San Mateo 27:46 - Mixteco Metlatónoc

⁴⁶ Ra mii hora kan ndiee ka vi nindaꞌyu Jesús kachi ra saa: ―Elí, Elí, ¿lama sabactani? ―kachi ra. Ra suꞌva ke kachi tuꞌun yoꞌo: “Tata yu Ndioxi, Tata yu Ndioxi, ¿nichuun ndakoo ndaꞌa kun yuꞌu?”, ^kachi ña.

San Mateo 27:46 Referans Kwoze

Hebreos 5:7

Ra ta ndixika Tata yo Jesucristo nuu ñuꞌu yuuvi yóꞌo, ra ndiee ni va ndikaꞌan ra xiꞌin Tata yo Ndioxi ña xaku ndaꞌvi ra nuu ra, xiꞌin takundiꞌi ndiee ra ña na chindiee taꞌan ra xiꞌin ra, saa chi indaa ra kan va kuvi ra kuu mii ndiee ña sakaku ra ra nuu ña ndii; ra xaꞌa ña xa toꞌo Tata yo Jesucristo Tata yo Ndioxi, ra ndakuiin va ra yuꞌu ra.

San Marcos 15:34

Ra mii ka uni xikuaa yoꞌo ke ndiee ni ndindaꞌyu Jesús kachi ra saa: ―Eloi, Eloi, ¿lama sabactani? ―kachi ra. Ra tuꞌun yoꞌo kachi ña saa: Iva yu Ndioxi, Iva yu Ndioxi, ¿nichuun ndakoo ndaꞌa kun yuꞌu? kachi ña.

San Lucas 23:46

Ra saa ndiee ka vi nindaꞌyu Jesús, kachi ra saa: ―¡Tata, ndaꞌa mii kun ndataxi yu nima yu! ―kachi ra xiꞌin Ndioxi. Ra ndia tuꞌun yoꞌo ndikaꞌan ra, saa ra ndixiꞌi va ra.

San Mateo 27:47

Ra te xini soꞌo sava na ndita yachi kan, ra saa ndikaꞌan na xiꞌin taꞌan na kachi na saa: ―Tiaa soꞌo ndo, chi ra Elías ra ndikaꞌan tuꞌun yuꞌu Ndioxi va kuvi ra kana ra ―kachi na.