San Mateo 26:65 - Mixteco Metlatónoc

⁶⁵ Saa ra iin ndata saa ini ra sutu kuchee kan tikoto ña ndixi ra, ra ndikaꞌan ra kachi ra saa: ―Ra ndaa yuꞌu va ku ra yoꞌo Ndioxi. ¿Ra nichuun ke kuniñuꞌu ka vi yo yuvi na kaꞌan tieꞌe nuu ra?, chi xa xini soꞌo tu mii va ndo, ña ndaa yuꞌu ra Ndioxi.

San Mateo 26:65 Referans Kwoze

San Juan 10:36

Ra Ndioxi va kuvi ra ndikaxin yuꞌu, ra tiꞌvi ra yuꞌu xaa yu ña yuuvi yoꞌo vichin, ra kaꞌan yu ña kuu yu seꞌe ra, ra ña kan ke kaꞌan ndo, ña ndaa yuꞌu yu ra.

San Juan 10:33

Saa ndakuiin ndia judío kan kachi ndia saa xiꞌin ra: ―Süvi xaꞌa chiñu vaꞌa ña xa kun ke kakin ndi yuu yoꞌo, chi xaꞌa ña ndaa yuꞌu kun Ndioxi va ke kakin ndi ña yoꞌo. Saa chi tiaa yuuvi yoꞌo va kuvi kun, ra kaꞌan kun ña kuu kun Ndioxi ―kachi ndia xiꞌin ra.

San Mateo 9:3

Ra ikan ndee sava na maestro sañaꞌa ndiayu Ndioxi ixtoꞌni na, ra saa ndakani ini na kaꞌan na saa: “Chee ni kuachi ke xa ra yoꞌo chi ndaa yuꞌu ra Ndioxi ña kachi ra saa”, kaꞌan na.

Hechos 14:14

Ndi su ta kundaa ini ra Pablo xiꞌin ra Bernabé, ña kuni yuvi kan ndasakaꞌnu na ndia. ra saa ndata saa ini ndia tikoto ndia, ra ndikiꞌvi ndia tiañu na, ra ndindaꞌyu ndia nuu na, kachi ndia saa:

San Lucas 5:21

Ra ta xini soꞌo ndia fariseo, xiꞌin ndia sañaꞌa ndiayu Ndioxi ña ndakoo ra Moisés, ña ndikaꞌan Jesús xiꞌin ra, ra saa xaꞌa ndia ndakani ini ndia: “¿Yoo ku ra yoꞌo, ra kachi ra saa xiꞌin ra kaa? Chee ni kuachi ke yoꞌo nuu Ndioxi, chi ndia nii yuvi, ra küvi sakaꞌnu ini na xaꞌa kuachi yo, chi indaa mituꞌun Ndioxi va ku ra kuvi sakaꞌnu ini xaꞌa kuachi yo”, kaꞌan ndia.