San Mateo 3:7 - Mixteco Metlatónoc

⁷ Ra te xini ra Juan ña kuaꞌa ka vi na fariseo xiꞌin na saduceo ndixa̱a̱ nuu íin ra, ña kuni na ña na sakuchi ra na, ra saa ndikaꞌan ra xiꞌin na kachi ra saa: ―¡Ndoꞌo yuvi ñaꞌa! ¿A xaꞌa ña ndakuchi ndo ke kuchuun ndo kaku ndo xaꞌa kuachi ndo, nuu tundoꞌo ndiee ña vaxi, tuvi ndo?

San Mateo 3:7 Referans Kwoze

San Mateo 12:34

Ndi su ndoꞌo, ra yuvi ñàꞌa va kuvi ndo, chi ña sañaꞌa ndo, ra ta iyoo ndutia xatu ra kee yuꞌu ko̱o̱ va iyoo ña. Ra ña kuu ndo yuvi ñaꞌa, saa ra küvi vi kaꞌan ndo tuꞌun vaꞌa. Ra na kundaa ini ndo, chi takundiꞌi tuꞌun ña iyoo nima yuvi ke kaꞌan va na.

1 Tesalonicenses 1:10

Ra ^ndatuꞌun tu na xaꞌa ndo, ña ndiatu ndo ña nandiko Tata yo Jesucristo, ra kuu seꞌe Ndioxi, ra ndatiaku tiañu na ndii va. Ra mii Tata yo Jesucristo kuvi ra ^sakaku yoo nuu tundoꞌo ñaꞌa, ña kuu kii ña vaxi va.

Romanos 1:18

Ra ndia ndivi nuu nduꞌu vi Ndioxi ke ^ndañaꞌa ra mii ra nuu yo, ña sáa̱̱ ra xini ra takundiꞌi yuvi ñaꞌá, xiꞌin yuvi na xïin sa chiñu ndaku; ra chiñu ñaꞌa, ña ^xa va na ke täxi kundaa ini na ña ndaa.

San Mateo 23:33

Ndoꞌo, yuvi ñaꞌa, seꞌe timiaꞌa, ¿ra ni ke sa ndo ña vaꞌa kaku ndo, ra küꞌun ndo ndiaya, tuvi ndo?

Romanos 5:9

Ra vichin, ña xa ndakiꞌin mani Cristo yoo ña nduu yo, ta kuꞌva iyoo yuvi na köo kuachi nuu Ndioxi, ra kundaa kaxi tu ini yo ña mii Cristo kuvi ra sakaku yoo, ta xa na sandaku Ndioxi kuachi xiꞌin takundiꞌi na yuuvi yoꞌo va.

San Mateo 22:23

Ra suvi mii kii kan ndixaa sava ndia saduceo nuu Jesús, ra nindakatuꞌun ndia ra, a ndixa ke ndatiaku na ndi̱ì, chi ndia saduceo kan, ra kuëe kandixa ndia ña ndatiaku na ndi̱ì, ña kan ke nindakatuꞌun ndia Jesús kachi ndia saa:

San Mateo 16:6

Ra saa ndikaꞌan Jesús xiꞌin ndia kachi ra saa: ―Kotoꞌni ndo, ra kuenda ni koo ndo xiꞌin ixan iyá ña kuu ndavi ndia fariseo, ra saa tu xiꞌin ndia saduceo va ―kachi ra xiꞌin ndia.

1 San Juan 3:10

Ra xiꞌin chiñu ña xa va na ke kuvi kundaa ini yo yoo kuvi seꞌe Tata yo Ndioxi, ra kuvi tu kundaa ini yo yoo kuvi tu na kuu seꞌe timiaꞌa va, saa chi yuvi na xïin sa chiñu vaꞌa, xiꞌin na xïin ña kuꞌvi ini na kuni na na ñani yo na ndikun Tata yo Jesucristo, ra süvi vi kuenda Tata yo Ndioxi kuvi na kan.

San Juan 9:40

Ra te xini soꞌo sava ndia fariseo ndia ndita yachin xiꞌin ra, tuꞌun ña ndikaꞌan ra, ra saa ndikaꞌan ndia xiꞌin ra kachi ndia saa: ―¿A ndia kuaa ku tu nduꞌu va tuvi kun, ña kan ke kachi kun saa? ―kachi ndia xiꞌin ra.

