San Mateo 24:27 - Mixteco Metlatónoc

²⁷ Saa chi kii na nandiko yuꞌu ra xaa yoꞌo vichin ra iin ta kuꞌva xa taxa ta ndayeꞌe ña chi nuu kanata ñuꞌu ra iin saa ndia chi nuu kita ña, saa ke kuu, saa chi kuni takundiꞌi va na yuuvi yoꞌo yuꞌu.

San Mateo 24:27 Referans Kwoze

2 San Pedro 3:4

Ra sa siki tu na yoo na kandixa ña nandiko Tata yo Jesucristo nuu ñuꞌu yoꞌo va, ra kaꞌan na kachi na saa: “Tu ña ndixa kuvi ña kindoo Jesucristo nandiko ra, ¿ra ndia mii ke íin ra vichin? Ndia kii ña ndixiꞌi na xii xikua yo iin saa ndia vichin, ra ndia nii ñaꞌa täan kuu, saa chi, iin ta kaa te sakan xavaꞌa Ndioxi ña yuuvi te yachi ke kaa vichin va”, kachi na.

Santiago 5:8

Ra kuꞌva saa ke na sa tu ndoꞌo va ña na ndïꞌi ini ndo ña kundiatu ndo ña nandiko Tata yo Jesucristo kixi ra, saa chi xa ndinuni ni va nandiko ra.

San Mateo 24:39

Saa chi nindakäni ini vi na ña ndiꞌi xaꞌa ña yuuvi, ra saa kuu na ndee na saa, ndia te xaꞌa kuun ñaꞌa savi ra xaꞌni ndiꞌi va ra na. Ra kuꞌva saa ke kuu tu te xa na ndiko yuꞌu ra xaa yoꞌo vichin va.

San Mateo 24:37

Ra na kundaa ini ndo, chi ta kuꞌva kuu xinaꞌa, te ndixiyo ra Noé va ke kuu, kii te na ndiko yuꞌu ra xaa yoꞌo,

San Mateo 16:28

Ra ña ndixa ke kaꞌan yu xiꞌin ndoꞌo, ndia ndee yoꞌo vichin, chi saa kúú tiaku ka va ndo, ra kuni nuu va ndo ña xaꞌa yuꞌu, ra xaa yoꞌo ña kaꞌndia yu chiñu ―kachi Jesús xiꞌin ndia.

San Mateo 24:3

Ra saa ndakiꞌin ndia kuaꞌan ndia iku ña nani Olivo, ra ikan ndixaa Jesús ndakunduꞌu ra, ra saa kuyachin ndia itaꞌan xiꞌin ra, ra nindakatuꞌun ndia ra kachi ndia saa: ―Tata, kuni ndi ña na ndatuꞌun kun xiꞌin ndi, ¿ama ke kuu ndiꞌi ña ndikaꞌan kun? ¿Ra ni ke kuu kuni ndi ta xa ninumi ndiko kun kixi kun? ¿Ra ni ke sa tu ndi kundaa ini ndi ta xa ninumi ndiꞌi xaꞌa ña yuuvi yoꞌo? ―kachi ndia xiꞌin ra.

San Mateo 8:20

Saa ndakuiin Jesús kachi ra saa xiꞌin ra: ―Yukuii, ra iyoo va yavi nuu kixi ri, ra saa tu iyoo saa va, chi iyoo tu chiꞌyo nuu kixi ri kan va. Ndi su, yuꞌu, ra xaa yoꞌo vichin, ra ndia nii nuu kusun yu ke köo vi ―kachi Jesús xiꞌin ra.

San Mateo 16:27

Chi yuꞌu, ra xaa yoꞌo vichin, ra ndiko yu kixi yu xiꞌin ndiee Tata yu, xiꞌin na tatun ra, ra saa ke ndachaꞌvi yu ta iin ta iin na yuuvi yoꞌo xaꞌa chiñu ña ^xa na, ra ta kuꞌva iyoo mii chiñu ña ^xa na, saa ke koo tu yaꞌvi na sa va yu.

San Mateo 24:26

Ra te na kaꞌan na xiꞌin ndo kachi na saa: “Kuaꞌan ndo kuni ndo, chi iku kaa iin ra tiꞌvi Ndioxi xaa sakaku yoo”, kachi na; ra na kandïxa ndo kuꞌun ndo. Ra tu na kaꞌan tu na xiꞌin ndo kachi na saa: “Naꞌa ndo, ra kuni ndo chi ini veꞌe yoꞌo iin ra tiꞌvi Ndioxi xaa sakaku yoo”, na kachi na xiꞌin ndo, saa ra na kandïxa ndo na.

San Mateo 24:44

Ra kuꞌva saa ke na sa tu ndoꞌo va, ña na koo nduvi ni ndo; saa chi yuꞌu ra xaa yoꞌo, ra kii te kuëe ndiatu ndo yuꞌu va ke ndiko yu kixi yu ―kachi Jesús xiꞌin na.