San Mateo 27:13 - Mixteco Metlatónoc

¹³ Ra saa ndikaꞌan ra Pilato xiꞌin Jesús kachi ra saa: ―¿A xini soꞌo kun takundiꞌi kuachi ña taxi ndia yoꞌo xaꞌa kun, ra a ndixa kuachi kun kuvi ña? ―kachi ra xiꞌin Jesús.

San Mateo 27:13 Referans Kwoze

San Mateo 26:62

Ra saa ndakundichi ra sutu ra kuchee nuu takundiꞌi ndia sutu, ra ndikaꞌan ra kachi ra saa xiꞌin Jesús: ―¿A ndakuïin vaꞌa vi kun ña taxi ni ndia yoꞌo kuachi xaꞌa kun? ¿Ra a ndixa saa kachi kun, chi saa kachi ndia yoꞌo? ―kachi ra xiꞌin Jesús.

Hechos 22:24

Ra saa xaꞌndia ra soldado kuchee kan chiñu nuu ndia soldado ra, ña na sandiꞌvi ndia ra Pablo chi ini veꞌe nuu ndee mii ndia, ra ndikaꞌan ra xiꞌin ndia ña na kani ndia ra, ra sanaꞌma ndia ra, ra saa ke vaꞌa kundaa ini ra soldado kuchee kan, ni xaꞌa ke kañaꞌa ni na xiꞌin ra.

San Juan 18:35

Ra saa ndakuiin ra Pilato, kachi ra saa: ―Süvi ra judío taꞌan kun kuvi yuꞌu. Chi mii na judío, xiꞌin ndia sutu kunaꞌnu nuu na ñuu va kun kuvi ndia ndataxi yoꞌo ndaꞌa yu. ¿Ra ndia ña ku kuachi xa kun? ―*kachi ra.

San Mateo 27:12

Ra na kunaꞌnu nuu ndia sutu, xiꞌin ndia xikuaꞌa nuu na ñuu, ra xaꞌa ndia taxi ndia kuachi xaꞌa Jesús nuu ra Pilato, ndi su Jesús ra ndia nii tuꞌun loꞌo nindäkuiin ra.

San Mateo 27:14

Ndi su ndia nii tuꞌun loꞌo nindäkuiin Jesús yuꞌu ra, ra saa ndakanda ka vi ini ra gobernador kan xini ra Jesús.