San Mateo 23:39 - Mixteco Metlatónoc

³⁹ ra kuni yu ña na kundaa ini ndo, chi vichin, ra küni yachi ka ndo yuꞌu, chi ndia te na xaa kii, ña kaꞌan na ñuu yoꞌo xiꞌin yu kachi na saa: “¡Kaꞌnu ni ra xaa sakaku yoo xiꞌin kivi Tata yo Ndioxi ra iyoo ndivi!”, kachi na, ra ndia saa vi ke kuni ndo yuꞌu ―*kachi Jesús xiꞌin na.

San Mateo 23:39 Referans Kwoze

San Mateo 21:9

Ra yuvi na inuu chi nuu, xiꞌin na ndikun chi sata ra, ra iin siso siso ndaꞌyu na kachi na saa: ―¡Ra kaꞌnu ni kuvi ra yoꞌo!, chi ndiseꞌe ra Rey David kuvi ra; ¡ra kaꞌnu ni ra, chi Tata yo Ndioxi kuvi ra tiꞌvi ra ña vaxi ra sakaku ra yoo! ¡Na ndasakaꞌnu ndo Tata yo Ndioxi ra iyoo ndivi! ―^kachi na.

Romanos 11:25

Ñani yo, kuꞌva yo, vichin kuni yu ña na kundaa ini yo xaꞌa chiñu Ndioxi ña iyoo seꞌe ña kuni ra sa ra, ña vaꞌa na tüvi ndo ña ndichi ni ndo; ra na kundaa ini ndo, chi sava va na ñuu Israel kuvi na ndundaku ini, ndi su takua kii ña kumani ka kaku ndiaꞌvi yuvi na küu judío va ke koo na ñuu Israel saa.

San Juan 8:56

Ra ra Abraham xii xikua ndo ra xitiaku ta yachi, ra kusii ni va ini ra te kundaa ini ra ña kixi yu; ra xini ndixa va ra ña xaa yu, saa ra tiaa ni ka va kusii ini ra ―kachi Jesús xiꞌin na.

San Juan 8:24

Ña kan ke ndikaꞌan yu xiꞌin ndo ña kuvi ndo xaꞌa kuachi ndo, saa chi tu na kuïin ndo kandixa ndo yuꞌu ña ^kuu yu tiaa ra kuu yu, saa ra kuvi va ndo xaꞌa kuachi ndo ―kachi ra.

San Juan 8:21

Ra saa ndikaꞌan tuku Jesús xiꞌin ndia kachi ra saa: ―Yuꞌu, ra kuꞌun va yu, ra nanduku ni ndo yuꞌu, ndi su kuvi va ndo xaꞌa kuachi ndo, saa chi nuu kuꞌun yu, ra kuchüun vi ndo kuꞌun ndo ―kachi ra xiꞌin ndia.

San Lucas 17:22

Ra saa ndikaꞌan Jesús xiꞌin ndia itaꞌan xiꞌin ra kachi ra saa: ―Vaxi kii, ra ku̱ni̱ ni ndo kuni ndo yuꞌu, ra xaa yoꞌo, ña kixi tuku yu, ndi su küni ka ndo yuꞌu.

San Juan 14:19

Ra saloꞌo ni va kumani, saa ra küni ka vi na yuuvi yoꞌo yuꞌu, ndi su ndoꞌo ra kuni va ndo yuꞌu; saa chi kutiaku va ndo, chi yuꞌu ra tiaku va yu.

San Juan 14:9

Saa ndakuiin Jesús kachi ra saa xiꞌin ra: ―Felipe, ¿xa kuaꞌa ni va kii iyoo yu xiꞌin ndo, ra nani saa xïni kun yuꞌu saa va? Yuvi na ^xíní yuꞌu, ra ^xíní tu na Tata va yu; ¿ra nichuun ke kaꞌan kun, ña na ñaꞌa yu Tata yo Ndioxi nuu kun?