San Mateo 22:14 - Mixteco Metlatónoc

¹⁴ Ra saa ndikaꞌan ka Jesús xiꞌin na kachi ra saa: ―Kuaꞌa ni va kuvi na ^kana Ndioxi, ña kiꞌvi na koo na xiꞌin ra nuu xaꞌndia ra chiñu, ndi su loꞌo ni va kuvi na ^ndakaxin ra ―kachi Jesús xiꞌin na.

San Mateo 22:14 Referans Kwoze

2 San Pedro 1:10

Ra ña xa ^kaꞌan yu xiꞌin ndo xaꞌa chiñu ña xiniñuꞌu sa ndo, ra na sa nduxa va ndo ña ^sa ndo ña, ña vaꞌa ndañaꞌa ndo mii ndo ña ndixa ke kana Tata yo Ndioxi ndoꞌo, ra ndikaxin ra ndoꞌo, ra tu saa na ^sa ndo, ra ndiaa nii kii ndakäva ndo ña sa ndo iin kuachi ña ndiee ni.

Apocalipsis 17:14

Ra saa xaꞌa ndia kanitaꞌan ndia xiꞌin Jesucristo ra kuu ndikachi loꞌo; ndi su Jesucristo ra kuu ndikachi loꞌo, ra kuchuun va ra ña sakanaa ra nuu ndia rey kan xiꞌin nuu kiti chee ñàꞌa kan, saa chi Jesucristo ra kuu ndikachi loꞌo yoꞌo kuvi ra kuu rey ra kuchee nuu takundiꞌi va na rey, ra ra yoꞌo kuvi tu ra kuchee nuu takundiꞌi na kunaꞌnu va. Ra na itaꞌan xiꞌin ra kuvi yuvi na kana ra, na ndikaxin ra, na ndinuni ni ini ndikun sata ra ―*kachi ra tatun Ndioxi kan xiꞌin yu.

San Mateo 20:16

Ra saa ndikaꞌan ka Jesús xiꞌin na kachi ra saa: ―Na kundaa ini ndo, chi na ndikun vichin kuvi na ndakunuu va, ra na inuu vichin kuvi na ndakundikun va tu. Ra saa ke iyoo va ña: saa chi kuaꞌa ni va kuvi na ^kana Ndioxi kuꞌun koo xiꞌin ra nuu xaꞌndia ra chiñu, ndi su loꞌo ni va kuvi na ^ndakaxin ra ―kachi Jesús xiꞌin na.

San Mateo 24:22

Ra tu kuëe ndixaꞌndia Ndioxi tiempo yoꞌo ña ndasa loꞌo ra ña, saa ra ndia nii yuvi kuvi na käku vi, ndi su xaꞌa na ndikun sata ra na ndikaxin ra ke kaꞌndia ra tiempo yoꞌo ra nduloꞌo va kii.

San Mateo 24:24

Chi kuaꞌa ni na maña kixi ra kachi na saa: “Yuꞌu ku Cristo”, a “Yuꞌu kuvi ra kaꞌan tuꞌun yuꞌu Ndioxi”, kachi na. Ra kuaꞌa ni ña ndichi xiꞌin ña xituꞌun sa na, ña sandaꞌvi na yuvi, ra kusana ndia na xa ndikaxin Ndioxi kundikun ichi va ra kuni na sandaꞌvi na.