San Mateo 26:45 - Mixteco Metlatónoc

⁴⁵ Ra saa nandiko ra, xaa tuku ra nuu ndee ndia itaꞌan xiꞌin ra, ra ndikaꞌan ra xiꞌin ndia kachi ra saa: ―¡A ndakundiee ndo kixi ndo ra ndakindiee ndo saa va! Na kundaa ini ndo, chi xa nditiandiaa va hora ña ndataxi na yuꞌu ra xaa yoꞌo, ndaꞌa yuvi kuachi.

San Mateo 26:45 Referans Kwoze

San Juan 13:1

Ra ndia saloꞌo ni va kumani ña koo viko pascua, ra xa ^kundaa va ini Jesús ña xa ndixaa kii ña ndakoo ra ña yuuvi yoꞌo, ra nandiko ra kunuꞌu ra chi nuu nduꞌu Iva ra. Ra kuꞌvi ka vi ini ra xini ra na ndikun sata ra, na iyoo nuu ña yuuvi yoꞌo, ra ña kuꞌvi ni ini ra xini ra na, ra ndiakua ndataxi ra mii ra ña ndixiꞌi ra xaꞌa na.

San Juan 17:1

Ra te ndiꞌi ndikaꞌan Jesús tuꞌun yoꞌo, ra saa ndoniꞌi ra nuu ra chi ndivi, ra ndikaꞌan ra xiꞌin Ndioxi kachi ra saa: ―Tata, vichin ke ndixaa kii ña na ndañaꞌa kun yuꞌu, ra kuu seꞌe kun nuu yuvi ra na kundaa ini na ña kaꞌnu ni yu, ra ndañaꞌa tu yuꞌu va yoꞌo nuu na, ra kundaa ini na ña kaꞌnu ni kun.

San Juan 12:27

’Ra vichin ra tiaa ni ndiꞌi ini yu. ¿Ra ni ke vaꞌa kachi yu? ¿A vaꞌa tu na kaꞌan yu xiꞌin Tata yu ña sayaꞌa ra yuꞌu nuu tundoꞌo ña vaxi nuu yu? Küvi, saa chi xaꞌa ña yoꞌo ke xaa va yu ―kachi ra.

San Lucas 22:53

A su iin takundiꞌi va kii ndixiyo yu xiꞌin ndo ini veꞌe ñuꞌu kaꞌnu, ra nditïin ndo yuꞌu. Ndi su vichin ke xa ndixaa hora ña sa ndo ña kuni va ndo, saa chi vichin ke kaꞌndia ña ndivaꞌa chiñu va ―kachi Jesús xiꞌin ndia.

San Mateo 26:18

Ra saa ndakuiin ra kachi ra saa xiꞌin ndia: ―Kuaꞌan ndo ñuu, ra ikan kuni ndo iin tiaa, ra kaꞌan ndo xiꞌin ra kachi ndo saa: “Suꞌva ke kachi ra Tata Maestro: Xa ninumi ni xaa kii ña sa yu chiñu ña xiniñuꞌu sa yu, ra veꞌe kun kuvi ña kuni yu xaa yu ndatava yu viko pascua xiꞌin ndia itaꞌan xiꞌin yu”, ^kachi yu, kachi ndo xiꞌin ra ―*kachi Jesús xiꞌin ndia.

San Mateo 26:2

―Xa kundaa va ini ndo, chi ndia soo uvi kii va ke kumani ra tiandiaa kii ña ndatava na viko pascua, ra tiin na yuꞌu, ra xaa yoꞌo, ra ndataxi na yuꞌu ndaꞌa na saa ini xini yuꞌu, ra takaa na yuꞌu ndaꞌa cruz ―kachi Jesús xiꞌin ndia itaꞌan xiꞌin ra.

San Mateo 26:44

Ra saa ndakoo ra ndia, ra ndakiꞌin tuku ra kuaꞌan ra kaꞌan ra xiꞌin Ndioxi ichi ña uni va. Ra iin ta kachi ra ke, kachi tuku va ra.

San Mateo 26:46

^Ndakoo ndo, ra kuꞌun yo; chi xa kuyachin va ra ndataxi yuꞌu ndaꞌa na ―kachi Jesús xiꞌin ndia.

San Marcos 14:35

Ra saa kuxika ra loꞌo nuu ndee ndia, ra ikan xikusiti ra, ra xaꞌa ra kaꞌan ra xiꞌin Ndioxi, tu ña kuvi ke ra na yaꞌa va tundoꞌo ña kuyachin vaxi yoꞌo nuu ra.

San Juan 12:23

Ra saa ndikaꞌan Jesús kachi ra saa xiꞌin ndia: ―Xa kuyachin ni kii ña taxi Ndioxi ña kundaa ini yuvi, ña kaꞌnu ni yuꞌu, ra xaa yoꞌo.