San Mateo 25:1 - Mixteco Metlatónoc

¹ Saa ndikaꞌan Jesús iin tuꞌun ndichi xiꞌin ndia itaꞌan xiꞌin ra kachi ra saa: ―Ta kuꞌva ndoꞌo uxi na siꞌi vali kuaan, saa ke ^kuu, xiꞌin ichi nuu xaꞌndia Ndioxi chiñu. Na siꞌi vali kuaan na uxi kan, ra kiꞌin na ñaꞌa, nuu ñúꞌu ndutia xaꞌan ra kutuun nuu na, ña vaꞌa kuꞌun na ndakiꞌin na ra tandaꞌa kan.

San Mateo 25:1 Referans Kwoze

Apocalipsis 19:7

Ra na kusii ni ini yo, ra sii ni na koo yo, ra na ndasakaꞌnu yo Iva yo Ndioxi, saa chi xa ndixaa va kii, ña koo viko tandaꞌa ra kuu ndikachi loꞌo, xiꞌin ña kuu yasiꞌi ra, na kuu veꞌe ñuꞌu ra, saa chi xa iyoo nduvi va na.

Apocalipsis 21:9

Ra saa kixi iin ndia tatun Ndioxi ndia uxa kan, ndia xiniꞌi uxa copa nuu xiñuꞌu uxa nuu tundoꞌo ñàꞌa ña kixi xa Ndioxi, ra ndikaꞌan ra xiꞌin yu kachi ra saa: ―Naꞌa yoꞌo, ra ña̱ꞌa̱ yu ña siꞌi ña tandaꞌa xiꞌin ra kuu ndikachi loꞌo nuu kun ―*kachi ra.

Apocalipsis 21:2

Ra yuꞌu, ra Juan, kuvi ra xini ñuu yii ña kuu Jerusalén ña xaa, ra chi ndivi nuu nduꞌu Ndioxi ke kee ña vaxi nuu ña, ra ta kaa iin ñaꞌá ña xa ndasanduvi xiꞌin mii, ña tandaꞌa ña xiꞌin ra kuu yii ña, saa kaa ñuu kan xini yu.

San Juan 3:29

Ra na kundaa ini ndo, chi ta ^kuu nuu iyoo viko tandaꞌa, ra ra íin xiꞌin ñaꞌa ña tandaꞌa kan va kuvi ra kuu yii ña, ndi su ra itaꞌan xiꞌin ra kuu yii ñaꞌa kan, ra nduꞌu yachin xitia ra, ra te xini soꞌo ra ña kaꞌan ra tandaꞌa kan saa ra tiaa ni va kusii ini ra xiꞌin ra; ra mii saa ke ndoꞌo tu yuꞌu va vichin, saa chi xa xiꞌin va yo íin ra xaa sakaku yoo, ña kan ke kusii ni ini yu.

San Mateo 13:24

Saa ndikaꞌan ka Jesús inka tuku tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo iin tiaa ra ndixaꞌan chiꞌi nuni trigo ña vaꞌa iin nuu ñuꞌu ke iyoo ña.

Apocalipsis 14:4

Ra na yoꞌo, ra na ndixayäkua mii xiꞌin na siꞌi kuvi na; ra ^ndikun na sata ndikachi loꞌo xika na ndia ndia ka mii nuu kuaꞌan va ri. Ra xaꞌa na yoꞌo ke chaꞌvi ndikachi loꞌo yoꞌo mii ri, ña kan ke vaꞌa nduu na ta kuꞌva iyoo kuiꞌi nuu ña ^soko na nuu Ndioxi xiꞌin nuu Jesucristo ra kuu ndikachi loꞌo.

Tito 2:13

Ra sañaꞌa tu ña yoo, ña na kusii ni ini yo kundiatu yo ndia te xa na xaa kii ña vaꞌa ni, kii ña nandiko Ndioxi, ra kuu Tata yo Jesucristo, ra ^sakaku yoo, kixi ra nuu ña yuuvi yoꞌo va.

San Mateo 22:2

―Kuꞌva ña xachiñu Ndioxi, ra inuu va ña xiꞌin chiñu ña xa iin rey ra xakin viko tandaꞌa, ña satandaꞌa ra tiaa loꞌo seꞌe ra.

2 Timoteo 4:8

Ra xaꞌa ña kan ke vichin, ra xa iyoo nduvi va iin ña vaꞌa, niꞌi yu, ra mii va Tata yo Jesucristo, ra ndaku ni xayukun kuachi kuvi ra taxi ña ndaꞌa yu te xa na nandiko ra kixi tuku ra; ra süvi takua yuꞌu kuvi ra niꞌi ña vaꞌa kan, chi niꞌi tu takundiꞌi yuvi na ndiatu ña kixi va ra ña.

San Mateo 3:2

ra kachi ra saa: ―Nandiko ini ndo xaꞌa kuachi ndo, ra ndakiꞌin ndo ichi Ndioxi, chi xa kuyachin ni ña kaꞌndia Ndioxi chiñu ―*kachi ra.

