San Mateo 4:17 - Mixteco Metlatónoc

¹⁷ Ra kii kan xaꞌa Jesús kaꞌan ndoso ra tuꞌun Ndioxi nuu yuvi, kachi ra saa: ―Nandiko ini ndo xaꞌa kuachi ndo ra ndakiꞌin ndo ichi Ndioxi, chi xa kuyachin va ra ña kaꞌndia ra chiñu nuu ndo ―*kachi ra xiꞌin na.

San Mateo 4:17 Referans Kwoze

San Mateo 3:2

ra kachi ra saa: ―Nandiko ini ndo xaꞌa kuachi ndo, ra ndakiꞌin ndo ichi Ndioxi, chi xa kuyachin ni ña kaꞌndia Ndioxi chiñu ―*kachi ra.

Hechos 2:38

Saa ndikaꞌan ra Pedro xiꞌin na kachi ra saa: ―Nandiko ini ndo xaꞌa kuachi ndo, ra kuchi ndo tixi ndiee Jesucristo, ra saa ke koo káꞌnu ini Ndioxi xaꞌa kuachi ndo, ra taxi tu ra Tachi Yii ra ña koo ña xiꞌin va ndo.

San Lucas 5:32

Saa chi yuꞌu, ra växi yu chindiee taꞌan yu xiꞌin na vaꞌa, na köo kuachi, tuvi na. Chi xaꞌa na iyoo kuachi va ke xaa yu, ña vaꞌa na ndandiko ini na ra ndakiꞌin na ichi Ndioxi ―kachi Jesús xiꞌin ndia fariseo.

San Lucas 24:47

ra kaꞌan ndoso na ndikun ichi ra kivi ra iinii kuvi ña yuuvi, ña vaꞌa na nandiko ini takundiꞌi yuvi xaꞌa kuachi na, ra koo kaꞌnu ini ra xaꞌa na, ra xiꞌna ka va ñuu Jerusalén ke kiꞌin na kaꞌan ndoso na kuꞌun na, kachi ña.

Hechos 17:30

Xinaꞌa ra xa ndiee ni va ini Ndioxi xaꞌa kuachi na xii xikua yo. Ndi su vichin ra ña kuni Ndioxi ke na nandiko ini takundiꞌi va yuvi na ndee iinii saa ña yuuvi ra kandixa na ra, ra kaku na.

San Mateo 9:13

Saa ndikaꞌan ka Jesús xiꞌin na kachi ra saa: ―Kuaꞌan ndo ra ndakiꞌin xini ndo ni ke kuni kachi tuꞌun yoꞌo: “Chi ña kuni yu ke na kuꞌvi ni ini ndo kuni ndo na taꞌan va ndo, ra küni yu ña na soko ndo ñaꞌa nuu yu”, chi na xa vaꞌa ni ndee tuvi na, ra växi yu xaꞌa na kan, chi na iyoo kuachi va kuvi na vaxi yu xaꞌa, ña na nandiko ini na xaꞌa kuachi na, ra ndakiꞌin na ichi Ndioxi ra kaku na ―kachi Jesús xiꞌin na.

Hechos 26:20

Saa chi ndikun, ndixaꞌan va yu ñuu Damasco, ra ndikaꞌan ndoso yu nuu na xaꞌa ichi Jesús, ra saa tu ñuu Jerusalén va, ra saa tu iin takundiꞌi ñuu ña ndikun ndiaa Judea va, ra ndikaꞌan tu yu xiꞌin na küu judío ña na nandiko ini na nuu Ndioxi, ra na sa na chiñu ña vaꞌa, ña ndañaꞌa na mii na ña xa ndasama na.

San Lucas 15:7

Ra mii ña ndixa kaꞌan yu xiꞌin ndo, saa chi kusii ni ka va ini Ndioxi, ra saa tu na tatun va ra, xaꞌa na indaa na nandiko ini xaꞌa kuachi kan, nuu na kumi xiko xaꞌun kumi na xa ndee vaꞌa na kuëe xiniñuꞌu ka nandiko ini ―kachi Jesús xiꞌin ndia.

Hechos 3:19

Ra xaꞌa ña kan ke na nandiko ini ndo xaꞌa kuachi ndo, ra ndakundikun ndo Ndioxi, ra saa ke sandiꞌi ra xaꞌa kuachi ndo. Ra taxi ra ndakindiee ndo,

San Lucas 15:10

Ra mii ña ndixa kaꞌan yu xiꞌin ndo, saa chi ^kusii ni va ini Ndioxi ra saa tu na tatun va ra, xaꞌa na indaa na nandiko ini xaꞌa kuachi ―*kachi Jesús xiꞌin ndia.

