San Mateo 26:61 - Mixteco Metlatónoc

⁶¹ ra ndikaꞌan ndia, kachi ndia saa: ―Nduꞌu kuu ndia xini soꞌo ña ndikaꞌan ra, ta kachi ra suꞌva “Yuꞌu, ra kani yu veꞌe ñuꞌu kaꞌnu, ra kivi uni ndakanindichi tuku va yu ña” kachi ra ―kachi ndia.

San Mateo 26:61 Referans Kwoze

San Mateo 27:40

kachi na saa: ―¡Yoꞌo, ra ndikaꞌan kani veꞌe ñuꞌu Ndioxi, ra kii uni xa ndakanindichi tuku kun ña, kachi kun, ra sakaku mii kun vichin, ra sanuu mii kun ndaꞌa cruz, tu ndixa seꞌe Ndioxi kuvi kun! ―kachi na xiꞌin Jesús.

San Marcos 15:29

Ra na yaꞌa kuaꞌan ichi kan, ra iin xiko xi̱ni̱ na ña kañaꞌa ni na xiꞌin ra, kachi na saa: ―¡Yoꞌo ra ndikaꞌan kani veꞌe ñuꞌu Ndioxi, ra kii uni xa ndakanindichi tuku kun ña, kachi kun,

Hechos 22:22

Ra xini va soꞌo na judío kan ña ndakani ra Pablo, ndi su te xini soꞌo na ña ndikaꞌan ra xaꞌa na küu judío, saa ra xaꞌa na iin siso siso ndaꞌyu na kachi na saa: ―¡Na kuvi tiaa ñaa! ¡Saa chi xiniñüꞌu ka kutiaku ra! ―*kachi na.

Hechos 18:13

Ra ndikaꞌan na xiꞌin ra chiñu Galión kan, kachi na saa: ―Tiaa yoꞌo kuvi ra xika kaꞌan xiꞌin yuvi, ra saxinu ra ini na, ña na ndasakaꞌnu na Ndioxi, inka kuꞌva nuu ña käꞌan ndiayu Ndioxi ña ndakoo ra Moisés ―kachi na.

Hechos 17:18

Ra ta xini soꞌo sava tiaa ndia ndichi ndia sakuaꞌa nuu na nani epicúreo, xiꞌin ndia sakuaꞌa nuu na nani estoico, tuꞌun Ndioxi, ra saa ndikaꞌan sava ndia, kachi ndia saa xaꞌa ra Pablo: ―¿Ni ke kaꞌan ni tiaa ra sandaꞌvi yuvi kaa? ―kachi ndia. Ra sava tu ndia ndikaꞌan, kachi suꞌva va: ―¿Vaꞌa xaꞌa takundiꞌi ndioxi ña iyoo inka ñuu xika va ke kaꞌan ni ra? ―kachi ndia. Ra xaꞌa ña ndatiaku yuvi, xiꞌin xaꞌa tuꞌun vaꞌa xaꞌa Jesús ke ndakani ra Pablo, ña kan ke kachi ndia saa.

San Juan 9:29

Saa chi kundaa va ini ndi ña ndikaꞌan Ndioxi xiꞌin ra kan, ndi su ra ñaa ra kundäa ini ndi xaꞌa ra, ndia mii ke kee ra ―kachi ndia.

San Lucas 23:2

Ra ta ndixaa ndia xiꞌin ra nuu ra chiñu chee Pilato kan, ra saa xaꞌa ndia taxi ndia kuachi siki xaꞌa ra, kachi ndia saa: ―Nduꞌu kuvi ndi ndaniꞌi tiaa yoꞌo ña xika ra sakanitaꞌan ra na ñuu ndi, ra kaꞌan ra, ña chäꞌvi ka ndi xuꞌun ña chaꞌvi ndi ndaꞌa ra tata chiñu César ñuu Roma. Ra kaꞌan tu ra ña kuu ra Cristo, ra kúu tu ra rey va, kachi ra ―kachi ndia.

San Mateo 26:71

Ra saa ndakundichi ra Pedro kanata ra chi yeꞌe, ra saa xini inka tuku ña xachiñu veꞌe kan ra, ra ndikaꞌan ña xiꞌin takundiꞌi na ndee kan, kachi ña saa: ―Ra itaꞌan xiꞌin Jesús, ra kee ñuu Nazaret ku tu ra yoꞌo va ―kachi ña.

San Mateo 12:24

Ndi su te xini soꞌo ndia fariseo, ña kachi yuvi kan saa xaꞌa Jesús, saa ra ndikaꞌan ndia kachi ndia saa: ―Ndiee ti Beelzebú mii ti kuchee vaꞌa nuu takundiꞌi ña ndivaꞌa va ke iyoo xiꞌin ra, ña kan ke vaꞌa tava ra tachi ndivaꞌa ―*kachi ndia.

San Mateo 26:62

Ra saa ndakundichi ra sutu ra kuchee nuu takundiꞌi ndia sutu, ra ndikaꞌan ra kachi ra saa xiꞌin Jesús: ―¿A ndakuïin vaꞌa vi kun ña taxi ni ndia yoꞌo kuachi xaꞌa kun? ¿Ra a ndixa saa kachi kun, chi saa kachi ndia yoꞌo? ―kachi ra xiꞌin Jesús.

San Mateo 27:5

Ra saa koꞌni ra Judas oko uxi saa xuꞌun ña plata kan, ini veꞌe ñuꞌu kan, ra saa kanata ra chi keꞌe ra ndixaꞌan ra sakuaꞌña ra mii va ra.

San Marcos 14:58

―Nduꞌu xini soꞌo ña ndikaꞌan ra kachi ra saa: “Kani yu veꞌe ñuꞌu ña xavaꞌa na yuvi yoꞌo, ra kii uni saa ndakanindichi yu inka ña, ndi süvi ka ña savaꞌa ndaꞌa na kuvi ña kan”, kachi ra xini soꞌo ndi ―kachi na.