San Mateo 24:3 - Mixteco Metlatónoc

³ Ra saa ndakiꞌin ndia kuaꞌan ndia iku ña nani Olivo, ra ikan ndixaa Jesús ndakunduꞌu ra, ra saa kuyachin ndia itaꞌan xiꞌin ra, ra nindakatuꞌun ndia ra kachi ndia saa: ―Tata, kuni ndi ña na ndatuꞌun kun xiꞌin ndi, ¿ama ke kuu ndiꞌi ña ndikaꞌan kun? ¿Ra ni ke kuu kuni ndi ta xa ninumi ndiko kun kixi kun? ¿Ra ni ke sa tu ndi kundaa ini ndi ta xa ninumi ndiꞌi xaꞌa ña yuuvi yoꞌo? ―kachi ndia xiꞌin ra.

San Mateo 24:3 Referans Kwoze

Hechos 1:7

Ra saa ndakuiin Jesús kachi ra saa xiꞌin ndia: ―Xiniñüꞌu kundaa vi ini ndoꞌo xaꞌa ña chituni Iva yo Ndioxi sa ra, chi indaa mii va ra kuvi ra kundaa ini xaꞌa ña, ra ama ke sa ra ña, ra ndia kii ke sa tu ra ña.

San Mateo 24:37

Ra na kundaa ini ndo, chi ta kuꞌva kuu xinaꞌa, te ndixiyo ra Noé va ke kuu, kii te na ndiko yuꞌu ra xaa yoꞌo,

San Mateo 13:49

Ra mii saa ke kuu tu te xa na ndiꞌi xaꞌa ña yuuvi yoꞌo va; saa chi kixi na tatun Ndioxi ra ndakaxin na na väꞌa ña ndatava na na tiañu na vaꞌa.

San Lucas 21:7

Ra saa nindakatuꞌun ndia ra kachi ndia saa: ―Tata Maestro, ¿ama ke kuu saa? ¿Ra ni ke sa ndi ña vaꞌa kundaa ini ndi ta xa na kuyachin ndiꞌi xaꞌa ña? ―kachi ndia.

San Mateo 21:1

Ra saa kuu Jesús xika ra kuaꞌan ra xiꞌin yuvi kan, ra saa ndixaa na ñuu Betfagé ña ndikaa yachin xiꞌin iku ña nani Olivo, ra ikan xaꞌndia Jesús chiñu nuu uvi ndia itaꞌan xiꞌin ra,

San Mateo 24:39

Saa chi nindakäni ini vi na ña ndiꞌi xaꞌa ña yuuvi, ra saa kuu na ndee na saa, ndia te xaꞌa kuun ñaꞌa savi ra xaꞌni ndiꞌi va ra na. Ra kuꞌva saa ke kuu tu te xa na ndiko yuꞌu ra xaa yoꞌo vichin va.

San Mateo 24:27

Saa chi kii na nandiko yuꞌu ra xaa yoꞌo vichin ra iin ta kuꞌva xa taxa ta ndayeꞌe ña chi nuu kanata ñuꞌu ra iin saa ndia chi nuu kita ña, saa ke kuu, saa chi kuni takundiꞌi va na yuuvi yoꞌo yuꞌu.

Hebreos 9:26

Ndi su tu ña ndixiniñuꞌu kuvi ña tuku tuku soko Tata yo Jesucristo mii ra, saa ra te sakan chituni Tata yo Ndioxi ña yuuvi yoꞌo vi kuvi ña tuku tuku soko ra mii ra; ndi su ndia kii ña kuyachin ndiꞌi xaꞌa ña yuuvi vichin va kuvi ña kixi ra indaa ichi, ña sandiꞌi ra xaꞌa kuachi yuvi xaꞌa ña ndisoko ra mii ra ña ndixiꞌi ra.

San Mateo 28:20

ra na sañaꞌa ndo na, ña na kandixa na takundiꞌi chiñu ña ^xaꞌndia yu nuu ndo. Ra na kundaa ini ndo, saa chi iin ndisaa kii va kuiin yu xiꞌin ndo, ra iin saa ndia te na ndiꞌi xaꞌa ña yuuvi yoꞌo ―*kachi Jesús xiꞌin ndia xitaꞌan xiꞌin ra. Saa koo.

San Mateo 17:19

Ra te ndiꞌi, saa nindakatuꞌun siin ndia itaꞌan xiꞌin Jesús, kachi ndia saa: ―Tata, ¿nichuun ndikuchüun ndi tava ndi tachi ndivaꞌa kan? ―*kachi ndia xiꞌin ra.

San Mateo 24:43

Ra na kundaa ini ndo ña yoꞌo, saa chi tu iin ra tata, ra iyoo iin veꞌe ra, ra na kundaa ini ra ama ke kiꞌvi ra kuiꞌna ña sakuiꞌna ra ñaꞌa veꞌe ra, saa ra küsun vi ra, chi kunduꞌu va ra kondiaa ra, ra täxi vi ra kiꞌvi ra kuiꞌna kan ña sakuiꞌna ra ñaꞌa ra.

San Mateo 15:12

Saa ra kuyachin va ndia itaꞌan xiꞌin Jesús, ra ndikaꞌan ndia xiꞌin ra kachi ndia saa: ―Tata, ¿a kundaa ini kun ña väꞌa vi ndikuni ndia fariseo, te xini soꞌo ndia tuꞌun ña ndikaꞌan kun? ―kachi ndia xiꞌin ra.

San Mateo 13:36

Ra saa te ndiꞌi ndatiꞌvi Jesús yuvi kan kuanuꞌu na, ra saa nandiꞌvi ra ini veꞌe, ra saa kuyachin ndia itaꞌan xiꞌin ra, ra ndikaꞌan ndia xiꞌin ra kachi ndia saa: ―Tata, ndatuꞌun xiꞌin ndi ra na kundaa ini ndi, ni ke kuni kachi tuꞌun ndichi ña ndikaꞌan kun xaꞌa iku ñàꞌa ña kana tiañu itu trigo ña iyoo nuu ñuꞌu kan ―kachi ndia xiꞌin ra.

San Mateo 16:27

Chi yuꞌu, ra xaa yoꞌo vichin, ra ndiko yu kixi yu xiꞌin ndiee Tata yu, xiꞌin na tatun ra, ra saa ke ndachaꞌvi yu ta iin ta iin na yuuvi yoꞌo xaꞌa chiñu ña ^xa na, ra ta kuꞌva iyoo mii chiñu ña ^xa na, saa ke koo tu yaꞌvi na sa va yu.

San Mateo 16:28

Ra ña ndixa ke kaꞌan yu xiꞌin ndoꞌo, ndia ndee yoꞌo vichin, chi saa kúú tiaku ka va ndo, ra kuni nuu va ndo ña xaꞌa yuꞌu, ra xaa yoꞌo ña kaꞌndia yu chiñu ―kachi Jesús xiꞌin ndia.

San Mateo 24:30

Ra saa kuni takundiꞌi na ña kuu nuu ndivi, ña taxi kuꞌva nuu na ña xa kuyachin ni ndiko tuku yuꞌu, ra xaa yoꞌo kixi yu. Ra te xa na kuni takundiꞌi na ñuu yuuvi yoꞌo yuꞌu, ña kee yu ndivi vaxi yu iin nuu viko xiꞌin takundiꞌi ndiee yu ña kaꞌnu, saa ra yuꞌvi ni na ra kuaku ni na.