Hechos 20:21

Ra vaꞌa ni judío kuvi na, ra vaꞌa ni süvi judío kuvi va tu na, ndi su ndakani va yu nuu na ña xiniñuꞌu na nandiko ini na xaꞌa kuachi na, ra nandiko na nuu Ndioxi, ra kandixa na Tata yo Jesús.

Hebreos 6:1

Ra xaꞌa ña kan ke kuëe tuku tuku na nandiko yo sakuaꞌa yo ña xa sañaꞌa na yoo xaꞌa Tata yo Jesucristo te sakan ndakundikun yo ra. Chi ña xiniñuꞌu sa yo ke na sa nduxa yo ña kuxixa ini yo ta iin iin kii va, saa chi xa sakuaꞌa va yo ña xiniñuꞌu ni nandiko ini yo xaꞌa kuachi yo,

Hechos 11:18

Saa ra te ndiꞌi xini soꞌo na judío na ndikun Jesús na ndee ñuu Jerusalén ña ndakani ra Pedro nuu na, ndia saa ra xikutuvi va na ña xa kuáchi na xiꞌin ra, ra saa xaꞌa na ndasakaꞌnu na Ndioxi kachi na saa: ―¡Sakaku tu Ndioxi yuvi na küu judío va, ra ta̱xi ra ndiayu ndaꞌa na ña na nandiko ini na xaꞌa kuachi na, ra niꞌi na ña kutiaku na ndia ndikaa ndikuꞌun! ―kachi na.

San Mateo 25:1

Saa ndikaꞌan Jesús iin tuꞌun ndichi xiꞌin ndia itaꞌan xiꞌin ra kachi ra saa: ―Ta kuꞌva ndoꞌo uxi na siꞌi vali kuaan, saa ke ^kuu, xiꞌin ichi nuu xaꞌndia Ndioxi chiñu. Na siꞌi vali kuaan na uxi kan, ra kiꞌin na ñaꞌa, nuu ñúꞌu ndutia xaꞌan ra kutuun nuu na, ña vaꞌa kuꞌun na ndakiꞌin na ra tandaꞌa kan.

San Mateo 13:47

Ra saa ndikaꞌan Jesús inka tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo ñunu ña chikaa na ini mini ra sakakuꞌun ña takundiꞌi va nuu tiaka, saa iyoo ña.

San Mateo 10:7

Ra kuaꞌan ndo vichin ra kaꞌan ndoso ndo tuꞌun Ndioxi ra kachi ndo saa: “Xa kuyachin ni va kii ña kaꞌndia Ndioxi chiñu nuu yo”, kachi ndo xiꞌin na.

San Lucas 9:2

Ra saa tiꞌvi ra ndia kuaꞌan ndia kaꞌan ndoso ndia tuꞌun Ndioxi, ra sandaꞌa ndia na xiꞌi.

San Mateo 11:12

’Ndia kii te xaꞌa ra Juan, ra sakuchi yuvi kaꞌan ndoso ra tuꞌun Ndioxi, iin saa ndia vichin, ra xika nduku ña ndivaꞌa ña sandiꞌi ña xaꞌa ichi nuu xaꞌndia Ndioxi chiñu, ra takua yuvi na ndaku ini va kuvi na kuchuun kiꞌvi koo nuu xaꞌndia Ndioxi chiñu.

San Mateo 13:24

Saa ndikaꞌan ka Jesús inka tuku tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo iin tiaa ra ndixaꞌan chiꞌi nuni trigo ña vaꞌa iin nuu ñuꞌu ke iyoo ña.

San Mateo 13:9

Saa ndikaꞌan ka ra xiꞌin na kachi ra saa: ―Ndóꞌo̱, na xini soꞌo ña kaꞌan yu xiꞌin ndo yoꞌo, ra na ndakiꞌin xini ndo xiꞌin ña, ni ke kuni kachi ña ―kachi ra xiꞌin na.

San Mateo 13:11

Ra saa ndakuiin ra kachi ra saa xiꞌin ndia: ―Ndoꞌo, ra xa mii va Ndioxi kuvi ra ^taxi ndiayu ña na kundaa ini ndo xaꞌa ichi ra nuu xaꞌndia ra chiñu, ña iyoo seꞌé, ndi su na kan, ra täxi ra ña ndaꞌa na ña kundaa ini na.

San Mateo 6:10

Ra na kixi kun kaꞌndia kun chiñu nuu ña yuuvi yoꞌo. Ra ta xa kun ndivi ke, na sa kun nuu ñuꞌu yoꞌo va.

San Lucas 3:23

Ta ndixinu Jesús oko uxi kuiya ra saa xaꞌa ra sañaꞌa ra yuvi. Ra seꞌe ra José va kuvi ra ndituvi na. Ra ra José ra seꞌe ra Elí va xikuu ra.