San Mateo 24:44 - Mixteco Metlatónoc

⁴⁴ Ra kuꞌva saa ke na sa tu ndoꞌo va, ña na koo nduvi ni ndo; saa chi yuꞌu ra xaa yoꞌo, ra kii te kuëe ndiatu ndo yuꞌu va ke ndiko yu kixi yu ―kachi Jesús xiꞌin na.

San Mateo 24:44 Referans Kwoze

San Mateo 25:10

Ra nani saa kuu na uꞌun, na kiꞌvi kan, ndoꞌni na ichi kuaꞌan na, ña sata na ndutia xaꞌan ra kutuun nuu na, saa ra xaa va ra tandaꞌa kan, ra na uꞌun, na xa iyoo nduvi kan, ra ndikiꞌvi va na xiꞌin ra ini veꞌe nuu iyoo viko tandaꞌa kan, saa ra ndasi va yeꞌe veꞌe kan.

San Mateo 25:13

Ra saa ndikaꞌan ka Jesús xiꞌin ndia itaꞌan xiꞌin ra kachi ra saa: ―Na kiꞌin ni tu ndoꞌo va kuenda xiꞌin mii ndo vichin, saa chi kundäa ini ndo ndia mii kii ke, ra ndia mii hora ke ndiko yuꞌu ra xaa yoꞌo kixi yu ―kachi ra xiꞌin ndia.

San Mateo 24:42

’Ña kan ke na kiꞌin ni ndo kuenda, chi kundäa ini ndo ama ke ndiko yuꞌu, ra kuu Iva ndo kixi yu.

San Lucas 12:40

Ra saa ke na sa tu ndoꞌo va, ña na koo nduvi ndo kundiatun ndo yuꞌu, ra xaa yoꞌo vichin te xa na ndiko yu, chi te kuëe ndiatu va ndo ke ndiko yu ―kachi Jesús xiꞌin ndia.

Filipenses 4:5

Ra vivii va na sa ndo ña vaꞌa na kundaa ini takundiꞌi va yuvi, ña tiayu ni ndo. Ra na kundaa ini ndo, chi kama ni va ndiko Tata yo Jesucristo kixi ra.

San Mateo 24:27

Saa chi kii na nandiko yuꞌu ra xaa yoꞌo vichin ra iin ta kuꞌva xa taxa ta ndayeꞌe ña chi nuu kanata ñuꞌu ra iin saa ndia chi nuu kita ña, saa ke kuu, saa chi kuni takundiꞌi va na yuuvi yoꞌo yuꞌu.

Apocalipsis 19:7

Ra na kusii ni ini yo, ra sii ni na koo yo, ra na ndasakaꞌnu yo Iva yo Ndioxi, saa chi xa ndixaa va kii, ña koo viko tandaꞌa ra kuu ndikachi loꞌo, xiꞌin ña kuu yasiꞌi ra, na kuu veꞌe ñuꞌu ra, saa chi xa iyoo nduvi va na.

Santiago 5:9

Ra na täxi ndo kuachi xaꞌa taꞌan ndo, saa chi tu köo ra iyo ni taxi Tata yo Ndioxi tundoꞌo ndaꞌa ndo, ra na kundaa ini ndo, chi Tata yo Jesucristo, ra sandaku kuachi xiꞌin yuvi, ra xa yeꞌe va iin ra.

San Mateo 24:43

Ra na kundaa ini ndo ña yoꞌo, saa chi tu iin ra tata, ra iyoo iin veꞌe ra, ra na kundaa ini ra ama ke kiꞌvi ra kuiꞌna ña sakuiꞌna ra ñaꞌa veꞌe ra, saa ra küsun vi ra, chi kunduꞌu va ra kondiaa ra, ra täxi vi ra kiꞌvi ra kuiꞌna kan ña sakuiꞌna ra ñaꞌa ra.

San Lucas 12:39

Ra saa sa tu iin tiaa ra iyoo veꞌe va, tu na kundaa ini ra ndia mii hora ke kiꞌvi ra kuiꞌna sakuiꞌna ra ñaꞌa ña iyoo veꞌe ra, saa ra kunduꞌu tuꞌva va ra kondiaa ñaꞌa ra; ra täxi ra kiꞌvi ra kuiꞌna veꞌe ra.

San Lucas 21:36

Ña kan ke xiniñuꞌu na koo nduvi ni ndo, ra kaꞌan ni ndo xiꞌin Ndioxi iin takundiꞌi kii, ra saa ke kuvi kaku ndo nuu takundiꞌi ña kuu, ra kuchuun ndo xaa ndo nuu yuꞌu, ra xaa yoꞌo vichin ―kachi Jesús xiꞌin ndia itaꞌan xiꞌin ra.