Hebreos 11:7

Ra xaꞌa ña xindiaa ini ra Noé Tata yo Ndioxi kuvi ña kandixa va ra ra te ndikaꞌan ra xiꞌin ra ña kuu iin ña täan kuni na yuuvi yoꞌo, saa ra ndikun xaꞌa va ra xavaꞌa ra iin itun chee tun xika nuu mini, ra ikan ke xindoꞌni na veꞌe ra ña vaꞌa ndixïꞌi na. Ra xaꞌa ña xindiaa ini ra Noé Tata yo Ndioxi kuvi tu ña ndañaꞌa ra na yuuvi yoꞌo ña kuëe iyoo ndaku chiñu ña xa va na, ra ndiꞌi xaꞌa va na, ra taxi Tata yo Ndioxi ña vaꞌa ndaꞌa ra xaꞌa ña xa ra chiñu ndaku.

Hechos 26:5

Ra kundaa tu ini mii va na, ña xikuu yu Fariseo xiꞌin ndia kuu fariseo te itia yu, ra kuvi ndakuiin ndia xaꞌa va ña, tu ndia xiin kuvi ndia, ra ndia fariseo kuvi mii ndia ndinuni vaꞌa ndikun ichi ña yunaꞌa takundiꞌi nduꞌu na judío ndikun va ndi.

Hechos 20:31

Ña kan ke kuenda ni na koo ndo vichin, ra na ndakaꞌan ndo chi uni saa kuiya ña ndixiyo yu xiꞌin ndo, ra ñuu kaꞌñu va sakuaꞌa yu ndoꞌo, ra xaku ni tu yu nuu Ndioxi va xaꞌa ndo ña kuꞌvi ini yu xini yu ndoꞌo.

Hechos 15:5

Saa ra ndakundita va sava ndia fariseo ndia xa kandixa Jesús, ra ndikaꞌan ndia kachi ndia saa: ―Tiaa ndia küu judío ra xiniñuꞌu ni va na koo tuni Ndioxi ndia, ra tiaa xiꞌin na siꞌi ra xiniñuꞌu tu na kundikun va na ndiayu Ndioxi ña ndakoo ra Moisés ―kachi ndia.

Hechos 5:17

Ra ra sutu kuchee xiꞌin na saduceo na chikaa ndiee xiꞌin ra, ra tiaa ni ndisaa na xini na ndia xitaꞌan xiꞌin Jesús,

San Juan 8:44

Ña kan ke seꞌe timiaꞌa va kuvi ndo, ra kuenda ri kan kuvi va ndo, ña kan ke kuni ndo sa ndo chiñu ña ^xa ri. Saa chi timiaꞌa, ra ndia ta kii xaꞌa ra niña ri xaꞌni kuvi va ri. Ri kan, ra köo ña ndaku ^xa vi ri, ra nii käꞌan tu ri ña ndaa va. Ra ta kaꞌan ri tuꞌun chiꞌña, ra ta kuni mii ri ke kaꞌan va ri; saa chi ri chiꞌña tuꞌun va kuvi ri, ra ri kan kuvi iva tuꞌun chiꞌña va.

San Juan 1:24

Ra ndia ndixaꞌan nuu ra Juan, ra ndia fariseo va kuvi ndia tiꞌvi ñaꞌa.

San Lucas 18:11

Ra saa ndixaa ra fariseo kan, xikundichi ra ini veꞌe ñuꞌu, ra xaꞌa kaꞌan ra xiꞌin Ndioxi kachi ra saa: “Tata, taxi ni yu tixaꞌvi ndaꞌa kun, saa chi kuëe iyoo yu ta kuꞌva iyoo na kuiꞌna, na ndivaꞌa, ra nii xïka yu xiꞌin inka ñaꞌa; ra ni kuëe iyoo yu ta kuꞌva iyoo tiaa ra kaya xuꞌun yoꞌo.

San Lucas 16:14

Saa ra ndixaku ndiaa va ndia fariseo kan Jesús, saa chi xinisii ni ndia ña koo xuꞌun ndia. Ña kan ke ndikindöo ini ndia ña ndikaꞌan ra.

San Lucas 7:30

Ndi su ndia fariseo xiꞌin ndia sañaꞌa ndiayu Ndioxi ña ndakoo ra Moisés, ra kundasi va ndia ña vaꞌa, ña kuni Ndioxi sa ra xiꞌin ndia, ra nii ndixïin tu ndia ña sakuchi ra Juan va ndia.

