San Mateo 27:4 - Mixteco Metlatónoc

⁴ ra ndikaꞌan ra xiꞌin ndia kachi ra saa: ―Chee ni kuachi xa yu, saa chi ndataxi yu iin tiaa ra köo kuachi ndaꞌa ndo, ña kaꞌni ndo ra ―kachi ra xiꞌin ndia. Ra saa ndakuiin ndia kachi ndia saa xiꞌin ra: ―¿Ra ni ke ndoꞌo vi tu nduꞌu ndiꞌi ini ndi xaꞌa ña xa yoꞌo? ¡Mii kun xini va! ―kachi ndia xiꞌin ra.

San Mateo 27:4 Referans Kwoze

1 San Juan 3:12

Ra na sä yo ta kuꞌva xa ra Caín, ra xikuu kuenda timiaꞌa, ña xaꞌni ra ra ñani ra. Ra na kundaa ini ndo, chi xaꞌa ña ndakuni ra Caín ñani ra ña xa ra chiñu vaꞌa kuvi ña xaꞌni ra ra, ndi su mii ra ra chiñu kiꞌvi va ke xa ra.

1 San Pedro 1:19

chi nii Tata yo Jesucristo va kuvi ña chaꞌvi ra xaꞌa ndo, ra ta kuꞌva iyoo iin ndikachi loꞌo ri köo ña yakua kuu mii va kuvi ña ndixiyo Tata yo Jesucristo nuu Tata yo Ndioxi, saa chi ndia nii kuachi ra ndixïyo.

Hebreos 7:26

Ra Tata yo Jesús, ra ndixa kuu sutu, ra kuchee kuvi ra xiniñuꞌu nuu yo, saa chi ra kan kuvi ra yii, ra ndia nii tu kuachi ra köo va, ra ndia nii tu chiñu kiꞌvi kuëe xa va ra, ra nii kuëe itaꞌan tu ra xiꞌin yuvi na xa chiñu kiꞌvi va. Ra Tata yo Jesús ra kuu sutu, ra ndivi va kuvi ña ndakiꞌin Tata yo Ndioxi ra kuaꞌan ra iyoo ra vichin.

Tito 1:16

Ra yuvi na ^xa saa yoꞌo, ra ña kaꞌan na ke ^ndikun na Tata yo Ndioxi va, ndi su xiꞌin chiñu kiꞌvi ña ^xa va na ke ndañaꞌa na mii na, ña ndïkun vi na ra. Saa chi yuvi ñaꞌa va kuvi na, ra nii Tata yo Ndioxi kuvi ra xïin na kandixa vi na, ra köo kuꞌva ña kuvi sa na chiñu vaꞌa.

1 Timoteo 4:2

Chi ña sa na ke kandixa na ña kaꞌan yuvi maña, yuvi chiꞌña tuꞌun va, ra yuvi kan, ra köo mii ña kukaꞌan nuu vi na, saa chi ña xinituni na, ra ña ndii va kuvi ña.

Romanos 3:19

Ra takundiꞌi tuꞌun Ndioxi ña kaꞌan yu xiꞌin ndo xaꞌa yoꞌo, ra xaꞌa mii yoo na iyoo ndiayu Ndioxi ña ndakoo ra Moisés ndaꞌa va ke kaꞌan ña. Ña vaꞌa na kutaxin yuꞌu yo, saa chi Ndioxi va kuvi ra sandaku kuachi xiꞌin takundiꞌi na yuuvi yoꞌo.

Hechos 13:28

Ra vaꞌa ni köo va kuachi ra ndindaniꞌi na, ndi su ndikaꞌan va na xiꞌin ra Pilato ña katakaa ra ra ndika cruz ndixiꞌi ra.

San Juan 19:7

Ra saa ndakuiin ndia judío kunaꞌnu kan kachi ndia saa xiꞌin ra: ―Nduꞌu, ra kuu mii ndi iin ndiayu, ra ta kuꞌva kachi mii ndiayu ndi ke xiniñuꞌu kuvi va ra, saa chi kaꞌan ra, ña kuu ra seꞌe Ndioxi ―*kachi ndia.

San Lucas 23:47

Ra ta xini ra kuchee nuu ndia soldado ñuu Roma ña kuu, ra saa ndasakaꞌnu ra Ndioxi, kachi ra saa: ―Ña ndixa ke, ra vaꞌa ku ndixa va tiaa yoꞌo ―kachi ra.

San Lucas 23:41

Ra vaꞌa va yoo chi xaꞌa kuachi va yo ke ndoꞌo yo ña yoꞌo, ndi su ra yoꞌo, ra ndia nii kuachi köo ndixa ra ―kachi ra.

San Lucas 23:22

Ra saa ndikaꞌan tuku ra Pilato kan xiꞌin na ichi ña uni, kachi ra saa: ―¿Ndia ña kuu kuachi tiaa yoꞌo tuvi ndo? Chi ndia nii kuachi ra köo ndaniꞌi yu ña kuvi ra xaꞌa ña; ña kan ke takua na sandoꞌo va yu ra, ra saa saña ndika yu ra kuꞌun va ra ―kachi ra.

San Mateo 27:54

Ra ra soldado ra kuchee kan xiꞌin ndia itaꞌan xiꞌin ra, ña ndiaa ndia Jesús, ra te xini ndia ña ndiee ni nditaan, ra xini tu ndia takundiꞌi ña kuu kan va, saa ra tiaa ni ndiyuꞌvi ndia, ra ndikaꞌan ndia kachi ndia saa: ―Ña ndixa ke seꞌe Ndioxi kuvi ndixa va ra yoꞌo ―kachi ndia.

San Mateo 27:19

Ra sakan saa kuu ra Pilato nduꞌu ra tiayu nuu xandaku ra kuachi, ra saa tiꞌvi ña yasiꞌi ra chiñu ndixaa ña nuu ra, ra kachi ña saa: ―Ndia nii ña na sä kun xiꞌin tiaa ñaa, chi ra vaꞌa va kuvi ra, saa chi iin ni ñuu ndaa, ra iyo ni ndixani yu xaꞌa ra ―kachi ña xiꞌin chuun kan.

Apocalipsis 11:10

Ra takundiꞌi yuvi na ndee nuu ñuꞌú, ra tiaa ni kusii ini na ña kuvi ndia, ra xaꞌa na kakin na viko ña kusii ní ini na, ra xaꞌa na saniꞌi na ñaꞌa taꞌan na, saa chi uvi saa ndia ndikaꞌan ndoso tuꞌun Ndioxi, ra tiaa ni sandoꞌo ndia na ndee nuu ñuꞌú tuvi na.