San Mateo 24:6 - Mixteco Metlatónoc

⁶ Ra te xa na xaꞌa kuni soꞌo ndo ña xa iyoo ni kuachi ra xaꞌa kuni soꞌo ndo ña kanitaꞌan ni yuvi saa ra kuayüꞌvi ndo, chi xiniñuꞌu saa ke kuu va. Ndi su süvi ña xa ndiꞌi xaꞌa kuvi ña yuuvi yoꞌo.

San Mateo 24:6 Referans Kwoze

San Lucas 21:9

Ra te xa na xaꞌa kuni soꞌo ndo ña iyoo ni kuachi, ra xaꞌa kuni soꞌo ndo ña kanitaꞌan ni yuvi, saa ra na kuayüꞌvi ndo, chi xiniñuꞌu saa ke kuu va. Ndi su süvi ña xa ndiꞌi xaꞌa kuvi ña yuuvi.

San Juan 14:1

Ra saa ndikaꞌan Jesús xiꞌin ndia itaꞌan xiꞌin ra, kachi ra saa: ―Ndïꞌi ini ndo. Na kundiaa ini ndo Ndioxi, ra na kundiaa ini tu ndo yuꞌu va.

2 Tesalonicenses 2:2

ña na täxi ndo sandaꞌvi yuvi ndoꞌo. Ra nii na kuayüꞌvi tu ndo, tu ndia na na kaꞌan ña ndikaꞌan Tachi Yii Ndioxi xiꞌin na, ña xa kixi tuku va Tata yo Jesucristo, ra nii mii tu na na kaꞌan xiꞌin va ndo, ra a nduꞌu tu tiꞌvi tutu ndixaa ndaꞌa va na na kachi na, ndi su nii saa na kandïxa vi ndo na.

San Juan 14:27

’Ra vichin ke, indiayu taꞌan yu xiꞌin ndo xiꞌin ña vaꞌa ña kuu mii yu. Ra ña vaꞌa ña kuu mii yu ke ndakoo tu yu xiꞌin va ndo, ra inüu ña xiꞌin ña taxi ña yuuvi yoꞌo. Ra na kundïꞌi ni ini ndo, ra nii na kuayüꞌvi va tu ndo xaꞌa ña kuu.

San Mateo 24:14

Ra iinii saa ña yuuvi yoꞌo kaꞌan ndoso na ndikun yuꞌu, tuꞌun Ndioxi ña kaꞌan xaꞌa ichi nuu xaꞌndia ra chiñu, ña vaꞌa na kundaa ini takundiꞌi na xaꞌa ña, ra saa vi ke ndiꞌi xaꞌa ña yuuvi yoꞌo.

San Lucas 21:19

Ña kan ke na sa ndiee ni ini ndo, ra saa ke kuchuun ndo kaku ndo.

San Lucas 22:37

Ra kaꞌan yu ña yoꞌo xiꞌin ndo, chi vichin ke xiniñuꞌu xinu nuu tuꞌun Ndioxi ña tiaa na xaꞌa yu xinaꞌa ña ndakani kachi suꞌva: “Ra tiꞌvi Ndioxi xaa, ra xiꞌin yuvi na iyoo kuachi va ndachutaꞌan na ra”, kachi ña. Ra takundiꞌi tuꞌun ña ndakani xaꞌa yu, ra ña xaa yu vichin ke xinu nuu va ña ―kachi ra.

San Mateo 26:54

Ndi su tu saa na sa yu, saa ra küvi vi xinu nuu tuꞌun Ndioxi ña kaꞌan xaꞌa takundiꞌi ña xiniñuꞌu ndoꞌo yu ―kachi Jesús xiꞌin ra.

San Mateo 2:3

Ra te kundaa ini ra rey Herodes ña yoꞌo, ra ndiee ni nindiꞌi ini ra, ra iin sana suꞌva ini ra, ra iin saa ndoꞌo takundiꞌi tu na ñuu Jerasalén kan va.

Apocalipsis 6:4

Ra saa kuyachin yu ra xini yu kanata inka tuku kuayu, ri kuaꞌa ñùꞌù, ra xini yu ^yoso iin tiaa ri, ra ndakiꞌin ra ndiee ña sandiꞌi ra xaꞌa ña vaꞌa ña iyoo xiin na yuvi, ra na xaꞌa na kaꞌni taꞌan ndiꞌi na, ra ndakiꞌin tu ra iin ichi chee va.