San Mateo 26:39 - Mixteco Metlatónoc

³⁹ Ra saa kuxika ra loꞌo nuu ndee ndia, ra ikan xikusiti ra, ra iin ndiakua nditiandiaa tiaan ra ndia nuu ñuꞌu, ra xaꞌa ra kaꞌan ra xiꞌin Ndioxi kachi ra saa: ―Tata, tu ña kuvi ke, ra na yaꞌa va tundoꞌo, ña kuyachin vaxi nuu yu; ndi su na köo ña kuni yuꞌu, chi na koo ña kuni yoꞌo va ―^kachi ra xiꞌin Ndioxi.

San Mateo 26:39 Referans Kwoze

San Juan 6:38

Saa chi yuꞌu, ra ña kee yu ndivi vaxi yu, ra ndixäa yu ña sa yu ña kuni mii yu, chi ña xiniñuꞌu sa yu ke na saxinu yu nuu chiñu Tata yu Ndioxi, ra tiꞌvi yuꞌu vaxi va yu.

Filipenses 2:8

Ra ña xiin ra nduu ra, ta kuꞌva iyoo yo, ra xiin tu ra xa ni̱nu̱ ra xiꞌin mii va ra, ra xaꞌa ña xiin ra kandixa ra Tata ra Ndioxi, ra ndataxi tu ra mii ra, ña ndixiꞌi va ra, ra kaa kàꞌàn nuu ni tu ña ndoꞌo va ra, chi ndika cruz vi ndixiꞌi ra,

San Mateo 26:42

Ra saa ndakiꞌin tuku Jesús kuaꞌan ra, kaꞌan ra xiꞌin Ndioxi ichi ña uvi, ra saa xaꞌa ra kaꞌan ra ^kachi ra saa: ―Tata, tu yuꞌu kuvi ra xiniñuꞌu ndoꞌo tundoꞌo yoꞌo, saa ra, na koo ta kuꞌva kuni mii va kun ―kachi ra.

Hebreos 5:7

Ra ta ndixika Tata yo Jesucristo nuu ñuꞌu yuuvi yóꞌo, ra ndiee ni va ndikaꞌan ra xiꞌin Tata yo Ndioxi ña xaku ndaꞌvi ra nuu ra, xiꞌin takundiꞌi ndiee ra ña na chindiee taꞌan ra xiꞌin ra, saa chi indaa ra kan va kuvi ra kuu mii ndiee ña sakaku ra ra nuu ña ndii; ra xaꞌa ña xa toꞌo Tata yo Jesucristo Tata yo Ndioxi, ra ndakuiin va ra yuꞌu ra.

San Juan 5:30

Saa ndikaꞌan Jesús xiꞌin ndia kachi ra saa: ―Yuꞌu, ra süvi xiꞌin ndiayu mii yu ke xa ndaku yu kuachi xiꞌin yuvi, chi xiꞌin ndiayu Tata yu ra tiꞌvi yuꞌu vaxi va yu ke xa ndaku yu ña xiꞌin na, ra ndaku ni va ^tiin yu kuachi xiꞌin na.

San Juan 14:31

ndi su ña vaꞌa na kundaa ini na yuuvi yoꞌo, ña kuꞌvi ni ini yu xini yu Tata yu ke xiniñuꞌu saxinu va yu chiñu ña xaꞌndia ra nuu yu, ra iin ta kachi ra xiꞌin yu ke sa va yu. Ndakuita ndo. Ra kuꞌun yo ―kachi Jesús xiꞌin ndia.

San Juan 18:11

Saa ndikaꞌan Jesús xiꞌin ra Pedro, kachi ra saa: ―Ndachikaa ichi kun, ini ñii nuu ndikaa ña. Saa chi tu xa Tata yu kuvi ra taxi ndiayu, ña ndoꞌo yu tundoꞌo yoꞌo, saa ra na ndoꞌo va yu ña ―kachi Jesús.

