saa tu yuvi na kandivaꞌa xiꞌin taꞌan va, chi ku̱ꞌu̱n tu na kan va nuu na chiñu naꞌnu ña kundaku kuachi xiꞌin na; ra yuvi na kaꞌan, “na kiꞌvi” xiꞌin ñani taꞌan, ra ndia ndiaya nuu xixi ñuꞌu ke ku̱ꞌu̱n na kan kuꞌun na xaꞌa tuꞌun kan.

San Mateo 17:27

Ndi su ña na säa na xiꞌin yo, ra kuaꞌan yuꞌu mini kan ra tava kun tiaka, ra ri nuu vaꞌa tava kun xiꞌin kàà tiku kun kuvi ri kuña kun yuꞌu, ra ikan ndikaa iin xuꞌun kàà ndakiꞌin kun, ra ña kan ke chaꞌvi kun nuu yuꞌu xiꞌin nuu mii kun ―kachi Jesús xiꞌin ra Pedro.

San Mateo 18:8

Ña kan ke, tu ndaꞌa ndo, a xaꞌa tu ndo kuvi ña kuu mii kuachi ña sandakava ña ndoꞌo ña sa ndo kuachi, saa ra vaꞌa ka va ke na kaꞌndia ndo ña, ra sakana ndo ña, saa chi vaꞌa ka va ke na kiꞌvi ndo nuu kutiaku ndo iin ndisaa kii, xiꞌin iin xiyo ndaꞌa ndo, a xiꞌin iin xiyo xaꞌa tu ndo nuu ña kuꞌun ndo ndiaya nuu xixi ñùꞌù ñuu kaꞌñu, ra ndäꞌva ña, xiꞌin uvi saa ndaꞌa ndo, a xiꞌin uvi saa xaꞌa va tu ndo.