1 Corintios 11:2

Ñani yo, kuꞌva yo, kusii ni ini yu xiꞌin ndo, saa chi iin takundiꞌi va kii ndakaꞌan ndo xaꞌa yu, ra ndikun tu ndo ña sañaꞌa yu ndoꞌo va.

San Mateo 20:1

Saa ndikaꞌan ka Jesús iin tuꞌun ndichi xiꞌin na kachi ra saa: ―Kuꞌva ña xachiñu Ndioxi ra inuu va ña xiꞌin chiñu ña xa iin ra tata, ra chiꞌi teꞌe uva nuu iin ñuꞌu ña kuu mii ra, ra saa kuu ñaꞌa ka vi kee ra iin kii kuaꞌan ra, ña nduku ra na sachiñu nuu ra.

San Mateo 13:47

Ra saa ndikaꞌan Jesús inka tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo ñunu ña chikaa na ini mini ra sakakuꞌun ña takundiꞌi va nuu tiaka, saa iyoo ña.

San Mateo 13:38

ra ñuꞌu nuu ndikee ña kan kuvi ña yuuvi yoꞌo va, ra nuni trigo kan kuvi yuvi na kuu kuenda Ndioxi, ra iku ñàꞌa kan kuvi yuvi na kuu kuenda ra ndivaꞌa va.

Apocalipsis 4:5

Ra nuu íin tiayu kaꞌnu kan ra iin xikuiin taxa, ra iin kaꞌndi kuu, ra iin niniꞌi kuu ndaꞌyu taxa, ra ^ndita uxa ñùꞌù ña ^tuun nuu ndita tiayu kan; ra uxa saa ñuꞌu kan kuvi uxa Tachi ña kuu kuenda Ndioxi.

2 Corintios 11:2

Ra na kundaa ini ndo, chi tiaa ni va ndiꞌi ini yu xaꞌa ndo, ra mii va Ndioxi kuvi ra ^taxi ña ndiꞌi ini yu xaꞌa ndo; saa chi yuꞌu kuvi ra kindoo ña ndataxi yu ndoꞌo ndaꞌa iin tiaa ra tandaꞌa ndo xiꞌin, ra tiaa kan kuvi Cristo va, ra ña kuni yu ke ndataxi yu ndoꞌo ndaꞌa Cristo, ta kuꞌva iyoo iin ña loꞌo kuaan tiaki, ña täan kiꞌvi xiꞌin ndia nii tiaa.

San Mateo 9:15

Ra saa ndakuiin Jesús kachi ra saa xiꞌin ndia: ―¿A vaꞌa tu na kundee suchi ini na kuaꞌan nuu iyoo viko tandaꞌa, tuvi ndo? ¿Su väꞌa kita ña, chi tan íin ka va ra tandaꞌa kan xiꞌin na? Ndi su te na xaa kii ña ndakiꞌin na ra tandaꞌa kan kuꞌun ra, ra ndia saa vi ke ndoo na itaꞌan xiꞌin ra, ña koo suꞌun na, küxi na.

San Mateo 5:16

Ra saa ke na koo tu ndoꞌo va, ña kuyeꞌe ndo nuu na yuuvi yoꞌo, ra kuni na takundiꞌi ña vaꞌa ña xa ndo, ra ndasakaꞌnu na Tata yo Ndioxi ra iyoo ndivi ―kachi Jesús xiꞌin na.

Hechos 20:8

Ra veꞌe chee sukun ña ndiso taꞌan va kuvi veꞌe nuu ndakutaꞌan ndi xindee ndi, ra tiaa ni kuaꞌa ñuꞌu tuun ini ña.

San Mateo 13:31

Saa ndikaꞌan Jesús inka tuku tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo iin ndikin loꞌo ña nani mostaza ña ndixaꞌan iin tiaa chiꞌi ra nuu ñuꞌu va ra ke, iyoo ña.

San Mateo 25:7

Ra saa ndakoo takundiꞌi na siꞌi vali kuaan kan, ra xaꞌa na ndasavii na ñaꞌa ña kutuun nuu na.

San Juan 18:3

Ra saa kuu, ra ndixaa va ra Judas xiꞌin kuaꞌa ni ndia soldado ñuu Roma, ra ndixaa tu ndia kumisio, ndia ndiaa veꞌe ñuꞌu kaꞌnu va, ra niꞌi ndia ichi xiꞌin itun, ra niꞌi tu ndia ñùꞌù ña tuun nuu va ndia; ra ndia kunaꞌnu nuu ndia sutu, xiꞌin ndia fariseo kuvi ndia, tiꞌvi ndia kumisio kan ndixaa ndia.

Apocalipsis 8:10

Saa ra te tivi ra tatun Ndioxi ra uni kan itun tu niꞌi ra, ra saa kee iin kimi chee ndivi ndakava ri iin ñaꞌñu nuu ña yuuvi nuu kana tiakuii, ta kuu nuu kana itia naꞌnu xiꞌin nuu kana tiakuii vali; ra iin ndichi ndichi ñùꞌù sata ri ña ^xixi ri.