San Juan 11:41

Ra saa sakutiaꞌa na yuu ña ndasi yuꞌu yavi nuu ndikaa iki kuñu ra Lázaro, ra saa ndoniꞌi Jesús nuu ra chi ndivi, ra ndikaꞌan ra kachi ra saa: ―Tata, ndataxi yu tixaꞌvi ndaꞌa kun, saa chi xa xini va soꞌo kun ña ndikaꞌan yu xiꞌin kun.

San Mateo 20:22

Ra saa ndakuiin Jesús kachi ra saa: ―Ndoꞌo, ra kundäa ini ndo ni ke kaꞌan ndo xaꞌa vi. ¿A kuchuun ndo koꞌo ndo vaso ña koꞌo yu, ra kuchi tu ndo ta kuꞌva kuchi yu, ña kuu tundoꞌo ña ndoꞌo yu, tuvi ndo? ―kachi ra xiꞌin ndia. Saa ndakuiin ndia kachi ndia saa: ―Kuchuun va ndi, Tata ―kachi ndia xiꞌin ra.

San Mateo 24:24

Chi kuaꞌa ni na maña kixi ra kachi na saa: “Yuꞌu ku Cristo”, a “Yuꞌu kuvi ra kaꞌan tuꞌun yuꞌu Ndioxi”, kachi na. Ra kuaꞌa ni ña ndichi xiꞌin ña xituꞌun sa na, ña sandaꞌvi na yuvi, ra kusana ndia na xa ndikaxin Ndioxi kundikun ichi va ra kuni na sandaꞌvi na.

Apocalipsis 19:10

Ra saa ndakusiti yu xaꞌa ra, ña ndasakaꞌnu yu ra, ra saa ndikaꞌan ra xiꞌin yu kachi ra saa: ―Xä kun saa chi ta iyoo yoꞌo ña xachiñu kun nuu Ndioxi, xiꞌin ta kuꞌva iyoo takundiꞌi na ñani kun na ^ndikun ndinuni tuꞌun Jesús, saa ke iyoo tu yuꞌu va. Ra na ndasakaꞌnu kun Ndioxi va. ―*kachi ra. Saa chi tuꞌun ña ndikaꞌan ndoso Jesús ke ndataxi tu ndiee ndaꞌa na kaꞌan ndoso tuꞌun Ndioxi vichin va.

Hechos 10:25

Ra te ndixaa ra Pedro veꞌe ra Cornelio, saa ra ndikun kita va ra ndakiꞌin ra ra, ra saa ndakusiti ra nuu ra, ña ndasakaꞌnu ra ra.

San Lucas 17:16

Ra xaa ra ndakusiti ra nuu Jesús, ra ndakundiee ra ndia nuu ñuꞌu, ra ndataxi ra tixaꞌvi ndaꞌa Jesús. Ra tiaa yoꞌo ra ra ñuu Samaria va kuvi ra.

San Marcos 13:22

Chi kuaꞌa ni na maña kixi ra kachi na saa, “Yuꞌu ku Cristo”, a “Yuꞌu ku ra kaꞌan tuꞌun yuꞌu Ndioxi”, kachi na. Ra kuaꞌa ni ña ndichi xiꞌin ña xituꞌun sa na ña sandaꞌvi na yuvi, ra kusana ndia na xa ndikaxin Ndioxi kundikun ichi va ra ku̱ni̱ na sandaꞌvi na.

San Juan 5:19

Ra saa ndakuiin Jesús kachi ra saa xiꞌin ndia: ―Ña ndixa ke kaꞌan yu xiꞌin ndo, chi ra kuu seꞌe Ndioxi, ra ndia nii chiñu loꞌo ke kuchüun ra sa vii ra xiꞌin ndiee mii ra; saa chi takundiꞌi chiñu ña ^xini ra ^xa Iva va ra ke ^xa ra.