San Marcos 12:18

Saa ndaxàà sava na saduceo nuu Jesús, ra ndindakatuꞌun na ra a ndixa ke ndatiaku na ndìì chi na saduceo, ra kuëe kandixa na ña ndatiaku na ndìì. Ña kan ke ndindakatuꞌun na Jesús kachi na saa:

San Marcos 12:13

Saa tiꞌvi na xikuaꞌa sava na fariseo xiꞌin na ndikun sata ra Herodes kuaꞌan na nuu xika Jesús ña na kotondoso na ra, tu ndia iin tuꞌun ña väꞌa na kaꞌan ra, ra saa ke ni̱ꞌi̱ ndie̱e̱ na, ña taxi na kuachi xaꞌa ra.

San Marcos 8:15

Saa xaꞌndia Jesús chiñu nuu ndia ra kachi ra saa: ―Toꞌni ndo, ra kuenda ni koo ndo xiꞌin ixan iyá ña kuu ndavi na fariseo ra saa tu ra Herodes va ―kachi ra xiꞌin ndia.

San Mateo 22:34

Ra saa te kundaa ini ndia fariseo ña sakutaxin Jesús yuꞌu ndia saduceo kan, ra saa ndakutaꞌan tuku va ndia ña ndikataꞌan ndia,

San Mateo 22:15

Ra te sandiꞌi Jesús ndakani ra tuꞌun ndichi kan nuu na, ra saa ndakiꞌin ndia fariseo kuaꞌan ndia, ra ndakutaꞌan ndia ndikataꞌan ndia, ndia kuꞌva ke sa ndia ña vaꞌa na kaꞌan Jesús iin tuꞌun kiꞌvi, ra saa ke kuvi niꞌi ndiee ndia, ña taxi ndia kuachi xaꞌa ra kaꞌan ndia.

San Mateo 12:24

Ndi su te xini soꞌo ndia fariseo, ña kachi yuvi kan saa xaꞌa Jesús, saa ra ndikaꞌan ndia kachi ndia saa: ―Ndiee ti Beelzebú mii ti kuchee vaꞌa nuu takundiꞌi ña ndivaꞌa va ke iyoo xiꞌin ra, ña kan ke vaꞌa tava ra tachi ndivaꞌa ―*kachi ndia.

San Mateo 5:20

Ña kan ke kaꞌan yu xiꞌin ndoꞌo vichin, ra na kundaa vaꞌa ini ndo, chi küvi kiꞌvi ndo ndivi nuu xaꞌndia Ndioxi chiñu, tu na kandïxa ndinuni vaꞌa ka ndo Ndioxi nuu na maestro na sañaꞌa ndiayu Ndioxi xiꞌin na fariseo ―kachi Jesús xiꞌin na.

Hebreos 6:18

Ra uvi kuvi ña ndikaꞌan Tata yo Ndioxi kindoo ra, ra chunaꞌa tu ra mii ra xaꞌa mii va ra, ra uvi saa ña yoꞌo, ra küvi vi ndasama ña, saa chi Tata yo Ndioxi ra kuëe xavaꞌa vi ini ra kan. Ra xaꞌa ña kan ke, yoo na xa ndikun Tata yo Ndioxi, ra ña vaꞌa na kondiaa ra yoo, ra na kondiaa ni ka ini yo ña ndakiꞌin yo ña kindoo ra taxi ra ndaꞌa va yo.

San Mateo 15:12

Saa ra kuyachin va ndia itaꞌan xiꞌin Jesús, ra ndikaꞌan ndia xiꞌin ra kachi ndia saa: ―Tata, ¿a kundaa ini kun ña väꞌa vi ndikuni ndia fariseo, te xini soꞌo ndia tuꞌun ña ndikaꞌan kun? ―kachi ndia xiꞌin ra.

San Mateo 16:1

Ra saa ndixaa sava ndia fariseo xiꞌin ndia saduceo nuu Jesús, ña kuni ndia kotondoso ndia ra, ra saa ndikaꞌan ndia xiꞌin ra, ña na sa ra iin ña xituꞌun kuni ndia, ra saa ke kandixa ndia ra ña tiꞌvi Ndioxi ra xaa ra.