San Mateo 26:67 - Mixteco Metlatónoc

⁶⁷ Ra saa xaꞌa sava na kondiaa na tiasiꞌi na nuu Jesús, ra kani ni na ra, ra sava tu na xaꞌa xakin xaꞌndia nuu va ra.

San Mateo 26:67 Referans Kwoze

San Juan 18:22

Ra te ndikaꞌan Jesús tuꞌun yoꞌo, saa ra ndikun xakin va iin ra kumisio kan xaꞌndia nuu ra, ra ndikaꞌan ra kachi ra saa: ―¿Nichuun ndaa yuꞌu kun, sutu ra kuchee? ―*kachi ra.

San Mateo 27:30

Ra saa xaꞌa na kondiaa na tiasiꞌi na nuu ra, ra ndakiꞌin na ndoo ñuꞌù kan ndaꞌa ra, ra xaꞌa na xakin na nuu xini ra.

San Marcos 14:65

Ra saa xaꞌa sava na kondiaa na tiasiꞌi na ra. Ra ndasi na nuu ra, ra kani na ra, ra kaꞌan na xiꞌin ra kachi na saa: ―¡Kaꞌan ndaku! ¿Yoo ko kani yoꞌo? ―kachi na xiꞌin ra ña xasiki na ra. Ra saa tu na ndiaa yeꞌe veꞌe ñuꞌu va, kani ni tu na kan va ra.

San Mateo 5:39

Ndi su yuꞌu kaꞌan tu xiꞌin ndoꞌo vichin: Tu ndia na ^xa ña väꞌa xiꞌin ndo, ra na sä ndoꞌo ña väꞌa xiꞌin na, ra tu ndia na xakin xaꞌndia iin xiyo nuu ndo, ra na taxi ndo inka xiyo nuu ndo na kani va na.

Hebreos 12:2

Ra indaa xaꞌa Tata yo Jesucristo va ke ndinuni ni na kundiꞌi ini yo, saa chi xaꞌa ña xa mii va ra kuvi ña vaꞌa ndiaa ini yo ra, ra mii ra kuvi tu ra taxi ndiee yo ña vaꞌa kondiaa ini yo ra ndia kii ndiꞌi va. Ra xaꞌa ña sii, xiꞌin ña nduvi ni iyoo ndivi va kuvi ña xiin va Tata yo Jesucristo ndoꞌo ra takundiꞌi ña kaꞌan nuu ña ndixiꞌi ra ndika cruz, ra te ndiꞌi saa ndakunduꞌu ra xiꞌin kuaꞌa nuu iin tiayu kaꞌnu nduꞌu Tata yo Ndioxi.

San Juan 19:3

Ra kaꞌan ndia xiꞌin ra kachi ndia saa: ―¡Kaꞌnu ni yoꞌo, ra kuu rey na judío! ―^kachi ndia. Saa ra xakin tu ndia xaꞌndia nuu va ra.

San Marcos 15:19

Ra ndo̱o̱ ñuꞌu ku nu kuun ni na xi̱ni̱ ra, ra kondiaa na tiasiꞌi na ra, ra ndakusiti na nuu ra, ña xatoꞌo na ra, iyoo tuꞌun.

1 Corintios 4:13

Ra kaꞌan kiꞌvi tu na xaꞌa va ndi, ndi su tuꞌun vaꞌa va ndakuiin ndi yuꞌu na. Ra ta ^xa na xiꞌin miꞌi va ^xa na xiꞌin ndi, ra ta iyoo ña yakua ña xitia va iyoo ndi nuu na ndia kii vichin.

San Marcos 10:34

ra kusiki ni na yuꞌu, ra xaa yoꞌo, ra kani na yuꞌu xiꞌin ñii̱ ña ku kuarta, xiꞌin kondiaa na tiasiꞌi na yuꞌu, ra kaꞌni na yuꞌu, ndi su kii uni ndatiaku tuku va yu ―kachi Jesús xiꞌin ndia ña ndakani ra nuu ndia, xaꞌa ña ndoꞌo ra.

San Mateo 26:68

Ra kaꞌan na xiꞌin ra kachi na saa, ña xasiki na ra: ―Yoꞌo, ra kaꞌnu, ra tiꞌvi Ndioxi xaa sakaku na yuuvi yoꞌo, ra kaꞌan ndaku xiꞌin ndi vichin, ¿yoo kuvi na kani yoꞌo?, tu ndixa ra kaꞌnu kuvi kun ―kachi na xiꞌin Jesús.