San Mateo 26:69 - Mixteco Metlatónoc

⁶⁹ Ra saa ^kuu na xa ndivaꞌa na xiꞌin Jesús xika na. Ra saa ndixaa ra Pedro ndakunduꞌu ra chi nuu keꞌe, veꞌe ra sutu kan, ra saa ndixaa iin ñaꞌa, ña xachiñu veꞌe kan, ra ndikaꞌan ña xiꞌin ra Pedro kachi ña saa: ―Ra itaꞌan xiꞌin Jesús, ra kee chi Galilea kuu tu yoꞌo va ―kachi ña xiꞌin ra.

San Mateo 26:69 Referans Kwoze

San Mateo 26:71

Ra saa ndakundichi ra Pedro kanata ra chi yeꞌe, ra saa xini inka tuku ña xachiñu veꞌe kan ra, ra ndikaꞌan ña xiꞌin takundiꞌi na ndee kan, kachi ña saa: ―Ra itaꞌan xiꞌin Jesús, ra kee ñuu Nazaret ku tu ra yoꞌo va ―kachi ña.

Hechos 5:37

Ra saa kuu tu kii ta ndakondiaꞌvi ndiꞌi na ñuu va, chi ndukuiin tu ra Judas ra kee Galilea va ndixika ra, ra kuaꞌa ni yuvi xindikun sata ra; ndi su xaꞌni tu na ra kan va, ra takundiꞌi yuvi na xindikun sata ra ra nindutia ndiꞌi na kuaꞌan va na.

San Juan 7:52

Ra saa ndakuiin ndia, kachi ndia saa xiꞌin ra: ―¿A ra kee ñuu Galilea ku tu yoꞌo va? Na kaꞌvi vaꞌa kun tuꞌun Ndioxi, ra kundaa ini kun, saa chi ndia nii ra kaꞌan tuꞌun yuꞌu Ndioxi täan kee chi Galilea ―kachi ndia.

San Juan 7:41

Ra sava tu na kaꞌan kachi saa: ―Ra yoꞌo kuvi ra kuu Cristo va ―kachi na. Ra inka tu na kaꞌan kachi saa: ―¿Ama kee Cristo chi Galilea? Këe ra chi kan.

San Juan 1:46

Ra saa ndakuiin ra Natanael kachi ra saa: ―¿A kuvi vi tan kanata iin tiaa ra vaꞌa ñuu Nazaret? ―kachi ra. Ra saa ndakuiin ra Felipe kachi ra saa xiꞌin ra: ―Na koꞌo, ra kuni kun ―kachi ra xiꞌin ra.

San Mateo 26:58

Ra ra Pedro, ra xika xika va ndikun ra kuaꞌan ra sata Jesús, ra saa ndixaa ra ndia nuu keꞌe ra sutu Caifás ra kuchee nuu na sutu kan, ra ikan ndakunduꞌu ra xiꞌin ndia kumisio ndiaa yeꞌe ñuꞌu, ña ndiatu ra, kuni ra ni ke sa na xiꞌin Jesús.

San Mateo 26:3

Ra kii kan, ndakutaꞌan takundiꞌi ndia xikuaꞌa kunaꞌnu nuu ndia sutu xiꞌin ndia maestro sañaꞌa ndiayu Ndioxi, xiꞌin ndia xikuaꞌa kunaꞌnu nuu na ñuu, ra iin ndakaya takundiꞌi ndia ndee ndia nuu keꞌe veꞌe ra sutu kuchee ra nani Caifás.

San Mateo 21:11

Saa ndakuiin na kuaꞌan xiꞌin Jesús kachi na saa xiꞌin na: ―Ra yoꞌo kuvi Jesús ra kaꞌan tuꞌun yuꞌu Ndioxi, ra kee ñuu Nazaret ña ndikun ndiaa Galilea ―kachi na xiꞌin na.

San Mateo 26:70

Ndi su ra Pedro, ra tiseꞌe tuꞌun va ra xaꞌa Jesús, nuu takundiꞌi na ndee kan, ra ndikaꞌan ra kachi ra saa: ―Xïni yu yoo ku ra kaꞌan kun xaꞌa ñaa ―kachi ra xiꞌin ña.