San Mateo 23:35 - Mixteco Metlatónoc

³⁵ Ra xaꞌa ña sa ndo ña yoꞌo ke, ndakuiso kuachi ndo xaꞌa takundiꞌi nii yuvi toꞌo, na xaꞌni na xii xikua ndo xinaꞌa ta kuu ra Abel, iin saa ndia ra Zacarías, seꞌe ra Berequías, ra xaꞌni ndo ini veꞌe ñuꞌu nuu iyoo altar yii.

San Mateo 23:35 Referans Kwoze

Hebreos 11:4

Ra xaꞌa ña xindiaa ini ra Abel Tata yo Ndioxi kuvi ña ndisoko ra iin ñaꞌa ña ndiaa yaꞌvi ni nuu ra, ndi su ra Caín, ra ña nuu va ndisoko ra kan; ra xaꞌa ña ndisoko ra Abel iin ñaꞌa ña ndiaa yaꞌvi ni kan ke ndakuni va Tata yo Ndioxi ra, ra ndakiꞌin mani va ra ñaꞌa ña ndisoko ra. Ra vaꞌa ni xa naꞌa ni va ndixiꞌi ra Abel, ndi su sañaꞌa va ña xindiaa ini ra Tata yo Ndioxi yoo vichin, ña xiniñuꞌu ni na kondiaa ini tu yoo va Tata yo Ndioxi.

Apocalipsis 18:24

Saa chi yoꞌo ñuu Babilonia kuvi ña kuu mii kuachi ña xaꞌni kun na ndikaꞌan ndoso tuꞌun Ndioxi xinaꞌa, xiꞌin na yii na kuu ñuu Ndioxi, ra saa tu na kuaꞌa na xaꞌni kun, iinii saa kuvi ña yuuvi va ―*kachi ra tatun Ndioxi kan xiꞌin ñuu Babilonia.

Hebreos 12:24

ra saa tu nuu nduꞌu Tata yo Jesucristo va. Ra xaꞌa ña xa ra yoꞌo kuvi ña kindoo Tata yo Ndioxi iin ña xaa xiꞌin yo, ña ndakutaꞌan mani yo xiꞌin Tata yo Ndioxi vichin, ra saa tu nuu nii ra ña ndisoko ra xaꞌa kuachi va yo; ra nii kan, ra vaꞌa ni ka va ña kan nuu nii ra Abel, saa chi sandiꞌi ña xaꞌa kuachi yo.

San Lucas 11:51

Ra ndia xaꞌa nii ra Abel, iin saa ndia xaꞌa nii ra Zacarías ra ndikaꞌan tuꞌun yuꞌu Ndioxi xinaꞌa, ra xaꞌni na nuu altar yii ini veꞌe ñuꞌu kaꞌnu, xiꞌin nuu xaꞌni na kiti ri soko na nuu Ndioxi. Ra xaꞌa ndia yoꞌo ke kaꞌan Ndioxi kuachi nuu ndoꞌo, na ndee tiempo vichin ―kachi Jesús.

Hechos 5:28

―A su xa xaꞌndia va ndi chiñu nuu ndo ña käꞌan ndoso ka ndo nuu yuvi xaꞌa tiaa ñaa, kachi ndi xiꞌin ndo; ndi su vichin ra iinii saa va ñuu Jerusalén yoꞌo sakuaꞌa ndo yuvi xaꞌa tiaa ñaa, ra kuni ndo saviso kuachi ndo nduꞌu ña xaꞌni ndi ra ―kachi ra xiꞌin ndia.