San Mateo 26:74 - Mixteco Metlatónoc

⁷⁴ Ra saa xaꞌa ra Pedro, kañaꞌa ra, ra chinaꞌa ra Ndioxi, kachi ra saa: ―Xïni yu yoo kuvi tiaa ra kaꞌan ndo xaꞌa ñaa ―kachi ra. Ra te sakan saa kuu ra kaꞌan ra, saa ra kana va chele.

San Mateo 26:74 Referans Kwoze

Apocalipsis 3:19

Chi yuꞌu, ra ndukueꞌe va yu xiꞌin na kuꞌvi ini yu xini yu, ra satixuꞌvi va tu yu na, ña vaꞌa na ndundaku chiñu ña ^xa na; ra na ndachikaa kun ndiee, ra na ndandiko ini kun nuu Ndioxi.

1 Corintios 16:22

Ra tu ndia yuvi kuëe küꞌvi ini xini Tata yo Jesucristo, saa ra na tavi chiꞌña va na. ¡Ra na kundaa ini ndo, chi xa ndinumi va nandiko Tata Jesucristo.

San Juan 18:27

Saa ra tiseꞌe tuꞌun tuku va ra Pedro xaꞌa Jesús, saa ra kana va chele.

San Mateo 10:28

Ra kuayüꞌvi ndo kuni ndo na xaꞌni ndii, chi takua iki kuñu va ndo ke kuchuun na sandiꞌi na xaꞌa, ndi su kuchüun vi na ña sandiꞌi na xaꞌa nima ndo, ra ña xiniñuꞌu sa ndo ke, na yuꞌvi ndo kuni ndo Ndioxi va, chi ra kan kuvi ra kuu mii ndiayu ña sandiꞌi ra xaꞌa ndo xiꞌin nima ndo ra chikaa ra ña ndiaya.

Romanos 9:3

ra xaꞌa ña kan ke ^xiin va yu ña ndataxi yu mii yu, ña na tavi chiꞌña yuꞌu, ra ^xiin tu yu kuxika yu nuu Tata yu Cristo va tu kuvi chindiee taꞌan yu xiꞌin na xaꞌa ña sa yu ña yoꞌo. Saa chi na ñuu yu,

San Lucas 22:60

Saa ndikaꞌan ra Pedro xiꞌin ra, kachi ra saa: ―Yoꞌo, ra kaꞌan ñaa, kundäa ini yu yoo xaꞌa ke kaꞌan kun ―kachi ra. Ra sakan saa kuu ra kaꞌan ra, saa ra kana va chele.

San Marcos 14:68

Saa ndakuiin ra yuꞌu ña, kachi ra saa: ―Xïni yu yo̱o̱ ku ra kaꞌan kun xaꞌa ñaa, ra nii kundäa ini yu ni ke kaꞌan kun xaꞌa ―kachi ra xiꞌin ña, chi ti̱se̱ꞌe tuꞌun va ra. Saa ndakundichi ra kanata ra yeꞌe, ra saa kana va chele.

San Marcos 14:30

Saa ndikaꞌan Jesús xiꞌin ra: ―Ña ndixa kaꞌan yu xiꞌin kun, chi xa uni va ichi ti̱se̱ꞌe tuꞌun kun xaꞌa yu ñu̱u vichin, ra saa kana chele uvi ichi ―kachi Jesús.

San Mateo 27:25

Ra saa ndakuiin takundiꞌi na ñuu kan kachi na saa: ―Nduꞌu, xiꞌin seꞌe ndi kuvi na, na kuiso xiꞌin nii ra ña kutia ―kachi na.

San Mateo 26:34

Ra saa ndikaꞌan Jesús xiꞌin ra kachi ra saa: ―Ña ndixa kaꞌan yu xiꞌin kun, chi ñuu vichin ra xa uni va ichi tiseꞌe tuꞌun kun xaꞌa yu, ra saa kana chele ―kachi Jesús xiꞌin ra.

San Mateo 26:73

Ra saa kuu ndiyaꞌa iin kani loꞌo, ra saa kuyachin na ndee kan, ra ndikaꞌan na xiꞌin ra kachi na saa: ―Ña ndixa ke ra itaꞌan xiꞌin ndia itaꞌan xiꞌin Jesús ku tu yoꞌo va, saa chi iin ta ndatuꞌun ndia kan, ra iin saa ndatuꞌun tu yoꞌo va ―kachi na xiꞌin ra.

San Mateo 26:75

Ra saa ndakaꞌan ra xaꞌa tuꞌun ña ndikaꞌan Jesús xiꞌin ra, ta kachi ra saa: “Xiꞌna ka va uni ichi tiseꞌe tuꞌun kun xaꞌa yu, ra saa kana chele”, kachi ra xiꞌin ra. Ra saa kanata ra Pedro chi keꞌe, ra xaꞌa ra xaku ni ra.