San Mateo 28:7 - Mixteco Metlatónoc

⁷ Ra vichin kama ni na kuꞌun ndo, ra ndatuꞌun ndo xiꞌin ndia xitaꞌan xiꞌin ra: “Saa chi xa ndatiaku va ra, ra xa chi Galilea va inuu ra kuaꞌan ra nuu ndo, ra ikan ndakutaꞌan tuku ndo xiꞌin va ra.” Ra takua ña yoꞌo ke ndatuꞌun yu xiꞌin va ndo ―*kachi ra tatun Ndioxi kan xiꞌin na.

San Mateo 28:7 Referans Kwoze

San Mateo 26:32

Ndi su te na ndatiaku yu, ra xiꞌna ka va yuꞌu ku ra kunuu kuꞌun nuu ndo chi Galilea ―kachi ra xiꞌin ndia.

San Mateo 28:10

Ra saa ndikaꞌan Jesús xiꞌin na kachi ra saa: ―Kuayüꞌvi ndo, ra vichin kuaꞌan ndo ndatuꞌun xiꞌin ndia ñani yu, chi xa ndatiaku va yu, ra na kuꞌun ndia chi Galilea, ra ikan ndakitaꞌan ndia xiꞌin yu, kachi ndo xiꞌin ndia ―*kachi ra xiꞌin na.

San Juan 16:4

Ra ña yoꞌo ke kaꞌan yu xiꞌin ndo ña xa na ku̱ꞌu̱n ini ndo, ra te xa na kuu ña xiniñuꞌu kuu, ra saa ke na ndakaꞌan ndo xaꞌa ña xa ndikaꞌan yu xiꞌin va ndo ―kachi Jesús xiꞌin ndia itaꞌan xiꞌin ra. Ra saa ndikaꞌan ka Jesús kachi ra saa: ―Te kii xaꞌa, ra ndikäꞌan vi yu ña yoꞌo xiꞌin ndo, saa chi ta íin ka va yu xiꞌin ndo.

1 Corintios 15:4

ra ninduxin na ra, ndi su kii uni ra ndatiaku va ra, ra mii saa ke kachi tu tuꞌun Ndioxi ña tiaa na xinaꞌa va;

San Juan 14:29

Ra xa yachi va kaꞌan yu xiꞌin ndo xaꞌa ña kuu; ra te xa na kuu ña, saa ra na kandixa va ndo yuꞌu.

San Lucas 24:34

Ra saa ndikaꞌan ndia ndee kan xiꞌin ndia, kachi ndia saa: ―Ña ndixa ke xa ndatiaku va Tata yo Jesús, saa chi xa xini tu ra Simón Pedro va ra ―kachi ndia.

San Marcos 16:13

Ra saa ndakiꞌin tu ndia yoꞌo va ndixaꞌan ndia ndatuꞌun ndia xiꞌin ndia sava kan, ña na kundaa ini ndia ña xa ndatiaku va ra; ra nii ndia yoꞌo ndikandïxa ndia kan yuꞌu vi.

San Marcos 16:10

Ra te ndiꞌi xini ña Jesús, ra saa kee ña kuaꞌan ña ndatuꞌun ña xiꞌin ndia ndixika xiꞌin ra, ña xa ndatiaku va ra. Ra kusuchi ka vi ini ndia xaku ndia ndee ndia.

San Marcos 14:28

Ra te na ndatiaku yu, ra xiꞌna ka yuꞌu ku ra kunuu kuꞌun nuu ndo chi Galilea ―kachi ra xiꞌin ndia.

San Mateo 24:25

Ña kan ke xa kaꞌan ndiꞌi va yu ña yoꞌo xiꞌin ndo vichin, ra na kiꞌin ni ndo kuenda xiꞌin mii ndo.

1 Corintios 15:6

Ra saa kuu, ra ndita tu ra nuu na uꞌun ciento va, ra tiaku kuaꞌa ka va na kan vichin, ra sava tu na xa ndixiꞌi va.

San Mateo 28:8

Ra saa kee na siꞌi kan ndakiꞌin na xinu na kuaꞌan na ndatuꞌun na xiꞌin ndia xitaꞌan xiꞌin Jesús, ña xa ndatiaku va ra. Ra tiaa ni iyuꞌvi na, ndi su tiaa ni kusii tu ini va na xaꞌa tuꞌun ña ndikaꞌan ra tatun Ndioxi kan.